完整藏文原文 · 德格版页 当前仅加载第 77 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཀུན་གྱི་མཆོག །དབང་ཕྱུག་ཆེན་པོ་རིག་པ་ལྷ། །རྒྱལ་པོ་ཆེན་པོ་རྡོ་རྗེ་འཛིན། །དམ་པ་ཡི་གེ་ཤིན་ཏུ་དགའ། །དེ་ལ་ཇི་ལྟར་ཡི་གེ་རྟོག་པ་ཡིན་ཞེ་ན། །ཡི་གེ་ཨ་སོགས་ཀྵ་མཐའ་ནི། །ཡི་གེར་ཡང་དག་བཤད་པ་སྟེ། །མི་ཟད་དགའ་བའི་རྡོ་རྗེ་ཅན། །དེ་ཉིད་ཀུན་དོན་མཚན་
D367.077.0194b01.01ཉིད་ཕྱིར། །དེ་ལ་ཇི་ལྟར་སྔགས་འབྱུང་བ་ཡིན་ཞེ་ན། །རྡོ་རྗེ་སེམས་སོགས་འཁོར་ལོ་ལ། །གང་རྣམས་སྔགས་སུ་ཆེར་བཤད་པ། །དེ་རྣམས་བྱུང་བའི་དོན་དུ་ནི། །རྡོ་རྗེ་ཅན་གྱིས་ཡང་བཀའ་སྩལ། །གུར་གུམ་ལ་སོགས་བྱུགས་པ་ལ། །བྲི་སྐུ་ལ་སོགས་རྣམ་བརྒྱན་ནས། །
D367.077.0194b02.01བླ་རེ་ལ་སོགས་བྲེས་ནས་སུ། །རྟག་ཏུ་རེའུ་མིག་བཞི་བརྩམས་ནས། །གྲུ་བཞི་གཞལ་ཡས་ཁང་བྱས་ཏེ། །རེའུ་མིག་ཕྱོགས་བཞིར་འབར་བར་བྱས། །རེའུ་མིག་སུམ་ཅུ་ཐམ་པ་ལ། །བཅུ་དགུ་དང་ནི་ལྡན་པར་བྱ། །བརྒྱ་ཕྱེད་སྟན་ལ་གནས་པ་ལ། །སྡེ་པ་ལྔ་མཐའ་ཐིག་
D367.077.0194b03.01ལེ་ཡིས། །སྤྱི་བོ་གཙུག་ལ་རྟག་པ་ཡི། །ཀ་དང་ཤ་ཞེས་བྱ་བ་ནི། །དབུས་ཀྱི་རེའུ་མིག་ལ་བྲིའོ། །དེ་ཡི་ཕྱི་རོལ་གནས་བརྒྱད་དག །མཚམས་དང་ཕྱོགས་ཀྱི་རེའུ་མིག་ལ། །དབང་ལྡན་ལ་སོགས་རིམ་པ་རུ། །ཡ་དང་ཤ་ཡི་སྡེ་བཀོད་དོ། །མེ་མཚམས་ལ་སོགས་རེའུ་མིག་
D367.077.0194b04.01ལ། །མ་ཡི་ཡིག་འབྲུ་བཞི་པོ་དང་། །ཨ་ཡིག་ས་བོན་ལ་བརྟེན་ནས། །ས་བོན་བཅུ་གཉིས་དགོད་པར་བྱ། །དབང་ལྡན་ལ་སོགས་རེའུ་མིག་ལ། །ཀ་ཡིག་ལ་སོགས་རིམ་པར་དགོད། །དེ་ལྟར་བཞི་ལ་རིམ་པར་ནི། །ཐམས་ཅད་རྣམ་པར་གནས་བྱས་ཏེ། །ཀ་སོགས་
D367.077.0194b05.01རེའུ་མིག་བཟུང་ནས་སུ། །ཡིག་འབྲུ་དམ་པ་ཕྱུང་བར་བྱ། །ཤིན་ཏུ་དགའ་ཆེན་རྒྱལ་པོ་ནི། །སྦྱོར་བ་ཐམས་ཅད་དབང་ཕྱུག་གཙོ། །རེའུ་མིག་ཉི་ཤུ་རྩ་བཞི་ལ། །གནས་པ་ཟླ་ཕྱེད་གཙུག་ཕུད་ཞལ། །དེ་འོག་སུམ་ཅུ་རྩ་གཉིས་ནི། །དགའ་བ་རྡོ་རྗེ་ཅན་གྱིས་ཕྱུང་། །རེའུ་
D367.077.0194b06.01མིག་བཅུ་བཞི་ཞེས་པ་ལས། །གནས་པ་ཚེག་དྲག་དང་ལྡན་པ། །རེའུ་མིག་ཉི་ཤུ་རྩ་བཞིར་གནས། །སུམ་ཅུ་རྩ་བཞི་ཟླ་དང་ལྡན། །རེའུ་མིག་སུམ་ཅུ་རྩ་གཅིག་ལ། །གནས་པ་ང་རོ་ཐིག་ལེ་ལྡན། །རེའུ་མིག་ཉི་ཤུ་རྩ་བཞི་ལ། །གནས་པ་ཚེག་དྲག་སྦྱོར་བ་བྱ། །སུམ་
D367.077.0194b07.01