完整藏文原文 · 德格版页 当前仅加载第 77 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ལྡོག་ཨེ་ཧི་ཀ་ལྷ་མོ། །མཁའ་འགྲོ་མ་རྣམས་བདུན་དུ་བཤད། །མངོན་པར་ཞེན་པས་ལྟ་བ་དང་། །སྨིན་མ་འདེགས་པར་གར་བྱེད་ཅིང་། །སྔོན་གྱི་གཟུགས་ནི་སྡུད་བྱེད་གང་། །ཕྱིས་ནི་འཇིག་པར་བྱེད་པ་ཡིན། །དེ་ནི་གཟུགས་ཅན་མར་ཤེས་བྱ། །དཔའ་བོ་གཉིས་མེད་
D368.077.0226b01.01བསྟན་པར་བྱ། །གྲུང་བའམ་ཡང་ན་མི་གྲུང་བ། །བྱིས་པ་འཁྱུད་ཅིང་ཙུམ་པ་ན། །དེ་ནི་ཙུམ་བི་ཀར་ཤེས་བྱ། །མཁའ་འགྲོ་སྡིག་པ་འཇོམས་མ་ཡིན། །ཟུར་བལྟ་གདོང་ལ་ཁྲོ་གཉེར་ལྡན། །སྨིན་མ་སྒྱུར་ཞིང་སྡིགས་མཛུབ་དང་། །དབུགས་འབྱིན་འཇིགས་པར་བྱེད་གང་ཡིན། །
D368.077.0226b02.01འདི་ན་གཞན་ཡང་དབུགས་མི་འབྱིན། །འཇིགས་པར་བྱེད་པ་གང་ཡིན་པ། །དེ་ནི་ལཱ་མ་ཡིན་པར་བསྟན། །ཕག་དང་དྲེད་དང་བྱིལ་དང་། །ཅེ་སྤྱང་ར་དང་རྟ་དག་དང་། །ཐམས་ཅད་དེར་ནི་འཇིགས་བྱེད་པ། །ཡོངས་སུ་གྱུར་པར་དེ་བཤད་དོ། །ཤིན་ཏུ་དགའ་བས་
D368.077.0226b03.01རྒོད་པ་དང་། །སོང་ནས་སླར་ཡང་མི་ལྡོག་པ། །རྗེས་སུ་ཆགས་པས་གསོལ་བར་འདོད། །ཁཎྜ་རོ་ཧཱར་དེ་བཤད་དོ། །ཡིད་ནི་བྱུང་བས་ལག་པའམ། །བོང་བའམ་ནི་རྐང་པས་སམ། །གོས་མཐའ་འམ་ཡང་ན་ཤིང་དག་གིས། །དེས་རེག་པ་ནི་འཚོ་མི་འགྱུར། །མི་
D368.077.0226b04.01ལྡོག་པར་ནི་ཤེས་བྱ་སྟེ། །བསྒྲུབ་བྱ་མིན་པར་དེ་ལ་བརྗོད། །རྒོད་སྨྲ་རྒྱུ་མེད་པ་རུ་ནི། །ངུ་ཞིང་རབ་ཏུ་ཁྲོས་པ་སྟེ། །དེ་ནི་ཨེ་ཧི་ཀར་དྲན་བྱ། །ལྷ་མོ་གསོང་པོར་སྨྲ་བ་ཡིན། །སངས་རྒྱས་པ་དང་རྟག་ཏུ་སྨྲ། །དེ་ཉིད་རྡོ་རྗེའི་རིགས་ལས་བྱུང་། །མཁའ་འགྲོ་མ་ཡི་རིགས་
D368.077.0226b05.01ཕྱག་རྒྱ། །དཔའ་བོས་བསྟེན་ཕྱིར་མཚོན་པར་བྱ། །ཐོད་པ་དགྲ་སྟ་མཆེ་བ་དང་། །འཁོར་ལོ་རྡོ་རྗེ་རྒྱལ་མཚན་དང་། །རལ་གྲི་ཀུན་ཏུ་སྐྲག་བྱེད་ཉིད། །དུང་དང་བརྒྱད་དུ་ཤེས་པར་བྱ། །རིགས་ཀྱི་ཕྱག་རྒྱ་ཡིན་པར་བཤད། །དཔལ་ཧེ་རུ་ཀའི་ངེས་པར་བརྗོད་པ་ལས་རྣལ་འབྱོར་
D368.077.0226b06.01མ་ཐམས་ཅད་ཀྱི་གཟུགས་ཡོངས་སུ་བརྗེ་བ་དང་ཕྱག་མཚན་དང་ཕྱག་རྒྱ་བསྟན་པའི་ཆོ་གའི་ལེའུ་སྟེ་བཅུ་བདུན་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོ་མཆོག་གི་གོ་འཕང་ནི། །གང་གིས་ཡང་དག་ཤེས་པ་ཡིས། །མཁའ་འགྲོའི་དམ་ཚིག་ལ་གནས་
D368.077.0226b07.01