完整藏文原文 · 德格版页 当前仅加载第 93 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་རྫོགས་པའི་མོད་ལ་འཕགས་པ་སྤྱན་རས་གཟིགས་དབང་ཕྱུག་ཁྲོ་བོའི་རྒྱལ་པོ་རང་གི་མདུན་ན་བཞུགས་པར་འགྱུར་རོ། །དྲན་པ་ཙམ་གྱི་མོད་ལ་དངོས་གྲུབ་ཐམས་ཅད་འགྲུབ་པར་འགྱུར་རོ། །ལས་ཐམས་ཅད་ཀྱང་བྱེད་པར་འགྱུར་རོ། །བཀླགས་པས་ལས་ཐམས་ཅད་
D689.093.0065b01.01དང་། དངོས་གྲུབ་ཐམས་ཅད་འགྲུབ་པར་འགྱུར་བ་དང་། གྲུབ་པ་ཐམས་ཅད་སྟོན་པར་འགྱུར་རོ། །ཁྲོ་བོའི་རྒྱལ་པོ་ཆེན་པོའི་ཞགས་པ་ནས་བཟུང་སྟེ། བཟླས་བརྗོད་སྟོང་རྩ་བརྒྱད་བྱས་ན་སྔོན་ཆད་བསགས་པའི་བསོད་ནམས་དང་། ལས་ཀྱི་བགོ་སྐལ་ཐམས་ཅད་མངོན་སུམ་དུ་
D689.093.0065b02.01འགྱུར་རོ། །ཚེའི་མཐར་ཐུག་གི་བར་དུ་དཔལ་ཆེན་པོ་ཐོབ་པ་དང་། ཆེ་བ་ཉམས་སུ་མྱང་བར་འགྱུར་རོ། །གདོང་དུ་བལྟས་ཏེ་བཟླས་བརྗོད་སྟོང་རྩ་བརྒྱད་བྱས་ན་དབང་ཕྱུག་ཆེན་པོའི་དངོས་གྲུབ་ཐོབ་པར་འགྱུར་རོ། །པདྨ་ནས་བཟུང་སྟེ་བཟླས་བརྗོད་སྟོང་རྩ་བརྒྱད་བྱས་ན་ཉོན་
D689.093.0065b03.01མོངས་པ་དང་། ཉེ་བའི་ཉོན་མོངས་པ་ཐམས་ཅད་དང་བྲལ་བར་འགྱུར་རོ། །རལ་གྲི་ནས་བཟུང་སྟེ། བཟླས་པ་སྟོང་རྩ་བརྒྱད་བྱས་ན་ནམ་མཁའ་ལ་འགྲོ་བའི་དངོས་གྲུབ་ཐོབ་པར་འགྱུར་རོ། །རྩེ་གསུམ་ནས་བཟུང་སྟེ། སྟོང་རྩ་བརྒྱད་བཟླས་བརྗོད་བྱས་ན། འཇིག་རྟེན་
D689.093.0065b04.01གསུམ་གྱི་དབང་ཕྱུག་ཏུ་འགྱུར་རོ། །འགྲོ་བ་ཐམས་ཅད་དབང་དུ་འགྱུར་རོ། །རྐེད་པ་ནས་བཟུང་སྟེ་བཟླས་པ་སྟོང་རྩ་བརྒྱད་བྱས་ན་སྔོན་གྱི་ཚེ་རབས་དྲན་པར་འགྱུར་རོ། །རྒྱལ་པོ་དང་བཙུན་མོ་འཁོར་དང་བཅས་པ་རྣམས་དབང་དུ་འགྱུར་ཏེ། བདག་ཉིད་ཇི་སྲིད་འཚོའི་བར་དུ་ནོར་
D689.093.0065b05.01རྣམས་ཉེ་བར་གནས་པར་འགྱུར་རོ། །ཅོད་པན་ལ་ལན་བརྒྱ་རྩ་བརྒྱད་བཟླས་ཏེ། ཁྲོ་བོའི་རྒྱལ་པོའི་དབུ་ལ་བཅིངས་ན་ངེས་པར་དབང་བསྐུར་བ་ཐོབ་པར་འགྱུར་ཏེ། འདི་ལ་ཐེ་ཚོམ་དང་ཡིད་གཉིས་བསྐྱེད་པར་མི་བྱའོ། །བཟླས་བརྗོད་དང་། སྒྲུབ་པ་འདི་དག་གིས་ནི་འཕགས་པ་སྤྱན་རས་
D689.093.0065b06.01གཟིགས་དབང་ཕྱུག་ཁྲོ་བོའི་རྒྱལ་པོའི་གཟུགས་ཀྱིས་རིག་སྔགས་འཆང་གི་མདུན་དུ་བྱོན་ཏེ། ཅི་དགོས་པ་ཐམས་ཅད་བྱེད་པར་འགྱུར་རོ། །འཕགས་པ་དོན་ཡོད་ཞགས་པའི་རྟོག་པའི་རྒྱལ་པོའི་ཆོ་ག་ལས་ཕྱུང་བ་རྫོགས་སོ།། །།པཎྜི་ཏ་མཉྫུ་ཤྲཱི་ཝརྨ་དང་།
D689.093.0065b07.01