完整藏文原文 · 德格版页 当前仅加载第 100 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སོ། །གནོད་སྦྱིན་དང་། སྲིན་པོ་དང་། བི་ནཱ་ཡ་ཀ་དང་། བདུད་སྡིག་ཅན་དང་། འདྲེ་གདོན་དག་གིས་ཀྱང་གནོད་པ་བགྱིད་པར་མི་འགྱུར་ལགས་སོ། །མཚོན་ཆ་དང་། དམག་ཚོགས་དང་། ཆབ་དང་། ཞུགས་དང་།
D898.100.0207a01.01རླུང་དང་། ཆར་པ་དང་། སེར་བ་མ་རུངས་པ་དག་གིས་ཀྱང་འཇིགས་པར་མི་འགྱུར་རོ། །དགྲ་དང་། ཆོམ་རྐུན་དང་། རྒྱལ་པོ་མ་རུངས་པ་དང་། རྐུན་པོ་མ་རུངས་པ་དག་གིས་ཀྱང་གནོད་པར་བགྱིད་པར་མི་འགྱུར་རོ། །གློ་བུར་དུ་འཆི་བའི་དུས་བྱེད་
D898.100.0207a02.01པར་མི་འགྱུར། རྨི་ལམ་ངན་པ་རྨི་བར་མི་འགྱུར། རྩངས་པ་དང་། སྦྲུལ་དང་། སྡིག་པ་དང་། སྲིན་བུ་གྱི་མེད་དང་། རྐང་མང་དང་། གཅན་གཟན་གདུག་པ་མ་རུངས་པ་དང་། སེང་གེ་དང་། སྟག་དང་། སྤྱང་ཀི་དག་གིས་ཀྱང་གནོད་པ་
D898.100.0207a03.01བགྱིད་པར་མི་འགྱུར་ལགས་སོ། །གཡུལ་ངོར་འཐབ་པའི་ཚེ་ཐམས་ཅད་དུ་རྒྱལ་བར་འགྱུར་ལགས་སོ། །གལ་ཏེ་བླའི་བགྱི་བ་དག་གིས་རྩོད་པར་གྱུར་ན་ཡང་འདུམ་པར་འགྱུར་ཏེ། གཟུངས་འདི་ལན་ཅིག་བཟླས་ན་གོང་དུ་བསྟན་པ་དེ་དག་ཐམས་ཅད་ཡིད་
D898.100.0207a04.01བཞིན་དུ་འགྲུབ་པར་འགྱུར་ལགས་སོ། །གང་ལ་ལ་ཞིག་གིས་གདུགས་རེ་གཟུངས་འདི་ལན་བརྒྱ་རྩ་བརྒྱད་བཟླས་བརྗོད་བགྱིས་ན། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་དུ། རིགས་ཀྱི་བུ་ཁྱོད་མ་འཇིགས་ཤིག །
D898.100.0207a05.01ཅི་ཞིག་སྨོན་ཅིང་ཅི་ཞིག་ཡོངས་སུ་གཉེར་བར་བྱེད། ཐམས་ཅད་ཁྱོད་ལ་སྦྱིན་ནོ་ཞེས་བགོ་བར་འགྱུར། དེ་བཞིན་གཤེགས་པ་ཚེ་དཔག་མེད་ཀྱང་སྐུ་མངོན་དུ་སྟོན་པར་འགྱུར། མདོ་ལས་གསུངས་པ་བཞིན་དུ་འཇིག་རྟེན་གྱི་ཁམས་བདེ་བ་ཅན་གྱི་བཀོད་པའི་དངོས་
D898.100.0207a06.01པོ་དག་ཀྱང་མཐོང་བར་འགྱུར། འཇིག་རྟེན་གྱི་ཁམས་བདེ་བ་ཅན་གྱི་བྱང་ཆུབ་སེམས་དཔའི་ཚོགས་རྣམས་ཀྱང་མཐོང་བར་འགྱུར། ཕྱོགས་བཅུའི་སངས་རྒྱས་ཐམས་ཅད་ཀྱང་མཐོང་བར་འགྱུར། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་
D898.100.0207a07.01