完整藏文原文 · 德格版页 当前仅加载第 100 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གནས་ཐམས་ཅད་དུ་གཙང་ཡང་རུང་མི་གཙང་ཡང་རུང་སྟེ། རྟག་པར་བཟླས་བརྗོད་བགྱིས་ན་ནོངས་པ་ཅི་ཡང་མ་མཆིས་པས་བཟླས་བརྗོད་བགྱི་བའི་གྲངས་ཚང་བར་བགྱིས་ནས། གཞན་ཡང་བྱང་ཆུབ་སེམས་དཔའ་སྤྱན་རས་གཟིགས་དབང་
D898.100.0208a01.01ཕྱུག་གི་མིང་དང་། ཡིད་བཞིན་གྱི་འཁོར་ལོའི་གཟུངས་ཀྱི་མིང་དང་། གང་ཟག་དེའི་མིང་ནས་བརྗོད་དེ། གལ་ཏེ་རྒྱལ་པོ་འམ། རྒྱལ་བུའམ། བཙུན་མོའམ། སླས་སམ། རྒྱལ་པོའི་བུ་མོའམ། བྲམ་ཟེའམ། རྒྱལ་རིགས་སམ། དམངས་རིགས་སམ། གདོལ་
D898.100.0208a02.01པའམ། སྐྱེས་པའམ། བུད་མེད་དམ། ཁྱེའུ་འམ། བུ་མོ་གཞོན་ནུ་མའམ། མུ་སྟེགས་སྣ་ཚོགས་དག་ལ་བསྟེན་ཅིང་མཛའ་བར་འཚལ་ན་དེ་དག་གི་མིང་ནས་བརྗོད་དེ་རྟག་པར་ཐོ་རངས་ཀྱི་ཚེ་བཟླས་པའི་གྲངས་ཚང་བར་བགྱིའོ། །གལ་ཏེ་དངོས་གྲུབ་མཆོག་གཉེར་
D898.100.0208a03.01ཞིང་རྒྱལ་པོ་ལ་བསྟེན་པར་འཚལ་ན་དགུང་ཞག་བདུན་གྱི་བར་དུ་རྟག་པར་ཐོ་རངས་ཀྱི་ཚེ་ལན་སྟོང་རྩ་བརྒྱད་བཟླས་ན་མཇལ་བར་འགྱུར་ལགས་སོ། །གལ་ཏེ་བཙུན་མོ་ལ་བསྟེན་པར་འཚལ་ན་ལན་དགུ་བརྒྱ་བཟླས་པར་བགྱིའོ། །རྒྱལ་བུ་ལ་བསྟེན་པར་འཚལ་ན་ལན་
D898.100.0208a04.01བརྒྱད་བརྒྱ་བཟླས་པར་བགྱིའོ། །སླས་དག་མཐོང་བར་འཚལ་ན་ལན་བདུན་བརྒྱ་བཟླ་བར་བགྱིའོ། །རྒྱལ་པོའི་བུ་མོ་ལ་བསྟེན་པར་འཚལ་ན་ལན་དྲུག་བརྒྱ་བཟླ་བར་བགྱིའོ། །བྲམ་ཟེ་ལ་བསྟེན་པར་འཚལ་ན་ལན་ལྔ་བརྒྱ་བཟླ་བར་བགྱིའོ། །རྒྱལ་རིགས་
D898.100.0208a05.01ལ་བསྟེན་པར་འཚལ་ན་ལན་བཞི་བརྒྱ་བཟླ་བར་བགྱིའོ། །དམངས་རིགས་ལ་ནི་སུམ་བརྒྱའོ། །གདོལ་པ་ལ་ནི་ཉིས་བརྒྱའོ། །དགེ་སློང་དང་། དགེ་སློང་མ་ལ་ནི་ལན་བརྒྱའོ། །དགེ་བསྙེན་དང་། དགེ་བསྙེན་མ་ལ་ནི་ལན་དགུ་བཅུའོ། །ཁྱེའུ་གཞོན་ནུ་
D898.100.0208a06.01དང་བུ་མོ་གཞོན་ནུ་མ་ལ་ནི་ལན་དྲུག་ཅུའོ། །འདི་ནི་བསྟེན་ཅིང་མཛའ་བར་བགྱི་བའི་ཆོ་ག་ཞེས་བགྱི་སྟེ། ནོར་དང་། བྲན་དང་། རྟ་དང་། བདེ་བའི་ཡོ་བྱད་ཐམས་ཅད་འབྱོར་པར་བགྱིད་ལགས་སོ། །གང་ལ་ལ་ཞིག་སྙིང་དུ་སྡུག་ཅིང་མཛའ་བདག་རིང་པོ་ན་མཆི་
D898.100.0208a07.01