完整藏文原文 · 德格版页 当前仅加载第 80 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེ་བཞིན་དུ་འཁོར་ལོ་དང་རྩེ་གསུམ་ལ་སོགས་པ་རྣམས་བསྒྲུབ་པར་བྱའོ། །དེ་བཞིན་དུ་ཟངས་ལ་སོགས་པའི་རང་བཞིན་གྱི་ཞགས་པ་བསྒྲུབ་པར་བྱའོ། །དེ་བཞིན་དུ་བུམ་པ་དང་། མཆིལ་ལྷ་མ་དང་། མཆོད་ཕྱིར་ཐོགས་དང་། གོས་དང་། གདུགས་དང་། ཤེས་རབ་
D431.080.0321b01.01ཀྱི་ཕ་རོལ་ཏུ་ཕྱིན་མའི་པོ་ཏི་དང་། རྒྱུད་ཀྱི་པོ་ཏི་ལ་སོགས་པ་བསྒྲུབ་པར་བྱའོ། །དེ་བཞིན་དུ་རྔ་པ་ཊ་ཧ་དང་། རྔ་བོ་ཆེ་དང་། པི་ཝང་ལ་སོགས་པ་བསྒྲུབ་པར་བྱའོ། །དེ་བཞིན་དུ་གསེར་གྱི་རང་བཞིན་ལས། གནོད་སྦྱིན་ཛམྦྷ་ལ་དང་། ནོར་བུ་བཟང་པོ་དང་། གང་བ་བཟང་པོ་
D431.080.0321b02.01དང་། པི་ཅི་ཀུཎྜ་ལི་ལ་སོགས་པ་བསྒྲུབ་པར་བྱའོ། །ཐམས་ཅད་མཁྱེན་པ་སྒྲུབ་པར་བྱེད་དོ། །དེ་བཞིན་དུ་སྨྱུག་མའི་རང་བཞིན་ལས་དྲི་བཟང་བསྒྲུབ་པར་བྱའོ། །གྲོག་མཁར་གྱི་སའི་རང་བཞིན་ལས་ནམ་མཁའ་ལྡིང་ངོ་། །ཐང་ཤིང་གི་རང་བཞིན་ལས་ལྷ་རྣམས་ཏེ། ཚངས་
D431.080.0321b03.01པ་དང་། ཁྱབ་འཇུག་དང་། དབང་ཕྱུག་ཆེན་པོ་དང་། དབང་པོ་དང་། འདོད་ལྷ་ལ་སོགས་པ་རྣམས་སོ། །དུར་ཁྲོད་ཀྱི་སོལ་བས་སྲིན་པོ་བྲི་བར་བྱའོ། །ག་ཌའི་ཉ་ཚིག་པས་{ཡི་དགས་,ཡི་དྭགས་}བྲི་བར་བྱའོ། །སྤྲ་ཚིལ་གྱིས་མིའོ། །གླང་པོ་ཆེའི་རང་བཞིན་ལས་ཚོགས་བདག་གོ། །
D431.080.0321b04.01ཤཱ་ཁོ་ཊའི་ཤིང་གི་རང་བཞིན་ལས་པཱི་ལུ་བ་ལཱ་ཤ་ལ་སོགས་པའི་ཤ་ཟའོ། །པྲ་པཱ་ལའི་ཉ་ལས་གཽ་རཱི་ཙཽ་རཱི་ལ་སོགས་པ་བྲི་བར་བྱའོ། །མིའི་རུས་པའི་རང་བཞིན་ལས་རཱ་མ་དེ་བ་དང་། འདོད་པའི་ལྷ་ལ་སོགས་པའི་རོ་ལངས་སོ། །ནཱ་ག་གེ་སར་གྱི་ཤིང་གི་རང་བཞིན་
D431.080.0321b05.01ལས་ནོར་རྒྱས་ལ་སོགས་པའི་ཀླུ་དང་། ཀླུ་མོ་རྣམས་སོ། །མྱ་ངན་མེད་པའི་ཤིང་གི་རང་བཞིན་ལས་འཕྲོག་མ་དང་། ལྷ་མོ་སུནྡ་རི་དང་། གར་མ་དང་། དགའ་མ་དང་། ཡིད་འོང་མ་དང་། ཤྱ་མ་ནུ་ཌི་དང་། པདྨ་ཅན་དང་། རྗེས་སུ་ཆགས་མ་དང་། ཟླ་འོད་མ་དང་། ཚངས་
D431.080.0321b06.01པའི་བུ་མོ་དང་། འདོད་པའི་དབང་ཕྱུག་མ་དང་། མིའི་བུ་མོ་དང་། རེ་བ་ཏཱི་དང་། ལྷ་བྱེད་མ་དང་། ན་ར་དྷི་ར་ལ་སོགས་པའི་གནོད་སྦྱིན་མོ་རྣམས་བསྒྲུབ་པར་བྱའོ། །ནྱ་གྲོདྷའི་ཤིང་གི་རང་བཞིན་ལས་དཔལ་ལྷ་མོ་དང་། རྒྱལ་པོའོ། །ཐང་ཤིང་གི་རང་བཞིན་ལས། ཏིལ་
D431.080.0321b07.01