完整藏文原文 · 德格版页 当前仅加载第 79 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་འཇིག་རྟེན་མཁའ་འགྲོ་རྣམས། །ཤིན་ཏུ་འཇིགས་པའི་གཟུགས་ཀྱིས་ནི། །རོ་ལ་སྤྱོད་ཅིང་མཁའ་ལ་རྒྱུ། །གཞན་ཡང་རྣལ་འབྱོར་མཆོད་རྟེན་དང་། །ཆུ་དང་མེ་སོགས་རིམ་པ་སྟེ། །གཟའ་དང་བར་ཏ་གྲུབ་པ་རྣམས། །རོལ་པ་ཆེན་པོའི་ཚུལ་དུ་གནས། །
D413.079.0256a01.01འབྱུང་པོའི་གདོན་དང་རོ་ལངས་དང་། །སྟག་དང་ཁྱི་དང་ཅེ་སྤྱང་དང་། །ཝ་དང་འུག་པ་བྱ་རྒོད་དང་། །ཕྱེད་ཚིག་པ་དང་རྣམ་པར་དབྱངས། །མགོ་བོ་ལུས་པོ་ཀེང་རུས་རྣམས། །ཨ་ལ་ཕཻཾ་གྱི་སྒྲ་སྒྲོགས་པ། །དེ་ནས་ནང་གི་དུར་ཁྲོད་ནི། །ལུས་ཀྱི་སྐྲ་སེན་སྤུ་ལ་སོགས། །སྐྱེ་ཞིང་འཇིག་པར་བྱེད་
D413.079.0256a02.01པས་ན། །དུར་ཁྲོད་ཆེན་པོ་ལུས་ལ་དགོད། །དེ་ནས་གསང་བའི་དུར་ཁྲོད་ནི། །རྩ་ཆེན་སུམ་ཅུ་རྩ་གཉིས་ནས། །འབྱུང་འཇུག་གནས་པའི་རླུང་རྣམས་ནི། །དབུགས་རྒྱུ་ཞེས་པ་དུར་ཁྲོད་དོ། །རྣམ་པར་ཤེས་པའི་ཚོགས་བརྒྱད་དང་། །དངོས་པོའི་རྟོག་པ་སྣ་ཚོགས་པ། །ཆོས་ཀྱི་དབྱིངས་ཀྱི་དུར་
D413.079.0256a03.01དུ་མཆི། །གསང་བ་རིག་པའི་ཡེ་ཤེས་ཁྲོད། །དེ་ནས་དུར་ཁྲོད་དགོངས་པ་ནི། །རྣམ་ཤེས་དག་པས་དུར་ཁྲོད་ལ། །ཕྱོགས་སྐྱོང་མི་དགེ་བཅུ་པོ་སྤོང་། །སངས་རྒྱས་བརྒྱད་ཀྱི་མཚན་མ་ཤིང་། །ཐུགས་རྗེའི་རྟགས་སུ་ཤིང་བརྒྱད་ལ། །ཞིང་སྐྱོང་སྔགས་ཀྱི་ཐེག་པ་བསྲུང་། །གདུག་པ་འཇོམས་
D413.079.0256a04.01ཕྱིར་ཀླུ་བརྒྱད་དགོད། །མཆོད་རྟེན་རང་སངས་རྒྱས་ཀྱི་གནས། །རྣལ་འབྱོར་བརྟུལ་ཞུགས་སྤྱོད་པ་བྱེད། །ཆུ་ནི་བརྗོད་བྱ་ཟབ་པ་ལ། །མེ་སོགས་རྟོག་པ་བྲལ་བའོ། །རྡོ་རྗེ་སྙིང་པོས་ཡང་གསོལ་པ། །བཅོམ་ལྡན་འདས་ནི་ཇི་ལྟར་ལགས། །དེ་བཞིན་གཤེགས་པ་ཐམས་ཅད་ཀྱི། །སྐུ་
D413.079.0256a05.01དང་གསུང་ཐུགས་ཇི་ལྟར་ལགས། །བཙུན་མོའི་བྷ་ག་ཇི་ལྟ་བུ། །བཞུགས་པའི་དོན་ནི་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཉོན་མོངས་བདུད་དང་འཆི་བདག་བདུད། །ལྷ་ཡི་བུ་དང་ཕུང་པོའི་བདུད། །བདུད་བཞི་བཅོམ་པས་བཅོམ་པ་ལ། །ལྡན་པ་ཡོན་ཏན་དྲུག་ཉིད་དེ། །
D413.079.0256a06.01དབང་ཕྱུག་དང་ནི་གཟུགས་བཟང་དང་། །དཔལ་དང་གྲགས་དང་སྐལ་བ་བཟང་། །ཡེ་ཤེས་ཕུན་སུམ་ཚོགས་པ་ནི། །དྲུག་པོ་དེ་ལ་ལྡན་ཞེས་གསུངས། །འཁོར་བའི་ཆོས་ནི་མྱ་ངན་ཏེ། །དེ་དང་བྲལ་ཕྱིར་འདས་པའོ། །འདས་པའི་དེ་བཞིན་གཤེགས་པ་ཀུན། །འགྲོ་བའི་དོན་མཛད་དེ་བཞིན་
D413.079.0256a07.01