完整藏文原文 · 德格版页 当前仅加载第 80 函德格 317a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སྐད་ཅིག་ཙམ་དེ་གནས། །དམྱལ་བར་འགྲོ་བ་འདིར་གང་གིས། །གང་གིས་འདིར་ནི་མཐོ་རིས་འགྲོ། །གང་གིས་དུག་བཏགས་མཐུ་ཡིས་འཆི། །ཇི་ལྟ་བ་ལ་དེ་ཉིད་མེད། །དུག་གི་མཐུ་ཡིས་ཡང་དག་བརྒྱལ། །དེ་བཞིན་མཐོ་རིས་ངན་འགྲོར་འགྲོ། །
D431.080.0317a01.01དེ་ཉིད་ཡོངས་སུ་ཤེས་གྱུར་པའི། །མཁས་པས་མྱ་ངན་འདས་པ་འཐོབ། །མྱང་འདས་སྟོང་པའི་ཚུལ་ཉིད་དུ། །མར་མེ་རླུང་གིས་ཇི་བཞིན་དུ། །ཉེར་ཆད་ལྟུང་བ་དེ་ཡང་ནི། །བྱང་ཆུབ་གོ་འཕང་མ་ཡིན་ནོ། །དེ་ཕྱིར་ཐམས་ཅད་ཡོངས་སྤངས་ནས། །བདག་ཉིད་གུས་བྱ་
D431.080.0317a02.01བརྟུལ་ཞུགས་ཅན། །སྐད་ཅིག་ཙམ་གྱིས་གཏུམ་པོ་ཡི། །དངོས་གྲུབ་སྟེར་བར་ཐེ་ཚོམ་མེད། །དེ་ནས་བཅོམ་ལྡན་འདས་ཀྱིས། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་གསོལ་པ། ཇི་ལྟ་བུ་ཡི་རྣམ་པ་ཡིས། །གཏུམ་མོའི་དངོས་གྲུབ་ཅི་འདྲ་ཞིག །དེ་
D431.080.0317a03.01ནས་བཅོམ་ལྡན་འདས་མས་བཀའ་སྩལ་པ། ཁ་དོག་ལྔ་ཡི་རབ་དབྱེ་བས། །རྣལ་འབྱོར་མ་རུ་རབ་གྲགས་གང་། །དེ་ཡང་རང་རང་བདག་པོ་ཡི། །ཁ་དོག་ལྔ་ཡི་རབ་དབྱེ་ལས། །གཏུམ་པོ་ཀུན་གྱི་དེ་ཉིད་འདིས། །བདག་ནི་རྣལ་འབྱོར་མ་རུ་ཤར། །ཁ་དོག་སྔོན་པོ་གང་དེ་
D431.080.0317a04.01ཡང་། །བདག་པོ་མི་གཡོ་སྔོན་པོར་ཤེས། །ཁ་དོག་དཀར་པོའི་བདག་པོ་གང་། །མི་གཡོ་དཀར་པོ་ཞེས་བྱའོ། །ཁ་དོག་སེར་པོའི་བདག་པོ་གང་། །མི་གཡོ་སེར་པོ་ཡང་དག་གྲགས། །ཁ་དོག་དམར་པོའི་བདག་པོ་གང་། །མི་གཡོ་དམར་པོ་ཞེས་གྲགས་སོ། །ཁ་དོག་ལྗང་
D431.080.0317a05.01གུའི་བདག་པོ་གང་། །མི་གཡོ་ལྗང་གུ་ཞེས་བྱའོ། །གཏུམ་པོ་དེ་ཉིད་གཅིག་པུ་ཉིད། །རྣམ་པ་ལྔ་ཡི་ཚུལ་གྱིས་གནས། །འདི་ཡི་དངོས་གྲུབ་བརྟན་པ་ཉིད། །དེ་ནི་གཏུམ་པོར་ཡང་དག་བཤད། །ནམ་མཁའི་མཐར་ཐུག་ཇི་སྙེད་པ། །ལྷ་མོའི་གཟུགས་ཀྱིས་ཡང་དག་
D431.080.0317a06.01གནས། །གཏུམ་པོའི་དངོས་གྲུབ་ཇི་བཞིན་གསུངས། །དེ་བཞིན་དུ་ནི་གཏུམ་མོ་འགྲུབ། །ཞེས་པ་ནི་དཔའ་བོ་གཅིག་པ་ཉིད་དུ་གསུངས་པའི་དཔལ་ཁྲོ་བོ་གཏུམ་པོའི་རྒྱུད་ལས། ངོ་བོ་ཉིད་ཀྱི་རིམ་པར་ཕྱེ་བ་སྟེ་བརྒྱད་པའོ།། །།དེ་ནས་བཅོམ་ལྡན་འདས་མས་
D431.080.0317a07.01