完整藏文原文 · 德格版页 当前仅加载第 77 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་འགྱུར་ན། །ཕྲན་ཚེགས་མི་ནི་སྨོས་ཅི་དགོས། །ཁ་ཆུ་སོ་ཤིང་དག་དང་ནི། །དེ་བཞིན་རང་གི་ལུས་མཉེས་པ། །མྱོས་བྱེད་མིང་དང་བཅས་པ་ཡིས། །ཁམས་གསུམ་དག་ནི་དབང་དུ་འགྱུར། །ཟླ་མཚན་གྱི་ནི་ཁྲག་དང་ནི། །ཟོས་ནས་རློན་པའི་ཟས་དག་དང་། །མི་ཡི་སྐྲ་དང་ལྡན་པ་ཡིས། །
D368.077.0245a01.01མོད་ལ་འགུགས་པར་འགྱུར་བ་ཡིན། །རང་གི་ལུས་ལས་སྐྱུགས་པ་འམ། །མཁས་པས་རང་སྐྲས་སྦྱིན་སྲེག་བྱ། །ནིམ་པའི་ཤིང་ལ་རབ་སྦྱར་ན། །མོད་ལ་དབྱེ་བར་འགྱུར་བ་ཡིན། །མཉམ་པར་བཞག་པས་དྷ་དུར་མེ། །ཡུངས་མར་ཚན་དེར་བསྒྲེས་པ་ཡི། །བྱ་རོག་གཤོག་པས་སྦྱིན་སྲེག་བྱས། །
D368.077.0245a02.01འཕྲལ་དུ་འཆི་བའམ་སྐྲོད་པར་འགྱུར། །ཉལ་དང་མ་ཉལ་འདུག་པའམ། །ཟས་དང་སྦྱོར་བ་སོགས་རྣམས་ལའང་། །མཁས་པས་རྟག་ཏུ་ཟློ་བྱེད་ན། །དེ་ལ་བགེགས་ནི་ཡོད་མ་ཡིན། །ཝ་ཡི་ཤ་ཡིས་བསྲེགས་བླུགས་བརྒྱས། །ཡང་དག་བསྲེགས་བླུགས་བྱེད་པའི་མི། །དེ་ནི་ཟླ་བ་གསུམ་རྗེས་ལ། །
D368.077.0245a03.01རིགས་ཀྱི་དབུལ་བ་འཇིག་པར་འགྱུར། །ཤ་ཆེན་དག་གིས་ལ་ལ་ཞིག །མྱོས་བྱེད་ལྡན་པས་སྦྱིན་སྲེག་བྱེད། །བརྒྱ་རྩ་བརྒྱད་ཀྱི་བར་དུ་ནི། །སྒྲུབ་པ་པོ་ནི་ཐུན་གསུམ་བྱེད། །མ་ལུས་ས་རྣམས་སྤྱོད་པ་དང་། །ཟླ་བ་དྲུག་གིས་དབང་དུ་འགྱུར། །ཚིམ་འགྱུར་མཁའ་འགྲོ་མ་དེ་ལ། །རྒྱལ་སྲིད་སྟེར་
D368.077.0245a04.01བར་གདོན་མི་ཟ། །ལྷ་རྣམས་ཐམས་ཅད་བསྒོམས་ནས་ནི། །ཐུན་གཉིས་བར་དུ་སྦྱིན་སྲེག་བྱས། །རང་གི་ལུས་ནི་དེ་ཉིད་ཀྱིས། །མཁའ་ལ་འགྲོ་བ་ཉིད་ཐོབ་འགྱུར། །གོ་མཱ་ཡུ་དང་ཤ་ཆང་གིས། །ཕྱི་དང་ནང་གི་སྦྱིན་སྲེག་བྱ། །མྱུར་དུ་དེ་ཡི་ལག་ཏུ་འགྱུར། །དངོས་གྲུབ་ཐམས་ཅད་རབ་ཏུ་འཇུག །
D368.077.0245a05.01སྔགས་ཀྱི་བཟླས་བརྗོད་མཚན་མོ་བཟླས། །ཡུལ་འཁོར་ཡང་ནི་འགུགས་པར་བྱེད། །དེ་ལྟར་ཉིན་རེ་བྱས་ན་ནི། །རྒྱལ་པོ་ཉིད་དུ་དེ་བྱེད་འགྱུར། །འདི་ལས་རབ་མཆོག་གཞན་དག་ནི། །འཇིག་རྟེན་གསུམ་ན་ཡོད་མ་ཡིན། །རྣལ་འབྱོར་ཆེན་པོ་རང་དགས་འཆི། །སྣ་ཚོགས་གཟུགས་ནི་འཛིན་
D368.077.0245a06.01ཅིང་རོལ། །བིལ་བ་དེ་བཞིན་པ་ལ་ཤ། །ཨུ་དུམ་བཱ་ར་ཉིད་དག་ནི། །སྦྱིན་སྲེག་འབུམ་བྱས་མྱུར་དུ་ནི། །ནོར་གྱི་བདག་པོ་ཆེན་པོར་འགྱུར། །གོ་མཱང་ས་དང་མྱོས་བྱེད་བསྲེ། །རྒྱལ་སྲིད་འདོད་པས་སྦྱིན་སྲེག་བྱ། །རྣལ་འབྱོར་དབང་ཕྱུག་མཉེས་བྱས་ན། །དབུལ་པོ་ཉིད་དུ་ག་ལ་འགྱུར། །
D368.077.0245a07.01