完整藏文原文 · 德格版页 当前仅加载第 96 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་པ་ཐམས་ཅད་གཅེར་བུར་འགྱུར་རོ། །རིལ་བུ་གཅིག་རྒྱལ་མཚན་གྱི་རྩེ་མོ་ལ་བཏགས་ཏེ་ཀླུའི་མཚོར་གཟུགས་སོ། །བ་དན་སྔོན་པོ་གདགས་སོ། །སྔགས་འདི་བྲིས་ཏེ་དེར་གདགས་པ་བྱས་ན་ཇི་སྲིད་དུ་རྒྱལ་མཚན་མ་བསྡུས་པ་དེ་སྲིད་དུ་ཀླུ་ཐམས་ཅད་ཆར་འབེབས་
D759.096.0036b01.01སོ། །ཡང་རྒྱལ་མཚན་གྱི་རྩེ་མོ་ལ་བཏགས་ཏེ་ཁང་ཐོག་མཐོན་པོར་གཟུགས་སོ། །སེར་བ་འབབ་པའི་དུས་ན་ཡང་ཀླུ་རྣམས་སེར་བ་འབེབས་ཀྱང་མི་ནུས་སོ། །ཀླུ་རྣམས་ཀྱིས་གསེར་གྱི་ཁ་དོག་འདྲ་བ་དེ་འདྲ་བར་མཐོང་སྟེ། ཀླུ་ཐམས་ཅད་དངངས་སྐྲག་ཅིང་
D759.096.0036b02.01གནས་དེར་འདོད་པ་བཞིན་ཆར་འབེབས་སོ། །ཨོཾ་སུ་པྲ་ཏེ་བཛྲ་དུནྡེ་མི་ལི་མི་ལི་སྭཱ་ཧཱ། འདི་ནི་སྔགས་སོ། །བག་ཕྱེ་ལས་ཀླུ་མགོ་དགུ་པའི་གཟུགས་བྱས་ལ་ལུས་མཚལ་གྱིས་བསྐུ་བར་བྱའོ། །མགུལ་དུ་བ་དན་གདགས་སོ། །དཀྱིལ་འཁོར་གྲྭ་བཞི་བྱས་ཏེ་དབུས་སུ་
D759.096.0036b03.01ཀླུའི་གཟུགས་བཞག་ལ་མེ་ཏོག་སིལ་མས་གཏོར་རོ། །གཏོར་མ་དཀར་པོ་ཅི་འབྱོར་ཚད་སྦྱིན་ནོ། །མེ་ཏོག་དང་བདུག་སྤོས་ཀྱང་སྦྱིན་ནོ། །བལ་པོ་སེའུ་ཤིང་གི་ལྕུག་མ་ལ་ལན་ཉི་ཤུ་རྩ་གཅིག་ཡོངས་སུ་བཟླས་པ་བྱས་ཏེ། སྔགས་དང་བལ་པོ་སེའུ་ཤིང་གི་ལྕུག་
D759.096.0036b04.01མ་ལ་ཀླུའི་གཟུགས་ལ་ལན་བརྒྱ་རྩ་བརྒྱད་དུ་བྱ་བ་པ་བྱས་ན་ཀླུ་གང་གི་མིང་བྲིས་པའི་ཀླུ་དེ་བཀུག་པར་འགྱུར་ཏེ། ཀླུ་དེ་ཡང་རང་གི་ཁྱིམ་ལ་དགའ་བར་མི་འགྱུར་རོ། །གལ་ཏེ་ཆར་གྱི་རྒྱུན་ལེགས་པར་མ་ཕབ་ན་འཕྲལ་དུ་སྲོག་མ་རུང་བར་འགྱུར་རོ། །ཡུངས་ཀར་
D759.096.0036b05.01ལ་ལན་སྟོང་རྩ་བརྒྱད་རེ་རེ་ལ་ཡོངས་སུ་བཟླས་པ་བྱ་སྟེ། སྟོང་རྩ་བརྒྱད་དུ་ཚང་ན་ཀླུའི་གཟུགས་ཐམས་ཅད་འགྲོ་ཞིང་མགོ་གདེངས་ཀ་བྱེད་དོ། །དེའི་འོག་ཏུ་བལ་པོ་སེའུའི་ལྕུག་མས་བསྡིགས་ན་ལྡང་ཞིང་ལྕེ་སྟོན་པར་འགྱུར། ལུས་ཀྱི་བར་དུ་སྟོན་པར་འགྱུར་ཀླུ་
D759.096.0036b06.01ཐམས་ཅད་དབང་དུ་འགྱུར་ཏེ། གང་བསྒོ་བ་དེ་བཞིན་བྱེད་དོ། །འོ་མ་དང་། ཡུངས་ཀར་ལ་སྔགས་བརྒྱ་རྩ་བརྒྱད་ཡོངས་སུ་བཟླས་པ་བྱས་ཏེ། གནས་ཐམས་ཅད་དུ་གཏོར་ན་ཐམས་ཅད་ལ་ཕྱིར་ལེགས་པ་བྱས་པར་འགྱུར་རོ། །འདི་ནི་ཆོ་ག་བཞི་པའོ།། །།
D759.096.0036b07.01