完整藏文原文 · 德格版页 当前仅加载第 93 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་ཐམས་ཅད་རབ་རྫོགས་བྱེད། །ཨོཾ་བྷྲྀ་ཀུཊིདཾཥྚེ་ཨ་མོ་གྷ་ས་མ་ཡེ། ཨ་བྷི་ཥིཉྩ་མཱཾ་སརྦ་བིད་ཨ་མོ་གྷ་ཨཾག་ཨབྷི་ཥེ་ཀ་ཧཱུྃ། མི་ལི་མི་ལི་སྭཱ་ཧཱ། ཁྲོ་བོའི་རྒྱལ་པོའི་སྙིང་པོའོ། །དེ་ནས་སྐུ་གཟུགས་ཀྱི་ཆོ་ག་ནི་དངུལ་ལ་ཁྲོ་བོའི་རྒྱལ་པོ་སོར་བཅུ་གཉིས་ཀྱི་ཚད་
D689.093.0065a01.01ཙམ་ཤིན་ཏུ་མཛེས་ཤིང་ཚད་དང་ལྡན་པ། གདོང་གསུམ་པ། རལ་པའི་ཐོར་ཚུགས་ཅན། རྒྱལ་བ་འོད་དཔག་ཏུ་མེད་པས་སྤྱི་བོར་བརྒྱན་པ། ཟླ་བ་ཚེས་པ་མགོ་ལ་ཐོགས་པ། གདོང་གསུམ་གྱི་དང་པོ་ཁྲོ་བ། གཡས་ཅུང་ཟད་འཛུམ་པ། གཡོན་གད་མོ་དགོད་པ། ལག་པ་བཞི་པ།
D689.093.0065a02.01གཡས་དང་པོ་ན་པདྨ། འོག་མ་ན་རལ་གྲི་འཕྱར་བ། གཡོན་དང་པོ་ན་ཞགས་པ། འོག་མ་མདུང་རྩེ་གསུམ་པ། རྒྱན་ཐམས་ཅད་ཀྱིས་བརྒྱན་པ་པདྨ་དང་ཟླ་བའི་གདན་ལ་རྒྱལ་པོའི་རོལ་སྟངས་ཀྱིས་འདུག་པ། གཅན་གཟན་ཁྲོ་བོའི་པགས་པས་སྨད་དཀྲིས་པའོ། །གཡས་ཕྱོགས་སུ་
D689.093.0065a03.01ནི་ལྷ་མོ་སྒྲོལ་མ་ཨུཏྤ་ལ་ཐོགས་པ་རྒྱན་ཐམས་ཅད་ཀྱིས་རབ་ཏུ་བརྒྱན་པའོ། །གཡོན་ཕྱོགས་སུ་ནི་ལྷ་མོ་རིག་སྔགས་ཀྱི་རྒྱལ་མོ་ནོར་བུ་རིན་པོ་ཆེ་ཐོགས་པ། རྒྱན་ཐམས་ཅད་ཀྱིས་རབ་ཏུ་བརྒྱན་པའོ། །འཇིག་རྟེན་དབང་ཕྱུག་གི་དྲུང་དུ་རིག་སྔགས་འཆང་པུས་མོ་བཙུགས་པ་ལག་ན་
D689.093.0065a04.01སྤོས་ཕོར་ཐོགས་ཤིང་བགྲང་ཕྲེང་འཛིན་པ་བཅོམ་ལྡན་འདས་ལ་གྱེན་དུ་བལྟ་བའོ། །ཡང་ན་ནི་རི་མོར་བྲི་བར་བྱ་སྟེ་ཆོ་ག་བཞིན་ནོ། །གཟུགས་བརྙན་དེ་དག་གི་དྲུང་དུ་བའི་ལྕི་བས་བྱུག་པ་བྱས་ལ། ཙནྡན་དཀར་པོའི་དཀྱིལ་འཁོར་བྱ་ཞིང་གུར་གུམ་གྱིས་མཆོད་ཡོན་བྱ་སྟེ། མེ་ཏོག་ལ་
D689.093.0065a05.01སོགས་པས་ཡང་དག་པར་མཆོད་པར་བྱའོ། །དཀྱིལ་འཁོར་དེའི་སྟེང་དུ་ཁྲོ་བོའི་རྒྱལ་པོ་བཞུགས་སུ་གསོལ་ཏེ། དེའི་དྲུང་དུ་བཟླས་བརྗོད་སྟོང་ཕྲག་བརྒྱད་བྱའོ། །དེ་ནས་གཟུགས་བརྙན་དེ་འགུལ་ཞིང་གཡོ་བར་འགྱུར་རོ། །རྐང་པས་ཕན་ཚུན་དུ་འཆག་པར་འགྱུར། གཟུགས་
D689.093.0065a06.01ལས་འོད་ཟེར་འབྱུང་བར་འགྱུར། ཚིག་འབྱིན་པར་འགྱུར། ལེགས་སོ་ཞེས་སྒྲ་འབྱིན་པར་འགྱུར། ལག་པ་གཡས་པ་རིག་སྔགས་འཆང་གི་སྤྱི་བོར་འཇོག་པར་འགྱུར། ཡིད་ལ་བསམས་སོ་ཅོག་ཐམས་ཅད་དང་། མཆོག་ཐམས་ཅད་ཡོངས་སུ་རྫོགས་པར་འགྱུར་རོ། །བཟླས་
D689.093.0065a07.01