完整藏文原文 · 德格版页 当前仅加载第 77 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བ་དེ་བཞིན་དུ་ཆུ་ལའང་དེ་བཞིན་དུ་འགྲོའོ། །ཆུ་ལ་ཞུགས་ན་ཆུ་བོའམ་རྒྱ་མཚོ་ཡང་གནས་སོ། །ལག་པ་གཉིས་དྲིལ་ཕྱིས་བྱས་ལ་ལན་སྟོང་བཟླས་ན་རྣལ་འབྱོར་མ་རྣམས་དབང་དུ་འགྱུར་རོ། །རྣལ་འབྱོར་མ་ནི་སྣ་ཚོགས་གཟུགས། །མཁའ་འགྲོ་དེ་བཞིན་ལཱ་མ་དང་། །ཁཎྜ་
D368.077.0224b01.01རོ་ཧཱ་དེ་བཞིན་ཏེ། །གཟུགས་ཅན་མ་རུ་རབ་གྲགས་པ། །དེ་ལ་སོགས་པའི་རྣལ་འབྱོར་མ། །དེ་ཀུན་དེ་ཡི་དབང་དུ་འགྱུར། །སྐར་མ་རྒྱལ་གྱི་སྦྱོར་བས་རས་བྱས་ལ། དེ་གྱོན་པའི་ལུས་ཀྱིས་རྣལ་འབྱོར་མ་མཉམ་པར་བཞག་པས་སྟོང་ཕྲག་བཅུ་བཟླས་ན་དེའི་འོག་ཏུ་འགྲུབ་
D368.077.0224b02.01པར་འགྱུར་རོ། །དེ་གྱོན་པའི་ལུས་ཀྱིས་དཔག་ཚད་སྟོང་གི་བར་དུ་ནམ་མཁར་མི་སྣང་བར་འགྱུར་རོ། །གང་དུ་འདོད་པ་དེར་འགྲོ་བར་འགྱུར་རོ། །དེས་རྒྱ་མཚོའི་མཐར་ཐུག་པའི་ས་རྣམས་སུ་འགྲོ་བར་འགྱུར་རོ། །སྟེང་གི་རྒྱུད་དུ་འགྲོ་བར་འགྱུར་རོ། །དབང་པོ་གང་དང་གང་ལམ་
D368.077.0224b03.01གྱུར། །དེ་དང་དེ་ཡི་རང་བཞིན་འགྲོ། །མཆོག་ཏུ་མཉམ་བཞག་སྦྱོར་བ་ཡིས། །ཐམས་ཅད་སངས་རྒྱས་རང་བཞིན་འགྱུར། །ཤིང་ཡོངས་འདུའི་ཁུ་བཅུད་བླངས་ལ་བཟླས་བརྗོད་སྟོང་བྱས་ཏེ་གང་ལ་ཐིག་ལེ་བྱས་པ་དེ་ཤིང་དུ་འགྱུར་རོ། །ཆུ་ལ་ལན་བདུན་བཟླས་པས་གཏོར་ན་
D368.077.0224b04.01འདི་ནི་སླར་འཚོ་བར་འགྱུར་རོ། །གླང་པོ་ཆེའི་རྐང་མཐིལ་དང་བསྒྲུབ་བྱའི་རྡུལ་བླངས་ཏེ་བཟླས་བརྗོད་སྟོང་བཟླས་ནས་གང་ལ་བསྣུན་ན་དེ་གླང་པོ་ཆེར་འགྱུར་རོ། །དཔལ་ཧེ་རུ་ཀའི་ངེས་པར་བརྗོད་པ་ལས་གོ་ཆའི་སྔགས་ཀྱི་ལས་ཀྱི་ཆོ་གའི་ལེའུ་སྟེ་བཅུ་གསུམ་པའོ།། །།བོང་བུའི་
D368.077.0224b05.01རྣམ་པའི་རྣལ་འབྱོར་བདག །ཡིད་ཀྱི་ཤུགས་ནི་བཟློག་བྱའི་ཕྱིར། །གང་གིས་སྒྲུབ་པོ་འགྲུབ་པ་ཡི། །སྒྲུབ་པ་དེ་ནས་བཤད་པར་བྱ། །མཁའ་འགྲོ་དེ་བཞིན་ལཱ་མ་དང་། །ཁཎྜ་རོ་ཧེ་འདོད་གཟུགས་ཅན། །བོང་བུའི་རྣམ་པ་ཁྲག་འཛག་ཞལ། །མཁའ་འགྲོ་རྩེ་གསུམ་ལག་ན་
D368.077.0224b06.01ཐོགས། །བསྒྲུབས་ན་ཚེ་ཟད་པ་དང་ནི། །ཚེ་རིང་བ་ཡང་སྣང་བ་ཡིན། །འདིར་ནི་བོང་བུའི་རྣལ་འབྱོར་བདག །དེ་བཞིན་བོང་བུར་མཐོང་བ་ཡིན། །གླང་པོ་ཉིད་དུ་སྔོན་དུ་གང་། །མཐོང་སྟེ་གླང་པོའི་གཟུགས་ཅན་ཡིན། །གང་དང་གང་གི་སྐྱེ་བ་གང་། །སྔོན་གྱི་སྐྱེ་བར་གྱུར་པ་
D368.077.0224b07.01