完整藏文原文 · 德格版页 当前仅加载第 77 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
ལོང་བཅས། །གཉིས་པར་ཡང་ནི་གྱུར་པ་ཡང་། །རལ་གྲི་འདྲ་བར་མེ་ལོང་བཅས། །རྒྱལ་མཚན་མདུང་འདྲར་རྟག་ཏུ་འབྱུང་། །མེ་ལོང་ཁ་སྦྱར་བར་ཤེས་བྱ། །མཚན་མར་བྱས་པའི་གཟུགས་རྣམས་ནི། །མདོར་བསྡུས་རྣམ་པར་ཤེས་བྱ་སྟེ། །མཚན་ཉིད་འདི་དག་དང་
D368.077.0230a01.01ལྡན་པ། །མཁའ་འགྲོ་མ་མཆོག་ཡིན་ཞེས་བྱ། །དཔལ་ཧེ་རུ་ཀའི་ངེས་པར་བརྗོད་པ་ལས་མཁའ་འགྲོ་མའི་ཁྱད་པར་གྱི་མཚན་མའི་ཕྱག་རྒྱའི་མཚན་ཉིད་ཀྱི་ཆོ་གའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་གཞན་སྐད་བརྡ་རྣམས་ནི། །སྒྲུབ་པོ་ལ་འདིར་བཤད་བྱ་བ། །གང་གིས་མིང་
D368.077.0230a02.01པོའམ་སྲིང་མོར་ནི། །ཐེ་ཚོམ་མེད་པར་ཤེས་འགྱུར་བའོ། །པོ་ཏངྒི་ཞེས་བྱ་བ་ནི་གསོང་པོར་སྨྲ་བའོ། །པྲ་ཏི་པོ་ཏངྒི་ཞེས་བྱ་བ་ནི་གསོང་པོར་སྨྲ་བའི་ལན་ནོ། །ག་མུ་ཞེས་བྱ་བ་འགྲོའོ་ཞེས་སྨྲ་བ་ཡིན་ནོ། །ལུམྦ་ཞེས་བྱ་བ་ནི་འོང་ངོ་ཞེས་བརྗོད་པ་ཡིན་ནོ། །དེ་ཧཾ་ཞེས་བྱ་བ་ནི་གྲོང་ཁྱེར་
D368.077.0230a03.01ཞེས་སྨྲ་བའི་ལན་ནོ། །ཙ་ཏུ་ཀ་ཞེས་བྱ་བ་ནི་ཟུང་ཞིག་ཅེས་སྨྲ་བ་ཡིན་ནོ། །བཱི་རཱ་ཎ་ཞེས་བྱ་བ་ནི་སྙིང་ཉིད་དོ། །མཱ་ར་ཎ་ཞེས་བྱ་བ་ནི་སྨྲ་ངན་ནོ། །ཀ་ཀ་ནི་དྲིལ་བུའོ། །ཀ་ར་ཎ་ང་ནི་ཕག་པའི་ཟེ་བའོ། །ཤྲ་བ་ཎ་ནི་རྣ་བའོ། །ཨ་མྲྀ་ཏ་ནཾ་ནི་བདུད་རྩིའི་གནས་སོ། །ས་མཱ་ག་མཱ་ནི་མིའོ། །ཏཱ་ལི་
D368.077.0230a04.01ཀ་ནི་མཁའ་འགྲོ་མའོ། །ན་ར་ཀཾ་ནི་དཀྱིལ་འཁོར་རོ། །ཨ་མུ་ཀཾ་ནི་དུར་ཁྲོད་དོ། །ཀཱ་ཁི་ལ་ནི་སྒོའོ། །ཤྭ་ས་ནཾ་ནི་བྲམ་ཟེའི་རིགས་སོ། །པ་རི་དི་ནི་རྒྱལ་རིགས་སོ། །བི་ར་ཏི་ནི་རྗེ་རིགས་སོ། །ཀྲུ་ར་ནི་དམངས་རིགས་སོ། །ཨནྟ་སྠཱ་ན་ནི་སྨེ་ཤ་ཅན་ནོ། །པ་ཤུལ་ལི་ཀ་ནི་ཁྱིམ་མོ། །བྷ་གི་ནི་
D368.077.0230a05.01མཁའ་འགྲོ་མའོ། །མེ་ད་ཀ་ནི་ཆུའོ། །གྲྀ་ཧ་དེ་ནི་ཕྱག་རྒྱས་འདེབས་པའོ། །ལྕེ་སོ་ལ་རེག་པ་ནི་བདག་ཅག་ལྟོགས་སོ་ཞེས་སྟོན་པའོ། །གནྡ་པ་སི་ནི་སྲེད་པའོ། །ཀུ་ཏ་ནི་གནས་ཆེ་གེ་མོ་ནས་འོངས་སོ་ཞེས་བྱ་བའོ། །ཀི་ར་ཎ་ནི་མེ་ཏོག་གོ །ཏུ་ལཾ་བ་ནི་རྒོད་པའོ། །ད་རོ་ནི་སོའོ། །
D368.077.0230a06.01ནི་རོ་དྷ་ནི་ཆར་འབབ་པ་ཟློག་པའོ། །ཏྲྀཔྟི་ནི་ཞུ་བའོ། །དྷུ་ར་ཡུ་ནི་ཕྱི་རོལ་ལོ། །དྷཱུ་པ་བྲི་ཡ་ནི་སྤྲིན་ནོ། །སཱ་ནུ་ནི་རི་བོའོ། །ས་རི་ཏ་ནི་འབབ་ཆུའོ། །ཨངྒུ་ལ་ནི་ཡན་ལག་གོ །བ་ད་ན་ནི་གདོང་ངོ་། །རཱ་ཛི་ཀཱ་ནི་ལྕེའོ། །ཨཱ་ད་ནཱ་ནི་སོའོ། །པཾ་ཀྟི་ནི་རྒྱལ་མཚན་ནོ། །ཙན་དྲོ་ནི་ཕྲེང་བའོ། །
D368.077.0230a07.01