完整藏文原文 · 德格版页 当前仅加载第 77 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བའི་སྔགས་དང་དེ་བཞིན་གཞན། །ཕྱོགས་བཅིང་བར་ནི་འཇུག་པ་ཡིས། །ལྷ་དང་ལྷ་ཡི་ཚོགས་ཀྱིས་ཀྱང་། །མ་མཐོང་བར་ནི་མཆོད་པར་གྱིས། །སྙིམ་པ་མེ་ཏོག་གིས་བཀང་སྟེ། །མཁའ་ལ་སྤྱོད་ལ་གྱེན་དུ་འཐོར། །མེ་ཏོག་དེ་དག་མ་ལྷུང་ཞིང་། །མེ་ཏོག་ས་ལ་མ་མཐོང་ན། །གནས་
D368.077.0240a01.01ཀྱི་ཁྱད་པར་ལ་གནས་དང་། །མཁའ་ལ་འགྲོ་བ་སྟོང་ཕྲག་གི། །གནས་ལ་དབང་ནི་བྱེད་པར་འགྱུར། །ངག་གི་དབང་ཕྱུག་མ་རྣམས་དང་། །ངག་གི་དབང་ཕྱུག་འགུགས་པར་འགྱུར། །ལྷ་དང་ལྷ་ཡི་གཏམ་ཤེས་ཤིང་། །རིམ་པ་ཇི་ལྟ་བཞིན་དུའོ། །སྐར་མའི་རྒྱུ་བ་ཤེས་པར་འགྱུར། །གྲོང་དང་
D368.077.0240a02.01གྲོང་རྡལ་དེ་བཞིན་དགོན། །གྲོང་ཁྱེར་དང་ནི་བཞི་མདོ་དང་། །ཤིང་གཅིག་དང་ནི་དཔའ་བོའི་ཁྱིམ། །རི་རྩེ་དང་ནི་མཚན་དྲུང་དུ། །སྙིང་པོའམ་ཉེ་སྙིང་རྟག་དྲན་ན། །ལྷ་དང་མི་ཡིས་མཐོང་མི་འགྱུར། །དེ་བས་ཡུལ་ཕྱོགས་འདི་དག་ཏུ། །སྒྲུབ་པ་པོ་ནི་རྟག་ཏུ་གནས། །ཡི་གེ་བདུན་གྱི་བདག་
D368.077.0240a03.01ཉིད་ཅན། །ཤིང་རྩེར་ཁ་དོག་དམར་བསམས་ནས། །མྱུར་དུ་ལྷུང་བ་མི་ཕྱེད་པར། །ས་རྣམས་ཀྱང་ནི་གཞན་དུ་མིན། །བདག་གི་ལུས་ལ་རྣམ་བཀོད་དེ། །ས་ལ་ཀུ་ཤའི་སྟན་དུ་ཉལ། །ཡི་གེ་བདུན་གྱིས་བདག་ཉིད་སྔགས། །བརྒྱ་རྩ་བརྒྱད་ནི་ཉིད་དུ་བཟླས། །རྨི་ལམ་དུ་ནི་བྱ་བ་ཀུན། །ཡིད་
D368.077.0240a04.01ལ་འདོད་པ་སྟོན་པར་འགྱུར། །དུས་མིན་འཆི་དང་བཅོམ་དང་ཉམས། །བྱ་བ་ཀུན་ཏུ་གང་གྱུར་དང་། །རྣམ་པ་སྣ་ཚོགས་གཞན་དག་ཀྱང་། །ཐམས་ཅད་རྨི་ལམ་དག་ཏུ་སྟོན། །དེ་བཞིན་སྔགས་བཟླས་རལ་གྲི་ཆུ། །མཐེ་བོ་མར་མེ་མེ་ལོང་ལ། །སྔགས་པ་བདག་ཉིད་རྟག་རྣལ་འབྱོར། །པྲ་
D368.077.0240a05.01སེ་ན་ནི་འབེབས་པར་བྱེད། །བསྒོམས་ནས་ལན་བདུན་བཟླས་བརྗོད་པས། །དགེ་དང་མི་དགེ་སྟོན་པར་འགྱུར། །དེ་ནས་དཔའ་བོའི་ཡི་གེ་བདུན། །སྔགས་དགོད་དབྱེ་བ་ཉིད་ཀྱིས་ཏེ། །ཉི་མའི་དབུས་སུ་བསམས་ནས་ནི། །སྟོང་གི་བར་དུ་བཟླ་བར་བྱ། །ཤེལ་གྱི་རྣམ་པ་ལྟ་བུར་ནི། །ནད་
D368.077.0240a06.01ཀྱིས་གདུངས་ལ་བསྟན་པར་བྱ། །མཐོང་བ་ཙམ་གྱི་མོད་ལ་ནི། །ནད་ཀུན་འཇིག་པར་ཐེ་ཚོམ་མེད། །ནད་ལས་རྣམ་པར་གྲོལ་འགྱུར་ན། །སྟོན་ཀའི་དུས་ཀྱི་ཟླ་བ་འདྲ། །ཟླ་བའི་དབུས་སུ་རྣམ་བཀོད་ཅིང་། །ལག་པ་གཡོན་པར་འཁོར་ལོ་ཉིད། །ཡི་གེ་ཤེལ་གྱི་མདོག་ལྟར་སྣང་། །ནད་
D368.077.0240a07.01