完整藏文原文 · 德格版页 当前仅加载第 93 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་ན། རིགས་ཀྱི་བུ་གང་གིས་ཆེད་དུ་གཉེར་ཏེ། ཆེས་ངལ་ཞིང་དུབ་པར་བཟླས་བརྗོད་དང་། སྒྲུབ་པ་དང་། ཆོ་གས་ཚུལ་བཞིན་དུ་རྒྱས་པར་སྒྲུབ་པ་རྣམས་ལྟ་སྨོས་ཀྱང་ཅི་དགོས། དོན་ཡོད་པའི་ཞགས་པའི་པདྨའི་གཙུག་ཏོར་དྲི་མ་མེད་པའི་སྙིང་པོ་ཁྲོ་བོའི་གཟུངས་
D689.093.0063a01.01སྔགས་རིམ་པར་ཕྱེ་བ་གསང་སྔགས་ཆེན་པོ་ཡི་གེ་བཅུ་པ་འདི་ལན་ཅིག་ཙམ་དྲན་ནམ། བཀླགས་སམ། མིང་ཙམ་ཡང་བཟུང་ངམ། དུས་ཚིགས་འགའ་རེར་དྲན་པ་ཙམ་གྱིས་ཀྱང་སེམས་ཅན་དེའི་མཚམས་མེད་པའི་ལས་བྱས་པས་མནར་མེད་པའི་དམྱལ་བར་གཞོལ་བ་ཚེ་བསྐལ་
D689.093.0063a02.01པར་གནས་པར་འགྱུར་བ་ཡང་ལས་ཐམས་ཅད་རྣམ་པར་དག་པར་འགྱུར་རོ། །སྡིག་པ་དང་སྒྲིབ་པ་ཐམས་ཅད་ཀྱང་རང་རབ་ཏུ་ཟད་པར་འགྱུར། ལུས་ཡོངས་སུ་དག་ཅིང་དྲི་མ་མེད་པར་འགྱུར། སྒྲིབ་པ་དང་། ཉོན་མོངས་པ་ཐམས་ཅད་དང་བྲལ་བར་འགྱུར། ཚེ་འཕོས་
D689.093.0063a03.01ནས་ཀྱང་བདེ་བ་ཅན་གྱི་འཇིག་རྟེན་གྱི་ཁམས་སུ་པདྨ་ལས་བརྫུས་ཏེ་སྐྱེ་བར་འགྱུར་རོ། །ཚེ་རབས་ཐམས་ཅད་དུ་སྐྱེ་བ་དྲན་པར་འགྱུར། ནམ་ཡང་ངན་འགྲོར་འགྲོ་བར་མི་འགྱུར། བསྐལ་པ་བྱེ་བ་འབུམ་ཕྲག་བརྒྱད་ཅུར་འཁོར་ལོས་སྒྱུར་བའི་མཆོག་ཏུ་འགྱུར་རོ། །སངས་རྒྱས་
D689.093.0063a04.01ཀྱི་ཞིང་ནས་སངས་རྒྱས་ཀྱི་ཞིང་རྣམས་སུ་འགྲོ་བར་འགྱུར། སངས་རྒྱས་བཅོམ་ལྡན་འདས་རྣམས་ཀྱིས་རབ་ཏུ་དགོངས་པར་འགྱུར་རོ། །སྒྲུབ་པའི་ཆོ་གའོ། །དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་གསང་སྔགས་ཀྱི་རྩ་
D689.093.0063a05.01བ་དོན་ཡོད་པའི་ཞགས་པའི་པདྨའི་གཙུག་ཏོར་གྱི་སྙིང་པོ་དྲི་མ་མེད་པ་གསང་བ་འདི་རིག་སྔགས་འཆང་བའི་རིགས་ཀྱི་བུའམ། རིགས་ཀྱི་བུ་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལས་ལན་ཅིག་ཙམ་ཡང་དྲན་པས་ཡིད་ལ་བྱེད་
D689.093.0063a06.01ཅིང་། ཡོངས་སུ་དག་པའི་བདག་ཉིད་སྙིང་རྗེ་ཆེན་པོ་དང་། བྱམས་པའི་སེམས་དང་ལྡན་པ་དང་། ལྷག་པའི་བསམ་པས་སེམས་ཅན་ཐམས་ཅད་ཡོངས་སུ་མི་གཏོང་བའི་བློ་དང་། དམིགས་པ་དང་ལྡན་པས་སེམས་ཅན་གང་ཡང་རུང་བའི་རྣ་ཁུང་དུ་བརྗོད་ན་སེམས་ཅན་དེ་དག་ངན་
D689.093.0063a07.01