完整藏文原文 · 德格版页 当前仅加载第 77 函德格 210a 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་གསུམ་ལས་ནི་རིན་ཆེན་གཞན། །སངས་རྒྱས་རིན་ཆེན་འདྲ་བ་མེད། །སངས་རྒྱས་ཐམས་ཅད་རིན་ཆེན་ཅེས། །དབུ་རྒྱན་དེ་ཡིས་རྡོ་རྗེ་འཛིན། །དེ་ནས་ཇི་ལྟར་སེམས་དཔའི་སྐྱིལ་མོ་ཀྲུང་ཡིན་ཞེ་ན། ཡན་ལག་གཡས་པས་མཉམ་གནོན་པས། །གཡོན་པའི་ཡན་ལག་གཟིར་ནས་
D367.077.0210a01.01སུ། །དེ་ཡི་སེམས་དཔའི་སྐྱིལ་ཀྲུང་ཅན། །རྡོ་རྗེ་སྙིང་པོ་གཙོ་བོའི་གཙོ། །དེ་ནས་ཇི་ལྟར་རྡོ་རྗེ་སེམས་དཔའི་ལྷ་མོ་ལ་སོགས་པའི་དེ་བཞིན་ཉིད་ཀྱི་ཤེས་པ་ཡིན་ཞེ་ན། ཀུན་མཆོག་ཤིན་ཏུ་འབིགས་པས་ན། །དངོས་གྲུབ་ཐམས་ཅད་བདེ་བའི་མཆོག །ཀུན་མཆོག་རྣམ་རྒྱལ་བཀྲ་ཤིས་པས། །ཐམས་ཅད་དབང་
D367.077.0210a02.01ཕྱུག་ཆེ་རུ་འཕགས། །གྲུབ་རྣམས་དེ་བཞིན་ཕུན་སུམ་ཚོགས། །དགའ་བ་དེ་བཞིན་གཙོ་མོ་བདག །རྡོ་རྗེ་ལྷ་མོ་ཚོགས་ཕྱག་རྒྱ། །རྡོ་རྗེ་སེམས་དཔའ་མཆོག་གཟུགས་ཡིན། །དེ་ནས་ཇི་ལྟར་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོའི་དེ་ཉིད་ལྔ་ཡིན་ཞེ་ན། མེ་ལོང་ཁྲག་འཐུང་ཞེས་བྱ་རྣམས། །
D367.077.0210a03.01མཉམ་པ་ཉིད་ལ་གར་དབང་མཆོག །སོ་སོར་རྟོག་ལ་ཉི་མ་སྟེ། །བྱ་བ་ལ་ནི་རྟ་མཆོག་དང་། །ཆོས་ཀྱི་དབྱིངས་ལ་སངས་རྒྱས་ནི། །ཐུབ་ཆེན་རྣམ་པར་སྣང་མཛད་དོ། །ཡེ་ཤེས་ལྔ་ཡི་བདག་ཉིད་ནི། །འདོད་ཆགས་ཆེན་པོ་བདེ་བ་ཆེ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་དེ་བཞིན་ཡང་། །
D367.077.0210a04.01རྡོ་རྗེ་སེམས་དཔའ་འདྲ་བར་ནི། །དེ་རྣམས་དེ་བཞིན་ཉིད་ཀྱིས་བསྙེན། །ཆོས་ཀྱི་དབྱིངས་ལ་འབྱུང་བ་ཡིས། །རྒྱ་ཆེར་དངོས་གྲུབ་སྟེར་བར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ནས་ཇི་ལྟར་ཕྱག་རྒྱ་དང་ཕྱག་རྒྱའི་ཡན་ལག་གི་ཤེས་པ་ཡིན་ཞེ་ན། འཕྲོག་བྱེད་མ་
D367.077.0210a05.01དང་འཛིན་བྱེད་མ། །གཟུང་ཐར་མ་དང་ཚེ་སྦྱིན་མ། །ནམ་མཁར་འགྲོ་དང་ལྷ་མོ་དག །མཁའ་འགྲོ་མ་དྲུག་རབ་ཏུ་གྲགས། །གང་གིས་སྐྲ་ནི་བསྟན་གྱུར་ན། །དེ་ལ་དཔྲལ་བ་བསྟན་པར་བྱ། །མིག་ལ་སྟོན་པ་གང་ཡིན་པ། །དེ་ལ་ལྟེ་བ་བསྟན་པར་བྱ། །གང་གིས་ལྟེ་བ་བསྟན་པ་ན། །དེ་ལ་མཆུ་ནི་རབ་
D367.077.0210a06.01ཏུ་བསྟན། །གང་གིས་མ་མཆུ་རབ་བསྟན་ན། །དེ་ལ་སོ་ནི་རབ་ཏུ་བསྟན། །གང་གིས་ལྕེ་ནི་བསྟན་འགྱུར་ན། །དེ་ལ་གསུས་པ་བསྟན་པར་འགྱུར། །གང་གིས་བྷ་ག་བསྟན་གྱུར་ན། །དེ་ལ་ལིང་ག་བསྟན་པར་བྱ། །གང་གིས་རྗེ་ངར་བསྟན་ན་ནི། །དེ་ལ་བརླ་ནི་བསྟན་པར་བྱ། །གང་གིས་བརླ་ནི་བསྟན་
D367.077.0210a07.01