完整藏文原文 · 德格版页 当前仅加载第 96 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་བཞག་གོ། །མེ་ཏོག་སིལ་མས་གཏོར་བར་བྱའོ། །བུམ་པ་བཀང་བ་བཞི་བཞག་གོ། །བུམ་པ་གཏོར་མས་བཀང་བ་བཞི་བཞག་གོ། །པོག་ཕོར་བཞི་ནས་ག་གུལ་གྱི་བདུག་པས་བདུག་གོ། །མེ་མར་ཁ་བརྒྱད་དུ་བུད་དོ། །རིག་པ་འཛིན་པས་ཤར་གྱི་སྒོ་
D759.096.0036a01.01རུ་སྦྱིན་སྲེག་བྱ་སྟེ། ཤིང་ཀར་བཱི་ར་དང་། །ཡུངས་ཀར་དང་ཅེ་ཅང་མར་པོ་བསྲེས་ཏེ་ལན་བརྒྱ་རྩ་བརྒྱད་དོར་ཏོ། །དོར་བ་བརྒྱ་རྩ་བརྒྱད་ཚང་བ་དང་ཀླུ་ཐམས་ཅད་ཆར་གྱི་རྒྱུན་འབེབས་ཏེ་འཛམ་བུའི་གླིང་ཐམས་ཅད་དུ་ཕྱོགས་བཞི་ཀུན་ནས་ཆར་གྱི་རྒྱུན་འབེབས་སོ། །ཀླུ་དེ་དག་
D759.096.0036a02.01ཐམས་ཅད་འདིར་ཆར་འབེབས་སོ། །འདི་ནི་ཆོ་ག་དང་པོའོ།། །།ཡུངས་ཀར་གྱི་མར་དང་། སྦྲང་རྩི་དང་ཤིང་ཀ་ར་བཱི་རའི་མེ་ཏོག་དང་། །ནཱ་ག་གེ་སར་དང་བཏགས་པའི་རིལ་བུ་བྱས་ལ། དེ་ནས་རིལ་བུ་ལ་སྔགས་ལན་བརྒྱ་རྩ་བརྒྱད་བཟླས་པ་བྱས་ཏེ། ཀླུའི་མཚོར་
D759.096.0036a03.01བོར་མ་ཐག་ཏུ་ཀླུ་ཐམས་ཅད་དགའ་བར་གྱུར་ཏེ། ཆར་གྱི་རྒྱུན་ཆེན་པོ་འབེབས་སོ། །གལ་ཏེ་དེ་མ་ཐག་མ་ཕབ་ན་ཀླུ་དེ་དག་ཐམས་ཅད་ལུས་ཞིག་པར་འགྱུར་རོ། །ཀླད་པ་ན་བར་འགྱུར་སྡུག་བསྔལ་ཆེན་པོ་འབྱུང་བར་འགྱུར་རོ། །འདི་ནི་ཆོ་ག་ག་གཉིས་པའོ།། །།
D759.096.0036a04.01སྦྱིན་སྲེག་བྱས་པའི་ཐལ་བ་དང་། རྩབ་མོ་དཀྲུགས་ལ་སྔགས་ལན་དྲུག་ཅུ་བཟླས་པ་བྱ་སྟེ་ཁྱིམ་གྱི་ནང་དུ་ཕོ་ན་ཕོ་མ་ཐག་ཏུ་ཀླུ་ཐམས་ཅད་འཁྲུགས་པར་གྱུར་ཏེ། དེའི་ཕྱིར་ཆར་གྱི་རྒྱུན་འབེབས་སོ། །གལ་ཏེ་དེ་མ་ཐག་ཏུ་མ་ཕབ་ན་ཀླུ་ཐམས་ཅད་ཀྱི་ལུས་ལ་ཤ་བཀྲ་
D759.096.0036a05.01འབྱུང་ཞིང་མཛེས་བཏབ་པར་འགྱུར་ལོང་བར་འགྱུར་རོ། །འདི་ནི་ཆོ་ག་གསུམ་པའོ།། །།ཤུག་པ་དང་ཨུཏྤ་ལ་སྔོན་པོ་དང་། བ་བླ་དང་། ཟངས་ཕྱེ་དང་ཡུངས་ཀར་དང་། ཨིནྡྲ་ཧ་སྟ་དང་། པ་ལ་ཤ་བསྲེས་ཏེ་བུ་རམ་ཁུ་བས་སྦྲུས་པ་ཤེས་རབ་ཅན་གྱི་སྔགས་
D759.096.0036a06.01ལན་བརྒྱད་ཅུ་བཟླས་ཏེ། རིལ་བུ་རྒྱ་ཤུག་གི་འབྲུ་ཙམ་དུ་བྱས་ལ་ཆར་མི་འབབ་པའི་དུས་རིལ་བུ་བདུན་ཀླུའི་ཁྱིམ་དུ་བོར་ན་ཉིན་མཚན་བདུན་ཆར་འབེབས་སོ། །གལ་ཏེ་འཕྲལ་དུ་མ་ཕབ་ན་དེའི་ཕྱིར་ཀླུའི་ཁྱིམ་ཆུ་ཐམས་ཅད་བསྐམས་པར་འགྱུར་རོ། །ཀླུའི་ཁྱིམ་ན་
D759.096.0036a07.01