完整藏文原文 · 德格版页 当前仅加载第 79 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
ལུགས་འབྱུང་ལུགས་ལས་བཟློག་པ་ནི། །གཏུམ་དྲག་དང་ནི་ཚང་ཚིང་དང་། །འབར་བས་འཁྲུགས་པའི་ཀེང་རུས་དང་། །འཇིགས་སྡེ་རྣམས་ནི་ཤར་སོགས་ཀྱི། །ཕྱོགས་སུ་གཡོན་ནས་བསྐོར་ཏེ་གནས། །ཧ་ཧར་རྒོད་པ་དབང་ལྡན་ཏེ། །དཔལ་གྱི་ནགས་ཚལ་བྱིན་ཟར་རོ། །འཇིགས་
D413.079.0255b01.01པའི་མུན་པ་བདེན་བྲལ་དུ། །རླུང་མཚམས་ཀི་ལི་ཀི་ལིར་སྒྲོགས། །ཤར་དུ་ཧ་རི་བ་སྱེ་ལ། །གཏུམ་དྲག་དཀར་པོ་གླང་པོའི་གདོང་། །བྱང་དུ་བྱང་ཆུབ་ཤིང་བུ་ལ། །གྷ་ར་སེར་པོ་མི་ཡི་གདོང་། །ནུབ་དུ་མྱ་ངན་མེད་ཤིང་ལ། །འབར་འཁྲུགས་དམར་པོ་ཆུ་སྲིན་གདོང་། །ལྷོ་རུ་ཙཱུ་ཏིའི་
D413.079.0255b02.01ཤིང་བུ་ལ། །འཇིགས་སྡེ་ནག་པོ་མ་ཧེའི་གདོང་། །མེ་རུ་ཀ་རན་ཙ་ན་སྟེ། །དཔལ་གྱི་ནགས་ཚལ་ར་གདོང་དམར། །བདེན་བྲལ་ཨ་རྫུའི་ཤིང་བུ་ལ། །འཇིགས་པའི་མུན་པ་མ་ཧེའི་གདོང་། །རླུང་དུ་སྲིད་གྲུབ་ཤིང་བུ་ལ། །ཀི་ལི་སྒྲ་སྒྲོགས་{རི་དགས་,རི་དྭགས་}གདོང་། །དབང་ལྡན་ནྱ་གྲོ་དྷ་ཤིང་ལ། །
D413.079.0255b03.01ཧ་ཧར་རྒོད་པ་བ་གླང་གདོང་། །གཡས་ན་གྲི་གུག་ཐོད་པ་གཡོན། །ཤིང་ལོའི་སྟེང་ན་སྟོད་ཕྱུང་ངོ་། །ཤར་དུ་བརྒྱ་བྱིན་དཀར་པོ་ལ། །རྡོ་རྗེ་སྡིགས་མཛུབ་གླང་པོ་ཞོན། །བྱང་དུ་ལུས་ངན་སེར་པོ་ལ། །དབྱུག་པ་འཛིན་ཅིང་གཏེར་ལ་ཞོན། །ནུབ་ཏུ་ཆུ་བདག་དམར་པོ་ནི། །ཆུ་སྲིན་ཞོན་ནས་
D413.079.0255b04.01ཞགས་པ་ཐོགས། །ལྷོ་རུ་གཤིན་རྗེ་ནག་པོ་ལ། །མ་ཧེ་ཞོན་ནས་བེ་ཅོན་ཐོགས། །ཤར་ལྷོ་མེ་ལྷ་དམར་སེར་ལ། །ར་ལ་ཞོན་ནས་མེ་ཐབ་འཛིན། །ལྷོ་ནུབ་སྲིན་པོ་སྨུག་ནག་ལ། །རལ་གྲི་ཐོགས་ནས་མི་ལ་ཞོན། །ནུབ་བྱང་རླུང་ལྷ་མདོག་སྔོན་པོ། །{རི་དགས་,རི་དྭགས་}ཞོན་ནས་འཕན་ནི་འཕྱར། །
D413.079.0255b05.01བྱང་ཤར་དབང་ལྡན་དཀར་པོ་ནི། །ཁྱུ་མཆོག་ཞོན་ནས་རྩེ་གསུམ་ཐོགས། །ཐམས་ཅད་རང་རང་རིག་མས་འཁྱུད། །ནོར་རྒྱས་དང་ནི་འཇོག་པོ་དང་། །སྟོབས་ཀྱིས་རྒྱུ་དང་པདྨ་དག །ཤར་ནས་བརྩམས་ཏེ་གཡོན་དུ་དགོད། །པདྨ་ཆེ་དང་མཐའ་ཡས་དང་། །རིགས་ལྡན་དང་ནི་དུང་སྐྱོང་ནི། །
D413.079.0255b06.01གཡས་ཀྱི་ཕྱོགས་ནས་དགོད་པའོ། །སྒྲ་སྒྲོགས་པ་དང་རྨུགས་པ་དང་། །མུན་པ་ཅན་དང་ཀུན་ཏུ་འཁྱིལ། །ཤར་ནས་བྱང་གི་ཕྱོགས་སུ་དགོད། །འཁྲིགས་པ་གང་བ་འབབ་པ་དང་། །དྲག་པོ་སྤྲིན་ཚོགས་མཚམས་ལ་དགོད། །རྡོ་རྗེ་རིན་ཆེན་པདྨ་དང་། །ལས་དང་དམ་ཚིག་རྣལ་འབྱོར་མ། །
D413.079.0255b07.01