完整藏文原文 · 德格版页 当前仅加载第 77 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོ་ག་བཞིན་དུ་འཐོབ། །སེམས་ཅན་དོན་དུ་ལས་དག་བྱེད་པ་མ་ཡིན་པས། །རྒྱལ་བ་དག་གིས་རྣམ་པར་དག་པ་འདི་ལ་ནི། །བགེགས་མེད་དེ་བཞིན་དུ་ནི་བདུད་ཀྱང་མེད་པ་སྟེ། །རྟོག་པ་ཡིས་ཀྱང་དངོས་གྲུབ་འཕེལ་སྟོབས་བྱིན་གྱིས་རློབས། །གང་གི་རྟོག་པ་མཆོག་ཆེན་འདི་
D367.077.0212a01.01སྒྲུབ་བྱེད་པ་ལ། །བདུད་ཉིད་དུ་ནི་མི་འགྲོ་མི་བརྟན་ཉིད་ཀྱང་མིན། །བརྟན་པའི་རྒྱུ་ནི་བདག་གིས་སྟོན་པར་མི་བྱེད་དེ། །མྱུར་བར་མཆོག་གི་མཆོག་ཉིད་འགྲུབ་ཕྱིར་བསྟན་པར་འགྱུར་བྱེད་དོ། །གང་གིས་བདག་གི་སྙིང་པོས་བདག་ལ་རྟག་ཏུ་གྲུབ་བྱེད་ནི། །མཆོག་ཆེན་དངོས་གྲུབ་དང་ནི་རྟག་
D367.077.0212a02.01པར་བདེ་ཆེན་དང་། །ཆགས་དང་ཤིན་ཏུ་དགའ་དང་བརྟན་དང་རྒྱས་པ་དང་། །ཡིག་ཆེན་ཡང་ནི་རྟག་པར་བདག་གིས་འགྲུབ་པར་བྱེད། །དེ་ནས་མཆོག་སྐྱེས་རྒྱལ་བ་ཐམས་ཅད་དགའ་ནས་སུ། །འཛུམ་པ་ཆེན་པོ་ཐམས་ཅད་ཁྱབ་པར་རྣམ་པར་འབྱེད། །ཀུན་བདག་དབྱིངས་ཀྱི་རྡུལ་ཕྲན་
D367.077.0212a03.01མཆོག་ཆེན་གཟུགས་དག་གིས། །ཀུན་ནས་དེ་ལ་ལེགས་པའི་སྒྲ་ནི་དབུལ་བར་བྱེད། །བདག་གིས་དབྱིངས་ཀུན་རྗེས་སུ་ཆེ་མཆོག་གཟུགས་ཀྱིས་སུ། །ཕ་མཆོག་གྱུར་པ་སངས་རྒྱས་ཀུན་གྱིས་ལེགས་སོ་ལེགས། །མཆོག་གི་རྡོ་རྗེ་ལས་བྱུང་ཁྱོད་ནི་ལེགས་སོ་ལེགས། །དམ་པའི་ཆོས་
D367.077.0212a04.01ཉིད་ཆོས་ཀྱི་བདག་ཉིད་ལེགས་སོ་ལེགས། །དམ་པའི་ལས་ཅན་མཆོད་པའི་བདག་ཉིད་ལེགས་སོ་ལེགས། །རྟོགས་པའི་བྱིན་རླབས་མཛོད་ཅིག་མཉམ་པར་བྱིན་བརླབས་ཀྱིས། །དོན་ཡོད་དངོས་གྲུབ་རྟག་ཏུ་ཡིག་འབྲུ་ཆེན་པོ་ཡི། །གྲུབ་པས་ཕྱི་ན་མི་འདུལ་བ་ཡི་དུས་སུ་ནི། །དེ་དག་གི་
D367.077.0212a05.01ཡང་ཇི་ལྟར་དམ་པའི་བདེར་འགྱུར་ཕྱིར། །དེ་ལྟར་ངག་ཆེན་ཞུས་ནས་སུ། །སྲས་བཅས་སངས་རྒྱས་ཐམས་ཅད་ཀྱིས། །རྡོ་རྗེ་སེམས་དཔའ་ཆེན་པོ་ཡིས། །གསུངས་པ་ལ་ནི་མངོན་པར་བསྟོད། །སངས་རྒྱས་ཐམས་ཅད་དང་མཉམ་པར་སྦྱོར་བའི་མཁའ་འགྲོ་སྒྱུ་མ་བདེ་བའི་མཆོག་ཅེས་བྱ་བ་ཁྲི་
D367.077.0212a06.01བརྒྱད་སྟོང་པ་ལས་རྟོག་པ་ཐམས་ཅད་ཀྱི་རྒྱལ་པོ་བརྒྱ་བཅུ་བདུན་པ་རྫོགས་སོ།། །།རྒྱ་གར་གྱི་མཁན་པོ་སྨྲི་ཏི་ཛྙཱ་ན་ཀཱིརྟི་ཉིད་ཀྱིས་བསྒྱུར། ཡོན་བདག་བོད་ཀྱི་མཁན་པོ་གཞོན་ནུ་གྲགས་པས་ཞུས་ཏེ་བཤད་ནས་གཏན་ལ་ཕབ་པ།། །།
D367.077.0212a07.01