完整藏文原文 · 德格版页 当前仅加载第 80 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཤེས་རབ་ཕར་ཕྱིན་ཉིད། །ཁ་དོག་རྣམ་ལྔའི་རབ་དབྱེ་བས། །སོ་སོར་བརྟག་པར་འདོད་པ་ཡིན། །བུད་མེད་གང་ཞིག་ཁ་དོག་སྔོ། །ཞེ་སྡང་རྡོ་རྗེ་མ་རུ་གྲགས། །བུད་མེད་གང་ཞིག་ཁ་དོག་དཀར། །གཏི་མུག་རྡོ་རྗེ་མར་འདོད་དོ། །བུད་མེད་གང་ཞིག་ཁ་དོག་སེར། །ལྷ་མོ་ཕྲ་མ་
D431.080.0316b01.01རྡོ་རྗེ་མ། །བུད་མེད་གང་ཞིག་ཁ་དོག་དམར། །འདོད་ཆགས་རྡོ་རྗེ་མ་རུ་གྲགས། །བུད་མེད་གང་ཞིག་ཁ་དོག་ལྗང་། །ཕྲག་དོག་རྡོ་རྗེ་མ་ཞེས་གྲགས། །བཅོམ་ལྡན་ཤེས་རབ་ཕར་ཕྱིན་མ། །གཅིག་ཉིད་ལྔ་ཡི་ཚུལ་གྱིས་གནས། །ཆང་དང་བཟའ་བ་མེ་ཏོག་སོགས། །
D431.080.0316b02.01རྣམས་མཆོད་ལུས་ལ་གོས་ཀྱིས་མཛེས། །ཡང་དག་སྨྲ་བར་འདུད་བྱས་ནས། །ཐལ་མོ་ཡང་དག་སྦྱར་བྱས་ཏེ། །བལྟ་དང་རེག་པ་ཉིད་དང་ནི། །དྲན་པ་ཡིས་ནི་སྨྲ་བར་བྱ། །རྟག་ཏུ་འོ་དང་ལག་པས་འཁྱུད། །རྡོ་རྗེ་རྣལ་འབྱོར་མ་མཆོད་བྱ། །ལུས་ཀྱིས་ནུས་པ་རྣམས་བྱས་
D431.080.0316b03.01ནས། །མི་ནུས་པ་རྣམས་ངག་ཡིད་ཀྱིས། །མཆོད་པས་བརྙེས་དེས་བདག་ལ་ནི། །དངོས་གྲུབ་ཐམས་ཅད་སྩོལ་བར་བྱེད། །བུད་མེད་ཀུན་གྱི་ལུས་སྤངས་ནས། །བདག་ནི་གཞན་དུ་གྱུར་པ་མེད། །སྣ་ཚོགས་སྤངས་ནས་བུད་མེད་མཆོད། །འདི་ནི་བདག་ལ་རབ་མཆོད་
D431.080.0316b04.01འགྱུར། །འདི་ཡིས་བདག་ལ་བསྙེན་བཀུར་ནས། །སྒྲུབ་པ་པོ་མཉེས་དངོས་གྲུབ་མཆོག །དེ་ཡིས་མཐོང་བའི་ལམ་ཞུགས་ནས། །རྣམ་ཀུན་རྟག་ཏུ་ཀུན་ནས་སྟེར། །མ་ལུས་གཟུགས་ཀྱིས་བདག་བསྒོམས་ནས། །རང་གི་བུད་མེད་འདོད་བསྟེན་བྱ། །རྡོ་རྗེ་པདྨོ་མཉམ་
D431.080.0316b05.01སྦྱོར་བས། །བདག་ལ་བྱང་ཆུབ་སྟེང་བ་མོ། །དེ་ཕྱིར་རྣམ་པ་ཀུན་གྱི་ནི། །བདག་ལ་གུས་པས་མཆོག་ཏུ་དེ། །འདི་ཡིས་དེ་ཉིད་རབ་སྦྱོར་བས། །བརྟུལ་ཞུགས་ཅན་གྱིས་རབ་གུས་བྱ། །དམྱལ་བ་ལ་སོགས་ངན་འགྲོ་ཡི། །སྡིག་པ་ཡིས་ཀྱང་འཇིགས་མི་བྱ། །འཇིག་རྟེན་
D431.080.0316b06.01སྡིག་པས་འཇིགས་གྱུར་ན། །ཇི་སྲིད་ནུས་པ་ཐོབ་མི་འགྱུར། །སྡིག་པ་ཅུང་ཟད་ཡོད་མིན་ཞིང་། །བསོད་ནམས་ཅུང་ཟད་ཡོད་མིན་ཕྱིར། །སེམས་ཉིད་མི་སྲུང་འཇིག་རྟེན་གང་། །སྡིག་དང་བསོད་ནམས་རྣམ་པར་གནས། །གང་དུ་སེམས་ཉིད་ཙམ་གྱིས་ནི། །ཐམས་
D431.080.0316b07.01