完整藏文原文 · 德格版页 当前仅加载第 77 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
གི་བྱིན་རླབས་སོགས་གྲུབ་པ། །དེ་རྣམས་དེ་ཉིད་གསང་ཆེན་དང་། །དམ་པ་དང་ནི་དོན་དམ་པ། །དམ་པའི་ཡི་གེ་གྲུབ་དོན་དུ། །ཐམས་ཅད་མི་གསུང་འོས་མ་ལགས། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་
D367.077.0194a01.01དེ་ཁོ་ན་ཉིད་ཐམས་ཅད་ངེས་ཚིག་གི་རྟོག་པ་སྟེ་{བཅྭ་,བཅོ་}བརྒྱད་པའོ།། །།དེ་ནས་སྟོན་པ་རྡོ་རྗེ་འཛིན། །རྟོག་པ་ཀུན་གྱི་གཙོ་ཆེན་པོས། །ཐེ་ཙོམ་ཀུན་གྱི་ཚོགས་གནས་ནས། །དོན་དམ་འཛིན་པ་ཡང་བཀའ་སྩལ། །དེ་ལ་ཇི་ལྟར་རྟོག་པའི་དོན་རྒྱུད་ཡིན་ཞེ་ན། རྣམ་པར་མི་རྟོག་
D367.077.0194a02.01ཆོས་དག་ལས། །སེམས་ཅན་དོན་དུ་ཡོངས་སུ་རྟོག །དེ་ཕྱིར་རྟོག་པར་ཡང་དག་བཤད། །རྟོག་པ་ཡོངས་སུ་དག་ཕྱིར་རོ། །དེ་ལ་ཇི་ལྟར་རྒྱུད་ཕྱི་མ་ཡིན་ཞེ་ན། རྒྱུད་ནི་རབ་ཏུ་འབྲེལ་པར་བཤད། །ཕྱི་མ་གོང་དུ་ཕྱུང་བ་ཡིན། །དེ་ཉིད་གསང་བ་གསང་ཆེན་རྣམས། །དེ་ཡང་
D367.077.0194a03.01རྒྱུད་ནི་ཕྱི་མར་འདོད། །དེ་ལ་ཇི་ལྟར་དང་པོ་ཉིད་ཀྱི་ཡེ་ཤེས་ཡིན་ཞེ་ན། ནམ་མཁའ་ཀུན་ཏུ་རབ་གནས་པ། །རྡོ་རྗེ་ཀུན་གྱི་དངོས་པོ་མཆོག །བདེ་ཆེན་དགྱེས་པ་ཆེན་པོ་དེ། །དམ་པའི་ཡི་གེ་གཞལ་ཡས་ཁང་། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་
D367.077.0194a04.01ལ་ཇི་ལྟར་གདོད་མ་དང་ཐ་མ་མེད་པའི་རྡོ་རྗེ་སེམས་དཔའ་ཡིན་ཞེ་ན། ཡི་གེ་ཀ་སོགས་དྷ་ཡིག་མཐའ། །ང་ཉ་སྤངས་ནས་འཇུག་པར་བྱ། །ཡི་གེ་དྷ་སོགས་ཥ་ཡི་མཐའ། །ཕྲེང་བ་གཉིས་པ་ཡང་དག་བྲི། །དབུས་གནས་པར་ནི་ཨ་ཡིག་ཕྲེང་། །ཟླ་བའི་དཀྱིལ་འཁོར་ལ་བཀོད་དེ། །
D367.077.0194a05.01ཐིག་ལེ་ཟླ་ཚེས་དང་ལྡན་པར། །ཚེག་དྲག་ཟླ་བ་གཉིས་ཡིན་ཏེ། །ཨ་ཡིག་མི་འགྱུར་བསྒོམ་པར་བྱ། །དབུས་སུ་རྡོ་རྗེའི་ངོ་བོར་གནས། །དེ་དབུས་རྟག་ཏུ་བསྒོམ་པ་ནི། །འདོད་ཆགས་ཆེན་པོ་བདེ་བ་ཆེ། །འདི་དེ་སངས་རྒྱས་ཐམས་ཅད་ཀྱི། །སངས་རྒྱས་རི་མོ་གྲགས་པ་ཡིན། །
D367.077.0194a06.01དེ་ལས་འགྲོ་བ་གཡོ་མི་གཡོ། །ཐམས་ཅད་ཡང་དག་འབྱུང་བས་ནི། །ནམ་མཁའ་ལས་བྱུང་མཚན་མའི་ཕྱིར། །གདོད་མ་ཐ་མ་མེད་མཆོག་ཡིན། །རྡོ་རྗེ་ཆེན་པོ་དངོས་སེམས་ནི། །རྡོ་རྗེ་སེམས་དཔའ་ཞེས་འདོད་དོ། །དེ་ལ་བཅོམ་ལྡན་འདས་དེ་གང་ཞེ་ན། དངོས་གྲུབ་ཆེན་
D367.077.0194a07.01