完整藏文原文 · 德格版页 当前仅加载第 96 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
མཐུ་ཆེན་པོ་དང་། ཆོ་འཕྲུལ་ཆེན་པོས་ཀུན་དུ་སྟོན་པས་རྒྱལ་པོ་ཆེན་པོ་རྣམ་ཐོས་ཀྱི་བུའི་གནས་སུ་གཤེགས་སོ། །དེ་ནས་བཅོམ་ལྡན་འདས་རྣམ་ཐོས་ཀྱི་བུའི་གནས་དང་ཧ་ཅང་ཡང་མི་རིང་བ་ཞིག་ཏུ་བྱོན་པ་དང་། ས་ཕྱོགས་དེ་ན་འབྲོག་གི་ནགས་ཉི་ཤུ་པ་ཞེས་བྱ་བ་ཞིག་ཡོད་དེ།
D759.096.0032b01.01ནགས་དེའི་མཐོངས་ན་རྫིང་བུ་ཞིག་ཡོད་ལ། རྫིང་བུ་དེའི་མཐུས་ལྕང་ལོ་ཅན་གྱི་ཕོ་བྲང་འཁོར་གྱི་ཞིང་དང་། ཀུན་དགའ་དང་། ནགས་དང་། འདབ་མ་དང་། མེ་ཏོག་དང་། འབྲས་བུ་རྣམས་ཀུན་དུ་ཚིམ་པར་གྱུར་ཏོ། །སྐྱེས་པ་དང་བུད་མེད་དང་། ཁྱེའུ་དང་། བུ་མོ་དང་།
D759.096.0032b02.01བ་ལང་དང་། རྟ་དང་། རྟ་རྒོད་མ་དང་། མ་ཧེ་དང་། གླང་པོ་ཆེ་དང་། བོང་བུ་དང་། སྐྱེ་བོའི་ཚོགས་ཐམས་ཅད་བདེ་བས་ཚིམ་པར་གྱུར་ཏོ། །རྫིང་བུ་དེ་ཡང་ཕྱོགས་བཞི་ཀུན་དུ་རྒྱར་དཔག་ཚད་གཉིས་ཀྱི་ཚད་དོ། །རྫིང་བུ་དེ་ཡང་མེ་ཏོག་ཨུཏྤ་ལ་དང་། པདྨ་དང་། ཀུ་མུད་དང་།
D759.096.0032b03.01བུན་ད་རི་ཀ་སྣ་ཚོགས་ཀྱིས་ཀུན་དུ་ཁེབས་ཤིང་། ཉ་སྣ་ཚོགས་དང་། ཆུ་བྲན་དང་། ཉ་མིད་དང་། ཆུ་སྲིན་བྱིས་པ་གསོད་པ་དང་། བུང་བ་གཟུགས་སྣ་ཚོགས་ཅན་ནོ། །དེ་ནས་དེའི་འོག་ཏུ་ཐན་པ་བྱུང་བ་དེའི་ཚེ་ནགས་ཚལ་དང་། མེ་ཏོག་དང་འབྲས་བུ་དང་། འདབ་མ་དང་།
D759.096.0032b04.01ཡལ་ག་ཐམས་ཅད་སྐམས་ཏེ་མེ་ཏོག་དེ་དག་རྙིངས་སོ། །ཉ་དང་ཆུ་སྲིན་དང་། ཉ་མིད་དང་། ཆུ་སྲིན་བྱིས་པ་གསོད་དང་། བུང་བ་གཟུགས་སྣ་ཚོགས་པ་དེ་དག་ཀྱང་ཆུ་བྲི་སྟེ་ཅུང་ཟད་ཅིག་ལུས་པས་ཕྱོགས་བཅུར་རྒྱུག་ཀུན་དུ་རྒྱུག་རབ་ཏུ་རྒྱུག་སྟེ། སྲོག་འགགས་ལ་ཐུག །སྲོག་
D759.096.0032b05.01ཆད་ལ་ཐུག་པས་སྙིང་འཕར་ཞིང་རྒྱུག་གོ། །དེ་ནས་བཅོམ་ལྡན་འདས་ཞ་མ་རིང་བ་ཆེན་པོ་དང་རྫིང་བུ་དེར་བྱོན་པ་དང་། དེ་ན་ཉ་དང་ཆུ་སྲིན་དང་། ཆུ་སྲིན་བྱིས་པ་གསོད་པ་དང་། བུང་བ་བརྒྱ་སྟོང་དུ་མ་སྲོག་འགགས་ལ་ཐུག །སྲོག་ཆད་ལ་ཐུག་སྟེ་ཕྱོགས་བཅུར་རྒྱུག་ཅིང་སྙིང་རྗེ་རྗེ་ལྟར་
D759.096.0032b06.01གཟིགས་ནས་བཅོམ་ལྡན་འདས་ཀྱིས་བྱམས་པའི་དམིགས་པ་སྙིང་རྗེས་དབུགས་ཕྱུང་སྟེ་སེ་གོལ་གྱི་སྒྲས་ཀླུ་རྣམས་འབོད་ཅིང་ལན་གཉིས་ལན་གསུམ་དུ་སེ་གོལ་རྡོབ་ཅིང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྒྲ་གྲག་པར་མཛད་དོ། །སྔོན་གྱི་ལས་ཀྱི་
D759.096.0032b07.01