完整藏文原文 · 德格版页 当前仅加载第 100 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེ་དག་ཐམས་ཅད་ཀྱང་ཐར་བར་འགྱུར་རོ། །ཞག་བདུན་ཕྲག་{བཅྭ་,བཅོ་}བརྒྱད་ཀྱི་བར་དུ་སྩལ་ན་གང་ཟག་དེ་ཉི་མ་ལྟ་བུའི་མཐུ་ཐོབ་པར་འགྱུར་རོ། །ཞག་བདུན་ཕྲག་བཅུ་དགུའི་བར་དུ་སྩལ་ན་ལག་ན་རྡོ་རྗེའི་ལུས་ཡང་དག་པ་ཉིད་མཐོང་བར་འགྱུར་བས་སྨོན་པ་རྣམས་
D898.100.0211b01.01ཡོངས་སུ་རྫོགས་པར་བགྱིད་དོ། །ཞག་བདུན་ཕྲག་ཉི་ཤུའི་བར་དུ་སྩལ་ན་སྤྱན་རས་གཟིགས་དབང་ཕྱུག་སྙིང་རྗེ་ཆེན་པོ་དང་ལྡན་པ་མཐོང་བར་འགྱུར་བས་སྨོན་པ་ཐམས་ཅད་ཡོངས་སུ་རྫོགས་པར་བགྱིད་དོ། །ཞག་བདུན་ཕྲག་ཉི་ཤུ་རྩ་གཅིག་གི་བར་དུ་སྩལ་ན་རྫུ་འཕྲུལ་
D898.100.0211b02.01གྱི་རྐང་པ་ཐོབ་པར་འགྱུར། །གཟུགས་ཀྱི་ཁམས་ཀྱི་ལྷ་རྣམས་ཀྱི་གཞལ་མེད་ཁང་གི་སྒོ་རྣམས་རང་བྱེ་ནས་ཐམས་ཅད་མཐོང་བར་འགྱུར་རོ། །ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་རྣམས་དང་། སངས་རྒྱས་ཀྱི་ཞིང་ཡོངས་སུ་དག་པ་རྣམས་ཀྱང་
D898.100.0211b03.01མཐོང་བར་འགྱུར་རོ། །ལོ་གཅིག་གི་བར་དུ་སྩལ་ན་ཡོངས་སུ་དག་པའི་མིག་ལྔ་འཐོབ་པར་འགྱུར་ལགས་སོ། །གང་ལ་ལ་ཞིག་སྤྱོད་པའི་ཆོ་ག་འདི་མངོན་པར་འགྲུབ་པར་འཚལ་པ་གང་ལགས་པ་དེས་བསྟན་པ་འདི་ལ་ཤིན་ཏུ་མངོན་པར་ཡིད་ཆེ་པར་བགྱི་ཞིང་།
D898.100.0211b04.01སེམས་ཅན་ལ་སྙིང་བརྩེ་བར་བགྱི་སྟེ། ཐེ་ཚོམ་མ་མཆིས་ན་གོང་དུ་བསྟན་པ་བཞིན་དུ་ཐམས་ཅད་འགྲུབ་པར་འགྱུར་ལགས་སོ། །གལ་ཏེ་ཐེ་ཚོམ་འཚལ་བར་འགྱུར་ན་ཆོ་ག་རྣམས་གྲུབ་པར་དཀའ་སྟེ། འདི་ནི་སྤྱན་རས་གཟིགས་དབང་ཕྱུག་གི་ཙནྡན་ནོར་བུའི་
D898.100.0211b05.01འཁོར་ལོ་ལས་མིག་སྨན་གྱི་ཆོ་ག་ཞེས་བགྱི་བ་ལགས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་སེམས་ཀྱི་འཁོར་ལོ་ལས་མིག་གི་སྨན་གྱི་ལེའུ་སྟེ་ལྔ་པའོ།། །།དེའི་ཚེ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་
D898.100.0211b06.01གཞན་ཡང་སེམས་ཅན་རྣམས་ལ་སྙིང་བརྩེ་བའི་ཕྱིར་སྒྲུབ་པའི་དོན་ཐམས་ཅད་གྲུབ་པར་བྱེད་པ། ཉོན་མོངས་པ་དང་ཁ་ན་མ་ཐོ་བའི་སྒྲིབ་པ་དང་། ལས་ངན་པ་ཐམས་ཅད་རྣམ་པར་འཇོམས་པ། དགྲ་ཐམས་ཅད་འདུལ་བ། བི་ནཱ་ཡ་ཀ་ཁྲོ་བའི་སེམས་ཉེ་བར་
D898.100.0211b07.01