完整藏文原文 · 德格版页 当前仅加载第 100 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གློ་བུར་དུ་ལངས་པར་གྱུར་ན་ཡང་ཐལ་བ་དེ་བླངས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། སྤྲིན་མཆིས་པའི་ཕྱོགས་སུ་གཏོར་ན་ཞི་བར་འགྱུར་ལགས་སོ། །སྔགས་འདི་རྟག་པར་བཟླས་བརྗོད་བགྱིས་ན་མཐུ་སྟོབས་མཐུ་བོ་ཆེ་དང་འདྲ་བར་འགྱུར་བས། ལུས་
D898.100.0212b01.01འདི་སྤངས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར། མངོན་པར་རྫོགས་པར་འཚང་རྒྱ་བའི་བར་དུ་སྐྱེ་བ་ཐམས་ཅད་སྔོན་གྱི་གནས་རྗེས་སུ་དྲན་པ་ཐོབ་པར་འགྱུར་ལགས་སོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་
D898.100.0212b02.01ཕྱུག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཙནྡན་གྱི་སྙིང་པོའི་འཁོར་ལོའི་གཟུངས་འདི་བདག་གིས་བསྟན་པ་བཞིན་དུ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སྐྱེས་པའམ། བུད་མེད་གང་ལ་ལ་ཞིག་
D898.100.0212b03.01གིས་ལན་ཅིག་འཆང་བར་བགྱིད་ན་གདོན་མི་ཟ་བར་འགྲུབ་པར་འགྱུར་བས་ཐེ་ཚོམ་གྱི་བསམ་པ་བསྐྱེད་པར་མི་བགྱིའོ། །ཡིད་ལ་བསམས་པའི་དོན་ཐམས་ཅད་ཐོབ་པར་འགྱུར་བས་ཤིན་ཏུ་མངོན་པར་ཡིད་ཆེས་པར་བགྱི་ཞིང་ཐེ་ཚོམ་བསྐྱེད་པར་མི་བགྱིའོ། །དེ་ནས་བཅོམ་
D898.100.0212b04.01ལྡན་འདས་ཀྱིས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་ཁྱོད་སྙིང་རྗེ་ཆེན་པོས་ཡིད་བཞིན་གྱི་འཁོར་ལོའི་གཟུངས་ཀྱི་ཆོ་ག་གྱ་ནོམ་པ་འདི་ཡང་དག་པར་བཤད་དེ། འཛམ་བུའི་གླིང་གི་སེམས་ཅན་ཐམས་ཅད་ལ་ཕན་པ་དང་། བདེ་བར་བྱས་པ་
D898.100.0212b05.01ལེགས་སོ་ལེགས་སོ་ཞེས་བསྔགས་པ་བརྗོད་དོ། །གང་ལ་ལ་ཞིག་གིས་སེམས་བསྐྱེད་དེ་ཁ་ནས་བཟླས་བརྗོད་བྱས་ན་དངོས་གྲུབ་ཐོབ་པར་འགྱུར་རོ། །དེ་ལྟར་ཡིན་མོད་ཀྱི་ངས་བསྟན་པ་བཞིན་དུ་སེམས་ཅན་རྣམས་ལ་ཡང་ནས་ཡང་དུ་ནན་ཏན་བརྩོན་འགྲུས་ཀྱིས་རྗེས་
D898.100.0212b06.01སུ་བསྟན་ནས་དངོས་གྲུབ་ཐོབ་པར་བྱ་བའི་ཆེད་དུ་ལུས་ཉེ་བར་སྟོན་ལ། ངའི་ཚིག་དང་འགལ་བར་མ་བྱེད་ཅིག་དང་ང་ཡང་རྗེས་སུ་ཡི་རང་ངོ་། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་འདི་སྐད་ཅེས་གསོལ་ཏོ། །བཅོམ་
D898.100.0212b07.01