完整藏文原文 · 德格版页 当前仅加载第 80 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་སྲེག་པར་བྱེད་དོ། །དེ་ནས་རབ་ཏུ་འབར་བཞིན་པའི་ལྕགས་སུ་བསམས་ནས། ཡུངས་ཀར་དང་སྲན་མ་མུད་གང་དང་། མཱ་ཥ་ལ་བརྒྱ་རྩ་བརྒྱད་རང་གི་སྔགས་ཀྱིས་མངོན་པར་བསྔགས་ནས་མཁའ་འགྲོ་མ་ལ་སོགས་པ་རྣམས་ལ་བྲབ་པར་བྱའོ། །ཐམས་ཅད་འབྲོས་པར་བྱེད་དོ། །
D431.080.0322b01.01བྲབ་པའི་དུས་སུཌཱ་ཀི་ནྱཱ་དི་ཀ་མ་པ་སཱ་ར་ཡ་ཞེས་སྦྱར་བར་བྱའོ། །ཡང་ན་ཐོད་ལོ་ཀོར་གྱིས་ཁམ་ཕོར་སོ་མ་བཏང་བ་གཉིས་ལ། པདྨ་འདབ་མ་བརྒྱད་པའི་ནང་དུ་སྔགས་བྲིས་ནས་ཁ་སྦྱར་ཏེ། ཉ་རྒྱས་དཀྲིས་ནས་སྒོ་ལ་བཅང་བར་བྱའོ། །བྱིས་པ་རྣམས་ཀྱི་སྲུང་བར་བྱེད་དོ། །རཀྵ་རཀྵ་
D431.080.0322b02.01པཱ་ལ་ཀཾ་ཞེས་སྦྱར་བར་བྱའོ། །སྤྲ་ཚིལ་ལས་བསྒྲུབ་བྱའི་གཟུགས་བརྙན་སོར་བཞི་པ་བྱས་ཏེ། གྲོ་ག་ལ་སྔགས་མངོན་པར་བྲིས་ནས་དེའི་སྙིང་གར་སྐེ་ཚེ་ལ་སོགས་པ་རབ་ཏུ་གཞུག་པར་བྱའོ། །དེ་ནས་ཚེར་མས་ཁ་ལ་ཕུར་བུས་གདབ་པར་བྱའོ། །ཕྱིར་རྒོལ་བའི་ཁ་ལ་ཕུར་བུས་
D431.080.0322b03.01བཏབ་པར་འགྱུར་རོ། །ལྷ་སྦྱིན་གྱི་མུ་ཁཾ་ཀཱི་ལ་ཡ་ཞེས་སྦྱར་བར་བྱའོ། །ལམ་གྱི་བཞི་མདོར་བརྐོས་ནས་དེ་བཞིན་དུ་རྐང་པ་ལ་ཕུར་བུས་གདབ་པར་བྱའོ། །འགྲོ་བ་དང་འོང་བ་རེངས་པར་བྱེད་དོ། །ལྷ་སྦྱིན་གྱི་རྐང་པ་ལ་ཀཱི་ལ་ཡ་ཞེས་སྦྱར་བར་བྱའོ། །སྙིང་ལ་ཕུར་བུས་བཏབ་ན་ཁྲོས་
D431.080.0322b04.01པ་རེངས་པར་འགྱུར་རོ། །ལྷ་སྦྱིན་གྱི་ཧྲྀ་ད་ཡཾ་ཀཱི་ལ་ཡ་ཞེས་སྦྱར་བར་བྱའོ། །མིའི་རུས་པའི་ཕུར་བུའམ་ལྕགས་ཀྱི་ཕུར་བུའམ། མཚོན་སྦལ་གྱི་ཚེར་མས་འགའ་ཞིག་གི་ཡན་ལག་ལ་ཕུར་བུས་བཏབ་ན་དེ་དང་དེའི་ཕུར་བུས་བཏབ་པ་དེ་ཟུག་རྔུ་ཆེན་པོར་འགྱུར་རོ། །ལྷ་སྦྱིན་གྱི་ཡན་
D431.080.0322b05.01ལག་ཆེ་གེ་མོ་ལ་ཀཱི་ལ་ཡ་ཞེས་སྦྱར་བར་བྱའོ། །གང་གིས་ཁང་པའི་སྒོ་རུ་བརྐོས་ནས་སྦས་ན་དེ་སྐྲོད་པར་བྱེད་དོ། །ལྷ་སྦྱིན་བསྐྲད་པར་གྱིས་ཤིག་ཅེས་སྦྱར་བར་བྱའོ། །དུར་ཁྲོད་ཀྱི་ཐལ་བ་ལ་མངོན་པར་བསྔགས་ནས་སྒོ་གླེགས་ལ་གཏོར་ན་སྐྲོད་པར་བྱེད་དོ། །ལྷ་སྦྱིན་ཨུཙྪ་ཊ་ཡ་
D431.080.0322b06.01ཞེས་སྦྱར་བར་བྱའོ། །གཟུགས་བརྙན་ལ་ཚེར་མས་བཏབ་ནས་བཟླས་པར་བྱའོ། །ལྷ་སྦྱིན་མཱ་ར་ཡ། ཞེས་སྦྱར་ན་འཆི་བར་བྱེད་དོ། །རལ་གྲི་ལ་སོགས་པ་ལ་རང་གི་སྔགས་ཀྱིས་བརྒྱ་རྩ་བརྒྱད་མངོན་པར་བསྔགས་ནས་གཡུལ་དུ་འཇུག་པར་བྱས་ན་རྒྱལ་བར་འགྱུར་རོ། །གང་བྱ་
D431.080.0322b07.01