完整藏文原文 · 德格版页 当前仅加载第 79 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཆོས་རྣམས་སྤོང་ན་འཁྲུལ། །སངས་རྒྱས་མ་འཁྲུལ་སེམས་ཅན་འཁྲུལ། །རང་བཞིན་མ་འཁྲུལ་རང་རིག་འཁྲུལ། །སེམས་ཉིད་མ་འཁྲུལ་བག་ཆགས་འཁྲུལ། །སངས་རྒྱས་ལས་འཁྲུལ་སེམས་ཅན་དེ། །རང་རིག་ལས་འཁྲུལ་གཞན་རིག་སྣང་། །སེམས་
D413.079.0258a01.01ཉིད་ལས་འཁྲུལ་བག་ཆགས་འབྱུང་། །དེས་ན་རང་སེམས་འཁྲུལ་པ་དག །དོན་དུ་སྣང་བ་རབ་ཏུ་སྐྱེ། །སྐྱེ་བ་མེད་བཞིན་སྐྱེ་བས་འཁྲུལ། །ལྕགས་བསྲེགས་ས་གཞི་རང་གི་སེམས། །མེ་སོགས་བྱེད་པ་གཞན་ན་མེད། །བཀྲེས་སྐོམ་སྡུག་བསྔལ་རང་གི་སེམས། །ཟས་སྐོམ་བཀྲེས་
D413.079.0258a02.01པ་གཞན་ན་མེད། །བརྡེག་བཙོག་ལྕག་བཞུས་རང་གི་སེམས། །སྲོག་གཅོད་ཤན་པ་གཞན་ན་མེད། །འགྲོ་བ་ཐམས་ཅད་རང་སེམས་ཀུན། །རང་གི་སེམས་སུ་མ་ཤེས་ན། །དེ་ཡིས་སངས་རྒྱས་སྤངས་པ་ཡིན། །བླ་མ་དམ་པ་རྟག་ཏུ་བསྟེན། །ཐེག་ཆེན་ཟབ་མོའི་མདོ་རྒྱུད་བལྟ། །
D413.079.0258a03.01བསྒོམ་དུ་མེད་པའི་དོན་བསྒོམས་ན། །མ་བསྒོམས་ན་ཡང་བསྒོམ་པའི་མཆོག །དེ་ལྟར་གྱུར་པའི་མཁས་པ་ལ། །སྟོང་པར་མི་འགྱུར་གང་ཡང་མེད། །དེ་ལས་མྱ་ངན་འདས་པ་འབྱུང་། །སྐུ་དང་སྟོབས་ལ་སོགས་པ་ཀུན། །ནོར་བུའི་ཚུལ་དུ་རང་བཞིན་འབྱུང་། །དེ་དག་སེམས་ཀྱི་རང་
D413.079.0258a04.01བཞིན་ནོ། །ལྷ་མོས་གསོལ་པ་བཅོམ་ལྡན་འདས། །རྟེན་གྱི་གང་ཟག་རྣམ་པ་དུ། །རྒྱུད་ཀྱི་རྣམ་གྲངས་དུ་ཞིག་མཆིས། །གདུལ་བྱ་གང་ལ་རྒྱུད་རྣམས་བཤད། །བཅོམ་ལྡན་འདས་ཀྱིས་བཀའ་སྩལ་པ། །སེམས་ཅན་སངས་རྒྱས་རང་བཞིན་པས། །གདོལ་པ་ཀོ་ལྤགས་མཁན་
D413.079.0258a05.01ལ་སོགས། །གཟུགས་ངན་གསོད་པའི་དོན་གཉེར་བ། །ཐེག་པ་འདི་ལས་འགྲུབ་པར་འགྱུར། །དཀྱིལ་འཁོར་རྫོགས་པར་བསྒོམ་པ་དང་། །གཙོ་བོ་ཡབ་ཡུམ་བསྒོམ་པ་དང་། །དབུ་མའི་སྤྱན་ལ་སེམས་འཛིན་པ། །བསྐྱེད་རིམ་སྤྲོས་དང་བཅས་པའི་ལམ། །རིགས་ལ་གནས་པའི་
D413.079.0258a06.01རྣལ་འབྱོར་གྱིས། །ལྷ་སོགས་བུ་མོ་མཚན་ལྡན་ལ། །ཆགས་པས་ཆགས་པ་སྤོང་བ་ནི། །ལས་ཀྱི་ཕྱག་རྒྱ་ཆགས་པའི་ལམ། །གནས་པ་རྩ་དང་གཡོ་བ་རླུང་། །བཀོད་པ་བྱང་སེམས་དམན་པ་དབྱིབས། །ཟབ་པ་སྔགས་དང་ཐིག་ལེ་དང་། །མཐར་ཐུག་ཡན་ལག་བདུན་བསྒོམས་པ། །
D413.079.0258a07.01