完整藏文原文 · 德格版页 当前仅加载第 77 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བ་སྟེ། །མེ་ཏོག་མ་སོགས་འདུས་ནས་ཀྱང་། །རྩ་བའི་དཀྱིལ་འཁོར་ལ་བསྐྱེད་འདོད། །ཅེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །རྡོ་རྗེ་ཉི་མའི་དཀྱིལ་འཁོར་ལས། སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་
D367.077.0207a01.01དང་ལྡན་པ། །དེ་བཞིན་བདེན་བྲལ་ཕྱི་རོལ་པ། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་བཞི་པ་གང་ཡིན་དང་། །ཡི་གེ་ཨི་དང་མཉམ་ལྡན་པའི། །བྱང་གི་ཐ་མར་འགྱུར་བར་བྱ། །ཡི་གེ་ཨུ་ཡིག་དང་ལྡན་པའི། །བདེན་བྲལ་ཕྱི་རོལ་པ་ཡིན་ཏེ། །དབུས་ལས་བཞི་པ་གང་
D367.077.0207a02.01ཡིན་དང་། །ཐིག་ལེ་ཨུ་ཡིག་དང་ལྡན་པའི། །རླུང་མཚམས་ཕྱི་རོལ་པ་འགྱུར་ཏེ། །རྟ་མཆོག་རྒྱལ་པོ་ཆེན་པོ་ཡིས། །ཐམས་ཅད་དུས་སུ་བཟླ་བར་བྱ། །ལས་རྣམས་ཐམས་ཅད་འགྲུབ་པ་ནི། །འཇོམས་པ་ལས་གྲུབ་དྲན་ལས་དགའ། །ཞེས་བཅོམ་ལྡན་འདས་དཔལ་རྡོ་
D367.077.0207a03.01རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དེ་བཞིན་དབུས་ལས་དབུ་མ་པ། །སྒྲ་ཡིག་ཨི་དང་སྦྱོར་བར་བྱ། །དབང་ལྡན་ཕྱི་རོལ་དེ་བཞིན་ཏེ། །དབུས་ལས་དབུ་མ་དང་ལྡན་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་
D367.077.0207a04.01མ་ཡང་ཡིན་ཏེ། །བྱང་ལས་བཞི་པ་གང་ཡིན་དང་། །མེ་མཚམས་པ་ཡི་མཉམ་གནོན་པའི། །དབུས་ལས་ཐ་མ་འགྱུར་ལྡན་བྱ། །ལྷོ་ལས་དབུ་མ་ཡང་ཡིན་ཏེ། །ཚེག་དྲག་ཨི་ཡིག་ལྡན་པ་ནི། །སྣ་ཚོགས་པདྨོ་ཞེས་སུ་གྲགས། །ཞེས་བཅོམ་ལྡན་འདས་དཔལ་རྡོ་རྗེ་སེམས་
D367.077.0207a05.01དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །ཨི་ཡིག་དང་ནི་མཉམ་ལྡན་པའི། །དབུས་ལས་དབུ་མ་ཡང་ཡིན་ཏེ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་ལྡན་པར་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་
D367.077.0207a06.01ལས་དབུ་མ་འགྱུར་བར་བྱ། །བདེན་བྲལ་ཕྱི་རོལ་བཟུང་བ་དང་། །དབུས་ལས་དབུ་མ་ལྡན་པ་ཡི། །བྱང་ལས་དང་པོ་འགྱུར་བར་བྱ། །ཚེག་དྲག་དང་ནི་མཉམ་ལྡན་པའི། །རླུང་མཚམས་ཕྱི་རོལ་པ་ཡང་ཡིན། །རྟ་ཡི་རྒྱལ་པོའི་དཀྱིལ་འཁོར་ལ། །སྣ་ཚོགས་རྡོ་རྗེ་ཞེས་གྲགས་སོ། །
D367.077.0207a07.01