完整藏文原文 · 德格版页 当前仅加载第 96 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པ་ཡུལ་ཡོངས་སུ་མི་སྐྱོང་བ། ལོ་ཏོག་དང་འབྲས་བུ་ཆུད་གཟོན་པའི་ཀླུའི་ཁྱིམ་དུ་སོང་སྟེ། ཤིན་ཏུ་ཁྲུས་བྱས་ལ་གོས་དཀར་པོ་གཙང་མ་བགོས་ཏེ། རིག་པ་ལན་ཉི་ཤུ་རྩ་གཅིག་བརྗོད་ན། ཀླུའི་ཁྱིམ་དེ་ནས་བུད་མེད་རྒན་མོ་དག་འབྱུང་ཞིང་། རིག་པ་འཛིན་པ་ཅི་
D759.096.0044b01.01ཚོལ་ཞེས་ཟེར་བ་དང་། ལན་མི་གདབ་པར་རྡོ་རྗེ་ས་ལ་བརྡབ་པར་བྱའོ། །ཕཊ་ཞེས་བྱ་བ་བརྗོད་པར་བྱའོ། །ཀླུ་རྒན་མོ་དེ་ངུས་ནས་ཤིའོ་ཤིའོ་ཞེས་ཟེར་ཞིང་ཁྱིམ་དུ་འཇུག་གོ། །དེ་ནས་ཀླུ་རྣམས་འདུས་ཏེ་དངངས་སྐྲག་སྟེ། ཁྱེའུའི་གཟུགས་སུ་བསྒྱུར་ནས་རིག་པ་འཛིན་པའི་མདུན་
D759.096.0044b02.01དུ་འདུག་སྟེ། ཀྱེ་རིག་པ་འཛིན་པ་ཅི་ཞིག་ཚོལ། རིག་པ་འཛིན་པས་སྔར་སྔགས་བརྗོད་ལ། ཁྲོས་པས་བལ་པོ་སེའུ་ཤིང་གི་ལྕུག་མ་ས་ལ་བརྡབས་པ་དང་། ཁྱེའུའི་གཟུགས་ཅན་དེ་ས་ལ་འགྲེ་ལྡོག་ཅིང་། ཀྱེ་རིག་པ་འཛིན་པ་ཅི་ཞིག་ཚོལ་ཞེས་སྨྲའོ། །རིག་པ་འཛིན་པས་སྙིང་
D759.096.0044b03.01རྗེ་མེད་པར་བྱ་སྟེ། བསྒྱེལ་བའི་ཚུལ་གྱིས་བསྒྱེལ་བ་དང་། འདི་སྐད་ཅེས་ཀྱེ་རིག་པ་འཛིན་པ་བསྒོ་བ་ཐམས་ཅད་བགྱིད་དོ་ཞེས་སྨྲའོ། །དེ་ནས་རིག་པ་འཛིན་པས་འདི་སྐད་ཅེས་བརྗོད་དོ། །དེ་བཞིན་གཤེགས་པའི་དམ་ཚིག་སྲུངས་ཤིག །སྲུང་ངོ་། །རིག་པ་འཛིན་པས་ཡང་འདི་
D759.096.0044b04.01སྐད་ཅེས་བརྗོད་དོ། །དགེ་བ་བཅུ་ཟུང་ཤིག །འཛིན་ཏོ། །རིག་པ་འཛིན་པས་ཡང་གསུམ་ལ་སྐྱབས་སུ་གསོལ། གཏད་དོ་རྗེས་སུ་འཛིན་ཏོ། །རིག་པ་འཛིན་པ་ཕུར་བུ་དབྱུང་དུ་གསོལ། མི་དབྱུང་ངོ་། །འདི་སྐད་ཅེས་བརྗོད་དེ། དེ་བཞིན་གཤེགས་པའི་དམ་ཚིག་བཟླས་
D759.096.0044b05.01པ་རྗེས་སུ་ཟུང་ཤིག །གདོད་ཕུར་བུ་དབྱུང་ངོ་ཞེས་བྱའོ། །འོན་ཏང་ཀླུ་དེ་འཁོར་དང་བཅས་ཏེ་རྐང་པ་གཉིས་ལ་གཏུགས་སོ། །གསུམ་ལ་སྐྱབས་སུ་འགྲོ་བར་བྱ་བ་དང་། དགེ་བ་བཅུའི་ལས་ཀྱི་ལམ་རྗེས་སུ་སྦྱིན་པར་བྱའོ། །དམ་ཚིག་རྗེས་སུ་འཛིན་དུ་གཞུག་གོ། །དེ་ནས་གདོད་
D759.096.0044b06.01ཕུར་བུ་ཕྱུང་ལ་དེ་ཉིད་དུ་ཁ་ཟས་ཀྱང་བྱིན་པ་དང་། ཀླུ་ཐམས་ཅད་དབང་དུ་འགྱུར་རོ། །རང་གི་ཁྱིམ་དུ་འཇུག་པ་བཞིན་དུ་ཞུགས་ཤིང་ལས་སུ་བྱ་བ་རྣམས་ཅི་འདོད་པ་བཞིན་དུ་བྱ་བ་ཐམས་ཅད་བསྒོ་བ་བཞིན་བྱེད་པར་འགྱུར་རོ། །གང་དུ་བཏང་བ་དེར་འགྲོའོ། བྱ་བ་ཐམས་ཅད་
D759.096.0044b07.01