完整藏文原文 · 德格版页 当前仅加载第 96 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་སྡིག་པའི་ལས་ཀུན་དུ་སྤྱོད་པའི་ཚུལ་མི་སྤྱོད་པར་བགྱིའོ། །ཆར་གནོད་པ་འབབ་པ་དང་། དུས་མ་ལགས་པའི་ཆར་ཐམས་ཅད་མ་མཆིས་པར་བགྱིའོ། །བཅོམ་ལྡན་འདས་རང་གི་མནའི་ཡི་དམ་གྱིས་གནས་པར་བགྱིའོ། །བཅོམ་ལྡན་འདས་དཀོན་མཆོག་གསུམ་གྱི་
D759.096.0046b01.01དགོངས་པ་བསླབ་པའི་སྡོམ་པ་ཡོངས་སུ་བསྐྱང་བར་བགྱིའོ། །བཅོམ་ལྡན་འདས་སླན་ཆད་འཛམ་བུའི་གླིང་གི་སེམས་ཅན་རྣམས་ལ་འཚེ་བར་མི་བགྱིད། བུ་གཅིག་པ་བཞིན་དུ་ཡོངས་སུ་བསྐྱང་བར་བགྱིའོ། །བཅོམ་ལྡན་འདས་དེ་བཞིན་གཤེགས་པའི་བཀའ་ལུང་
D759.096.0046b02.01བཞིན་དུ་སླད་མའི་ཚེ་སླད་མའི་དུས་ན་སེམས་ཅན་ཐམས་ཅད་ཡོངས་སུ་བསྐྱང་བར་བགྱིའོ། །ཀུན་དུ་འཛིན་པར་བགྱིའོ། །དགེ་བ་དང་། བདེ་བ་དང་། ལོ་ལེགས་པ་ཀུན་དུ་བསྒྲུབ་པར་བགྱིའོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་ལ་དབུགས་ཕྱུང་ནས་འདི་སྐད་ཅེས་
D759.096.0046b03.01བཀའ་སྩལ་ཏོ། །ཀླུའི་རྒྱལ་པོ་དག་དེ་ལྟར་གྱིས་ཤིག །ཡལ་བར་མ་བཏང་ཤིག །དེ་ནས་དེའི་འོག་ཏུ་ཆོ་ག་བྱ་བ་བརྗོད་པར་བྱ་སྟེ། སྔགས་འདི་དཔའ་བ་གཅིག་པུ་ནི། །ལས་ཀུན་བྱེད་པ་དགེ་བ་སྟེ། །ཤེས་རབ་ཅན་གྱིས་ལན་ཅིག་དྲན། །དགོས་པ་ཐམས་ཅད་
D759.096.0046b04.01བྱེད་པར་འགྱུར། །མཐོན་པོའི་གནས་སུ་མཁས་པ་ཡིས། །སྒྲ་སྐད་ཆེན་པོ་བརྗོད་པར་བྱ། །གནས་གང་དང་གང་དུ་སྒྲ་བསྒྲགས་པ་དེ་དང་དེར་དུས་མ་ཡིན་པའི་རླུང་དང་། སད་དང་། སྤྲིན་དང་། སེར་བ་དང་། གློག་ཐམས་ཅད་ཀྱིས་མི་ཚུགས་སོ། །སུས་ཀྱང་བྱིན་
D759.096.0046b05.01འཕྲོག་པར་མི་ནུས་སོ། །གཙེ་བར་མི་ནུས་སོ། །གནས་མཐོན་པོའི་རི་འམ། དགོན་པའི་གནས་སམ། གྲོང་ངམ། གཙུག་ལག་ཁང་ངམ། གནས་ཁང་ཤིན་ཏུ་མཐོ་བ་དེར་རིག་པ་འཛིན་པ་གཙང་མར་བྱས་ཏེ། གོས་གཙང་མ་དཀར་པོ་བགོས་ལ་ཁ་ཤར་ཕྱོགས་སུ་
D759.096.0046b06.01བལྟས་ཏེ། བའི་ལྕི་བ་དང་འཇིམ་པ་བསྲེས་པས་དཀྱིལ་འཁོར་ཁྲུ་གང་གྲུ་བཞི་པ་བྱས་ལ། དཀྱིལ་འཁོར་གྱི་དབུས་སུ་མདའ་གང་ཙམ་པ་ཅིག་བཙུགས་ཏེ། སྔགས་ལན་ཉི་ཤུ་རྩ་གཅིག་བཟླས་སོ། །དཀྱིལ་འཁོར་གྱི་གྲྭ་བཞིར་སེང་ལྡེང་གི་ཕུར་བུ་སོར་བརྒྱད་པ་
D759.096.0046b07.01