完整藏文原文 · 德格版页 当前仅加载第 79 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དག །སངས་རྒྱས་ཀྱིས་ཀྱང་མ་གཟིགས་ཤིང་། །མ་གསུངས་གསུང་བར་མི་འགྱུར་ཏེ། །དེས་ན་སངས་རྒྱས་ཐམས་ཅད་ཀྱི། །སེམས་ཀྱི་གསང་འདི་གསང་བའི་མཆོག །ཁམས་གསུམ་བརྟན་དང་གཡོར་བཅས་པ། །སྣང་པ་མྱོང་ཞིང་གྲུབ་པ་མེད། །དེ་ཕྱིར་འཁོར་བའི་མིང་
D413.079.0257b01.01ཡང་མེད། །ཐོག་མར་མ་སྐྱེས་རང་བཞིན་དག །གློ་བུར་སངས་རྒྱས་མིང་ཡང་མེད། །སངས་རྒྱས་སེམས་ཅན་གཉིས་མ་ཡིན། །ཀུན་རྫོབ་དོན་དམ་གཉིས་མ་ཡིན། །རང་བཞིན་རིག་པ་འོད་གསལ་སོགས། །སྨྲར་མེད་བརྗོད་དུ་མེད་པ་སྟེ། །དཔེར་ན་ལྐུགས་པས་རོ་མྱོང་འདྲ། །རས་
D413.079.0257b02.01དང་ཤེལ་འདྲའི་རང་བཞིན་ལ། །ལོག་རྟོག་རྩི་སོགས་རྣམ་པར་འཁྲུལ། །ཁམས་གསུམ་བརྟན་དང་གཡོར་སྣང་ཞིང་། །འདོད་པའི་བྱང་ཆུབ་སྣ་ཚོགས་དང་། །དེ་དག་སྤྱོད་པ་སྣ་ཚོགས་དག །དེ་ཉིད་གཡེང་དང་རྣམ་རྟོག་སྟེ། །རང་གིས་འཁྲུལ་ནས་རང་གིས་འཆིང་། །རང་གིས་
D413.079.0257b03.01གསོད་ཅིང་རང་གིས་ཟ། །རང་གིས་ལྟུང་ཞིང་རང་སྡུག་བསྔལ། །རང་རིག་ཡེ་ནས་སྤྲོས་བྲལ་ལ། །སྒྲ་དང་ཐ་སྙད་འཇུག་ན་འཁྲུལ། །རང་རིག་ངང་གིས་འོད་གསལ་ལ། །མ་རིག་མུན་པས་བསྒྲིབས་ན་འཁྲུལ། །དངོས་པོ་སྟོང་པར་རོ་མཉམ་ལ། །བླང་དང་དོར་བར་བྱེད་ན་འཁྲུལ། །འདོད་
D413.079.0257b04.01ཡོན་ངང་གིས་འགག་པ་ལ། །དེ་དག་དཀའ་བས་སྤོང་ན་འཁྲུལ། །རང་རིག་ཡེ་ནས་སྟོང་པ་ལ། །འདོད་ཡོན་ལྔ་ལ་བརྟེན་ན་འཁྲུལ། །དམན་དང་གྱ་ནོམ་མེད་པ་ལ། །སྒྲོ་དང་སྐུར་པ་འདེབས་ན་འཁྲུལ། །གདོད་ནས་སྤྲོས་བྲལ་ལྷུན་གྲུབ་ལ། །སྒོམ་དང་མི་སྒོམ་བྱེད་ན་འཁྲུལ། །སངས་
D413.079.0257b05.01རྒྱས་སེམས་ཅན་གཉིས་མེད་ལ། །དེ་དག་གཉིས་སུ་འཛིན་ན་འཁྲུལ། །དོན་དམ་ཀུན་རྫོབ་གཉིས་མེད་ལ། །བདེན་པ་གཉིས་སུ་འབྱེད་ན་འཁྲུལ། །སངས་རྒྱས་འཁོར་བའི་ཆུ་བོ་རྒལ། །སྐྱེ་འགག་གང་ལྟར་འདོད་ཀྱང་འཁྲུལ། །སྟོང་ཉིད་རོ་ལ་མི་གནས་པར། །དངོས་པོ་མཚན་མར་
D413.079.0257b06.01བཟུང་ན་འཁྲུལ། །སེམས་ཀྱི་གླང་ཆེན་མི་འདུལ་བར། །གཡེང་བའི་སེམས་སུ་འདུག་ན་འཁྲུལ། །རྣམ་རྟོག་རླུང་གིས་བསྐྱོད་པ་ལ། །རང་རིག་ཡེ་ཤེས་འདོད་ན་འཁྲུལ། །རང་སེམས་རང་གིས་མ་མཐོང་བར། །ཆེ་བའི་ང་རྒྱལ་སྨྲ་ན་འཁྲུལ། །རང་རིག་ཉམས་སུ་མ་མྱོང་བར། །དཀར་
D413.079.0257b07.01