完整藏文原文 · 德格版页 当前仅加载第 80 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
དབུང་བའི་དྲབ་བཅིང་བ་དང་། །འཁྲུལ་འཁོར་དེར་ཞོན་རྐང་པ་ཅན། །དེ་བཞིན་ཉིད་དུ་རུས་སྦལ་བཅིང་། །ཀུན་ནས་བཟང་པོ་དེ་བཞིན་ཉིད། །དེ་ལ་སྐྱིལ་ཀྲུང་དབུས་སུ་ནི། །མི་མོ་ཙོག་བུ་སྟན་ལ་འདུག །དཔུང་པ་ཟུང་གིས་ཕྲག་པ་ལ། །དེ་ལ་དམ་དུ་སྦྱར་བར་བྱ། །
D431.080.0313a01.01རང་གི་ལག་པ་ཟུང་དག་དེའི། །རྐེད་པའི་དབུས་སུ་ཉེར་སོན་ཏེ། །པདྨ་ར་རྡོ་རྗེ་རབ་བཅུག་ནས། །བདེ་བ་འབྱུང་བའི་བཅིང་པར་གྲགས། །གཉི་གའི་ལག་ཟུང་རབ་བཅུག་ནས། །ཕན་ཚུན་སྦྱོར་བས་བཅིང་བར་བྱ། །གཉི་གས་ཅུང་ཟད་བསྐྱོད་པར་བྱ། །དོ་ཡིའི་བསྐྱོད་པ་ཞེས་གྲགས་
D431.080.0313a02.01སོ། །དེ་ཡི་པུས་གཉིས་རང་གི་ནི། །སྙིང་ག་ཉིད་དུ་ཡང་དག་སྦྱར། །དོ་ལི་བསྐྱོད་པའི་བྱེད་པ་དགོད། །འདི་ནི་པུས་མོ་བཟུང་ནས་བཅིང་། །དེ་ཡི་རྐང་མཐིལ་རང་ཉིད་ཀྱི། །བརླ་ཡི་ཁར་ཡང་སྦྱར་བར་བྱ། །བདེ་བ་འབྱུང་བྱེད་བཀོད་པ་ཡིས། །འདི་ནི་བརླ་ཉེད་བཅིང་པའོ། །
D431.080.0313a03.01དེ་ཡི་ནུ་མ་རྐང་པ་དང་། །ལྟེ་བ་སྙིང་ག་ལོགས་གཉིས་བཀབ། །དོ་ལི་གཡོ་བའི་བྱེད་པ་དགོད། །བཅིང་པ་འདི་ནི་རྐང་པས་སྤྱོད། །དེ་ཡི་འཕོངས་གཉིས་ས་ལ་བཞག །ཕ་རོལ་ལ་ནི་འཁྱུད་པ་པོས། །བདེ་བ་འབྱུང་བྱེད་བཀོད་ནས་ནི། །བཅིང་བ་འདི་ནི་ས་ལ་མནན། །
D431.080.0313a04.01ཙོག་པུས་ཡང་དག་གནས་དེ་ལ། །རྐང་པ་གཉིས་པོ་རབ་བརྐྱང་བྱ། །བཅིང་བ་མཉམ་དུ་ཤེས་བྱས་ལ། །རེ་རེ་ཞིང་ཡང་བརྐྱང་བར་བྱ། །དེ་ཡི་རྐང་ཟུང་འཁོར་ལོར་བྱས། །གཡོན་པར་རབ་ཏུ་སྦྱར་བར་བྱ། །ཀུན་ནས་མངོན་པར་ཕྱོགས་པས་ཀྱང་། །རྒྱབ་ནས་འཕོངས་
D431.080.0313a05.01ལ་རེག་པར་བྱ། །ལག་པས་དང་པོར་མཉེ་བར་བྱ། །བཅིང་འདི་ཙི་ཏྲ་ཅན་ཞེས་བྱ། །སླར་ཡང་བདེ་བ་འབྱུང་བྱས་ནས། །དེ་ལག་ན་རྐྱལ་བསྐྱེལ་བར་བྱ། །ལག་པ་གཡས་པས་དེ་ཉིད་དུ། །པདྨར་རྡོ་རྗེ་ངེས་གཞུག་བྱ། །དེ་ཡི་པུས་མོའི་འོག་བཟུང་ནས། །གྲུ་ཁུགས་སྟེང་དུ་
D431.080.0313a06.01སྦྱར་བར་བྱ། །ཕན་ཚུན་ལག་པ་གཉིས་ཀྱིས་ནི། །བུང་བའི་དྲ་བ་ཞེས་སུ་ཤེས། །དེ་ཡི་རྐང་པ་ཟུང་དག་ནི། །ཕྲག་པའི་སྟེང་དུ་ངེས་པར་བྱིན། །བཅིང་བ་འདི་ནི་འཁྲུལ་འཁོར་ཞོན། །འབེབས་ཤིང་འབེབས་པས་རབ་ཏུ་སྦྱོར། །དེ་ཡི་རྐང་གཡོན་ཕྲག་པ་ལ། །གཡས་གཡོན་
D431.080.0313a07.01