完整藏文原文 · 德格版页 当前仅加载第 79 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་འབྱུང་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །འཁོར་བས་སྐྱོ་ནས་སྡོམ་གསུམ་ལྡན། །ཐོས་ཆེ་དང་ལྡན་མཚན་ཉིད་བཟང་། །དབེན་པར་དཀྱིལ་འཁོར་བྲིས་སྨྲ་བཅད། །ཆོས་གོས་གྱོན་ལ་བདུད་རྩི་སྤྱད། །ཐུན་བཞིར་བསྒྲུབས་ན་འགྲུབ་
D413.079.0259a01.01པར་འགྱུར། །ཞེན་པ་ཆེ་བའི་རྣལ་འབྱོར་ལ། །ལྟ་བའི་བར་ཆད་འབྱུང་བར་འགྱུར། །གཡེང་བ་ཆེ་བའི་རྣལ་འབྱོར་ལ། །བསྒོམ་པའི་བར་ཆད་འབྱུང་བར་འགྱུར། །དམ་ཚིག་ཉམས་པའི་རྣལ་འབྱོར་ལ། །སྤྱོད་པའི་བར་ཆད་འབྱུང་བར་འགྱུར། །ལེ་ལོ་ཆེ་བའི་རྣལ་འབྱོར་ལ། །འབྲས་
D413.079.0259a02.01བུའི་བར་ཆད་འབྱུང་བར་འགྱུར། །ལྷ་མོས་གསོལ་པ་བཅོམ་ལྡན་འདས། །རྒྱུད་ཀྱི་ངོ་བོ་ཇི་ལྟ་བུ། །རྩ་བའི་རྒྱུད་ཅེས་གང་ལ་བགྱི། །བཤད་པའི་རྒྱུད་ཅེས་གང་ལ་བགྱི། །འབྱུང་བའི་དུས་ནི་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །ལྷན་ཅིག་སྐྱེས་པའི་རང་བཞིན་ལ། །རྒྱུད་
D413.079.0259a03.01རྣམས་ཀུན་གྱི་ངོ་བོ་འདུས། །ཡོད་པ་རྒྱུ་ལ་བསྒྲུབ་པ་ལམ། །མངོན་འགྱུར་འབྲས་བུའི་ངོ་བོ་ཡིན། །ཐོག་མར་གསུངས་པ་རྩ་བའི་རྒྱུད། །ཕྱི་ནས་གསུངས་པ་བཤད་པའི་རྒྱུད། །དོན་རྣམས་སྟོན་པས་རྩ་བ་ལ། །གསལ་བར་བྱེད་པ་བཤད་པའི་རྒྱུད། །བསྐལ་པ་རྫོགས་ལྡན་སུམ་
D413.079.0259a04.01གཉིས་དང་། །རྩོད་ལྡན་དུས་བཞིའི་རིམ་པ་ཡིས། །རྒྱུད་ཀྱང་རྣམ་པ་བཞིར་གསུངས་ཏེ། །བྱ་སྤྱོད་རྣལ་འབྱོར་བླ་མེད་དོ། །ལྷ་མོས་གསོལ་པ་བཅོམ་ལྡན་འདས། །ཟབ་མོའི་རྒྱུད་འདི་གང་ལ་སྦ། །ཇི་ལྟ་བུ་ལ་སྦྱིན་པར་བྱ། །སྟེར་ན་ལུང་ནོད་ཇི་ལྟར་བྱ། །བཀའ་འདི་རྒྱ་ཡིས་ཇི་
D413.079.0259a05.01ལྟར་གདབ། །བཅོམ་ལྡན་འདས་ཀྱིས་བཀའ་སྩལ་པ། །སྙིང་རྗེ་མེད་ཅིང་ཁྲོ་ལ་གདུག །ཁེངས་ཤིང་ཆགས་པ་ཚུལ་ཁྲིམས་མེད། །དད་མེད་རིགས་ངན་བླ་མས་སྐྱོ། །ཐོས་ཆུང་སྙིང་རིང་རྣམས་ལ་སྦ། །དཔའ་ཞིང་དུལ་ལ་བློ་གྲོས་ལྡན། །བཟོད་ལྡན་དྲང་ལ་གཡོ་སྒྱུ་མེད། །དད་
D413.079.0259a06.01ལྡན་རིགས་བཟང་གཏོང་ཕོད་ཆེ། །ཐོས་མང་དམ་ཚིག་ལྡན་ལ་སྦྱིན། །དབང་བཞི་བགྲོད་པའི་སྔགས་པ་ཡིས། །སྔོན་དུ་བླ་མ་མཉེས་བྱས་ལ། །ཡར་ངོ་མར་ངོའི་ཚེས་བཅུ་ལ། །དཔའ་བོ་རྣལ་འབྱོར་ཚོགས་ཀྱིས་མཆོད། །ཇི་ལྟར་རྡོ་རྗེ་འཛིན་པ་ཡིས། །ལྷ་མོ་རྣམས་ལ་རྒྱུད་
D413.079.0259a07.01