完整藏文原文 · 德格版页 当前仅加载第 100 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་རི་པོ་ཊ་ལ་ཡང་མཐོང་བར་འགྱུར། བདག་ཉིད་ཀྱི་ལུས་ཀྱང་ཡོངས་སུ་དག་པར་འགྱུར་བས་རྟག་པར་རྒྱལ་པོ་དང་བློན་པོ་རྣམས་ཀྱིས་བཀུར་ཞིང་རིམ་གྲོ་བགྱིད་པར་འགྱུར། སྐྱེ་བོ་མང་པོས་བྱམས་ཤིང་བཀུར་བར་འགྱུར། སྐྱེ་བ་ཐམས་ཅད་དུ་མའི་མངལ་
D898.100.0207b01.01དུ་མི་སྐྱེ་ཞིང་པདྨའི་སྟེང་དུ་སྐྱེ་བར་འགྱུར། བཀོད་པ་མཆོག་དང་ལྡན་པར་འགྱུར། སྐྱེ་བ་ཐམས་ཅད་དུ་སྔོན་གྱི་གནས་རྗེས་སུ་དྲན་པར་འགྱུར། འདི་ནས་མངོན་པར་རྫོགས་པར་འཚང་རྒྱ་བའི་བར་དུ་ནམ་ཡང་ངན་འགྲོ་རྣམས་སུ་མི་ལྟུང་ཞིང་རྟག་པར་སངས་རྒྱས་ཀྱི་
D898.100.0207b02.01སྤྱན་སྔར་སྐྱེ་བར་འགྱུར་ལགས་ཏེ། འདི་ནི་སྡིག་པའི་ལས་ཐམས་ཅད་རྣམ་པར་འཇོམས་པའི་གཟུངས་ཞེས་བགྱི་བ་ལགས་སོ། །སྡིག་པ་ཐམས་ཅད་རྣམ་པར་འཇོམས་པའི་གཟུངས་ཀྱི་ལེའུ་སྟེ་དང་པོའོ།། །།དེ་ནས་བྱང་ཆུབ་སེམས་དཔའ་སྤྱན་རས་
D898.100.0207b03.01གཟིགས་དང་དབང་ཕྱུག་སེམས་ཅན་ལ་སྙིང་བརྩེ་བའི་ཕྱིར་ཡང་ཡིད་བཞིན་གྱི་འཁོར་ལོའི་སྙིང་པོའི་གཟུངས་གསང་བའི་ཆོ་ག་བསྟན་པ་སུ་ཡང་རུང་བ་གཅེས་པའི་དོན་གྲུབ་པ་ཞིག་མཆིས་ན། ཐམས་ཅད་རང་ཞི་བར་འགྱུར་ལགས་སོ། །དེ་ཡང་རྣམ་པ་གཉིས་ཏེ། འདི་ལྟ་
D898.100.0207b04.01སྟེ། འཇིག་རྟེན་གྱི་ནོར་དང་འཇིག་རྟེན་ལས་འདས་པའི་ནོར་གང་ལགས་པའོ། །དེ་ལ་འཇིག་རྟེན་པའི་ནོར་ནི་གསེར་དང་དངུལ་ལ་སོགས་པའི་རིན་པོ་ཆེ་རྣམས་སོ། །འཇིག་རྟེན་ལས་འདས་པའི་ནོར་ནི་བསོད་ནམས་དང་། ཡེ་ཤེས་ཀྱི་བཀོད་པ་རྣམ་པ་གཉིས་
D898.100.0207b05.01དང་ལྡན་ཞིང་ལུས་དང་སེམས་རབ་ཏུ་བདེ་བ་དང་། སྐྱེ་བོ་མང་པོས་བྱམས་ཤིང་བཀུར་བ་དང་། སྡུག་བསྔལ་བའི་སེམས་ཅན་ཐམས་ཅད་ཡོངས་སུ་སྐྱོབ་པ་དང་། བྱམས་པའི་སེམས་རྒྱས་ནས་བློ་དང་ལྡན་པ་རྣམས་བདེ་བ་སྩོལ་བ་དང་། འཚོ་བའི་ཡོ་བྱད་འཕེལ་
D898.100.0207b06.01ཞིང་མཐུ་སྟོབས་རྟག་པ་གང་ལགས་པའོ། །གསང་བའི་མཛོད་ཀྱི་སྤྱོད་ཡུལ་འདི་ནི་གཞན་དག་ལ་བརྗོད་པར་མི་བགྱིའོ། །གང་ལ་ལ་ཞིག་བདག་གི་ཡིད་བཞིན་གྱི་འཁོར་ལོའི་གཟུངས་ཀྱི་དངོས་གྲུབ་མཆོག་ཐོབ་པར་འཚལ་ན། སེམས་རྩེ་གཅིག་ཏུ་དུས་ཐམས་ཅད་
D898.100.0207b07.01