完整藏文原文 · 德格版页 当前仅加载第 93 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་བཟེད་ཀྱི་རིག་པ་སྟེ། ལན་ཉི་ཤུ་རྩ་གཅིག་བཟླས་ན་བདུད་རྩིའི་རྣམ་པར་འགྱུར་ཞིང་གང་གིས་ཟོས་པ་རྣམས་ངན་འགྲོ་ལས་ཐར་བར་འགྱུར་རོ། །ཕྱག་རྒྱ་ཐལ་མོ་ལྷན་ཅིག་ཏུ་དམ་དུ་སྦྱར་བ་ལས་སླར་པདྨའི་ཚུལ་དུ་བགྱིས་ནས་མཛུབ་མོ་ནོར་བུ་ལྟ་བུར་བགྱིས་ཏེ། གུང་མོ་ཡིད་
D689.093.0062b01.01ཙམ་བཀུག་པ་ནི་ཡིད་བཞིན་གྱི་ནོར་བུ་ཆེན་པོའི་རྒྱལ་མཚན་གྱི་རྩེ་མོའི་ཕྱག་རྒྱ་སྟེ། ལག་པ་སྤྱི་བོར་བཀན་ནས་བཞག་པ་སྤྱི་བོར་དབང་བསྐུར་བའི་རིག་པ་འདི་ལན་བདུན་བརྗོད་དོ། །ཨོཾ་ཏྱཻ་དྷཱ་ཨ་ནུ་ག་ཏ། ཨ་བྷི་ཥིཉྩ་ཏུ་མཱཾ་སརྦ་ཏྲཻ་ཡ་དྷྭི་ཀེ་པདྨ་མ་ཎི་སུ་པདྨེ་ཨ་མོ་གྷེ་སརྦ་ཏ་ཐཱ་ག་ཏཱ་ཡ་ཨ་
D689.093.0062b02.01དྷིཥྛི་ཏེ་ཧཱུྃ། རིག་པ་འདིས་དབང་བསྐུར་བ་ཙམ་གྱིས་རིག་སྔགས་འཆང་ལ་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་དབང་བསྐུར་བར་འགྱུར་རོ། །རིག་སྔགས་འཆང་གི་རྒྱལ་པོ་ཆེན་པོར་ཡང་འགྱུར་རོ། །
D689.093.0062b03.01རིག་སྔགས་ཐམས་ཅད་ཀྱང་འགྲུབ་པར་འགྱུར་རོ། །ཉོན་མོངས་པའི་སྒྲིབ་པ་ཐམས་ཅད་ཀྱང་རྣམ་པར་དག་པར་འགྱུར་རོ། །འཇིག་རྟེན་གྱི་གཙོ་བོ་གཅིག་པུའི་གནས་སུ་ཡང་འགྱུར་བར་ཐེ་ཚོམ་མ་མཆིས་སོ། །ཨོཾ་པདྨོཥྞཱི་ཥ་བི་མ་ལེ་ཧཱུྃ་ཕཊ། བཅོམ་ལྡན་འདས་རིགས་ཀྱི་བུའམ་རིགས་
D689.093.0062b04.01ཀྱི་བུ་མོ་གང་ལ་ལས་གསང་སྔགས་ཀྱི་སྙིང་པོ་ཡི་གེ་བཅུ་པ་འདི་སྙིང་རྗེ་དང་ལྡན་པར་བགྱིས་ཏེ་བཟླས་བརྗོད་བགྱིས་ན་བྱང་ཆུབ་ལས་ཕྱིར་མི་ལྡོག་པར་འགྱུར་བ་ནས་ས་བཅུ་ལ་གནས་པའི་བར་དུ་འགྱུར་ཞིང་། ལྷ་དང་། མིའི་སྐྱེ་དགུ་དག་གིས་འདི་ནི་དེ་བཞིན་གཤེགས་པའོ་ཞེས་བརྗོད་པར་འགྱུར་
D689.093.0062b05.01ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། དོན་ཡོད་པའི་ཞགས་པའི་པདྨའི་གཙུག་ཏོར་དྲི་མ་མེད་པའི་འཁོར་ལོས་སྒྱུར་བར་འགྱུར་ཏེ་འདི་ལ་ཐེ་ཚོམ་མ་མཆིས་སོ། །བཅོམ་ལྡན་འདས་གསང་སྔགས་ཀྱི་སྙིང་པོ་ཡི་གེ་བཅུ་པ་འདི་ནི་ཡོན་ཏན་ཆེན་
D689.093.0062b06.01པོ་ཚད་མ་མཆིས་པ་རྣམས་དང་ལྡན་པར་རིག་པར་བྱའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ། །དེ་དེ་བཞིན་ཏེ། རིགས་ཀྱི་བུ་གཟུངས་སྔགས་ཀྱི་སྙིང་པོ་འདི་དག་ནི་ཡི་གེ་འབྲུ་རེ་རེ་ཙམ་བཟླས་བརྗོད་བྱས་པ་ཙམ་གྱིས་ཀྱང་སངས་རྒྱས་ཀྱི་མཛད་པ་བྱེད་པར་
D689.093.0062b07.01