完整藏文原文 · 德格版页 当前仅加载第 93 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་སྒྲ་དེ་ཐོས་ན། དེ་དག་ཐམས་ཅད་བྱང་ཆུབ་ལས་ཕྱིར་མི་ལྡོག་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །ཚེ་དེ་བརྗེས་མ་ཐག་ཏུ་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །ཙནྡན་དཀར་པོ་ལ་ལན་བདུན་བཟླས་
D689.093.0064b01.01བརྗོད་བྱས་ནས་དགེ་འདུན་གྱི་ཀུན་དགའ་ར་བའམ། དཀོར་སའམ། སྐྱེ་བོའི་དབུས་སམ། རྒྱལ་པོའི་ཕོ་བྲང་དུ་བདུག་པར་བྱས་ན། གང་དག་དེའི་དྲི་ལ་བསྣམས་པའི་སེམས་ཅན་དེ་དག་ཐམས་ཅད་ཀྱང་ལས་དང་ཉོན་མོངས་པའི་སྒྲིབ་པ་ཐམས་ཅད་རྣམ་པར་བྱང་བར་འགྱུར་ཏེ། སངས་
D689.093.0064b02.01རྒྱས་ཀྱི་སྐུ་ཡོངས་སུ་རྫོགས་པ་རབ་ཏུ་འཐོབ་པའི་བར་དུ་འགྱུར་རོ། །ཆོས་གོས་ལ་རབ་ཏུ་བདུགས་ནས་ལུས་ལ་གྱོན་ན་གང་ཟག་དེའི་སྡིག་པ་དང་། སྒྲིབ་པ་ཐམས་ཅད་མ་ལུས་པར་རྣམ་པར་དག་པར་འགྱུར་རོ། །ལུས་ལ་བབ་པ་ཙམ་གྱིས་བག་ཆགས་ཀྱི་དྲི་མ་དང་། སེར་སྣ་
D689.093.0064b03.01དང་ཉོན་མོངས་པའི་སྐྱོན་ཐམས་ཅད་སྤངས་པར་འགྱུར་རོ། །གོས་ལ་བདུགས་ཏེ་བཅངས་པ་ཙམ་གྱིས་འཇིག་རྟེན་ཐམས་ཅད་དབང་དུ་འགྱུར་རོ། །བདག་གི་གོས་ལ་རབ་ཏུ་བདུགས་ཏེ་རྒྱལ་པོའི་ཕོ་བྲང་དུ་ཞུགས་ན་རྒྱལ་པོ་དང་། བཙུན་མོར་བཅས་པ་རྣམས་དབང་དུ་འགྱུར་རོ། །ཀུན་
D689.093.0064b04.01གྱི་མཆོད་གནས་ཆེན་པོར་འགྱུར་རོ། །འཇིག་རྟེན་ཐམས་ཅད་ཀྱི་བླ་མར་འགྱུར་རོ། །འཕགས་པའི་དགེ་འདུན་གྱི་དབུས་སུ་ཞུགས་ན་དགེ་འདུན་ཐམས་ཅད་ཀྱི་མཆོད་གནས་ཆེན་པོར་འགྱུར་རོ། །སྐྱེ་བོའི་ཚོགས་ཆེན་པོའི་ནང་དུ་ཞུགས་ན་ནོར་དང་། ལོངས་སྤྱོད་ཆེན་པོ་འཕེལ་
D689.093.0064b05.01བར་འགྱུར་ཞིང་མཆོད་གནས་ཆེན་པོའི་འོས་སུ་ཡང་འགྱུར་རོ། །ཙནྡན་གྱི་བདུག་པའི་ཆོ་གའོ། །དོན་ཡོད་པའི་ཞགས་པའི་རྟོག་པ་ལས་པདྨའི་གཙུག་ཏོར་དྲི་མ་མེད་པའི་སྙིང་པོའི་ལེའུ་སྟེ་བཞི་པའོ།། །།དེ་ནས་ཁྲོ་བོའི་རྒྱལ་པོ་ཆེའི། །རྟོག་པ་རབ་ཏུ་བཤད་བྱ་སྟེ། །
D689.093.0064b06.01དོན་ཡོད་རྒྱལ་པོ་རྨད་བྱུང་ཚེ། །ཀུན་ཏུ་དངོས་གྲུབ་ཐོགས་མེད་ཅིང་། །དཀྱིལ་འཁོར་ཀུན་ཏུ་དབང་བསྐུར་བས། །སྡང་བ་ཐམས་ཅད་རབ་ཏུ་འཇོམས། །བདུད་དང་བགེགས་དཔུང་རྣམ་པར་འཇིག །གནོད་སྦྱིན་སྲིན་པོ་གསང་བ་པ། །འབྱུང་པོ་ཐམས་ཅད་རབ་ཏུ་འབྲོས། །
D689.093.0064b07.01