完整藏文原文 · 德格版页 当前仅加载第 15 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཅིའི་ཕྱིར་ཞེ་ན། ཚེ་དང་ལྡན་པ་ཤ་ར་དྭ་ཏིའི་བུ། གཟུགས་ཀྱི་སྟོང་པ་ཉིད་གང་ཡིན་པ་དེ་ཡང་གཟུགས་མ་ཡིན། སྟོང་པ་ཉིད་ལས་གུད་ན་ཡང་གཟུགས་མེད། གཟུགས་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་
D8.015.0166a01.01ཀྱང་གཟུགས། གཟུགས་ཉིད་ཀྱང་སྟོང་པ་ཉིད་དོ། །ཚོར་བའི་སྟོང་པ་ཉིད་གང་ཡིན་པ་དེ་ཡང་ཚོར་བ་མ་ཡིན། སྟོང་པ་ཉིད་ལས་གུད་ན་ཡང་ཚོར་བ་མེད། ཚོར་བ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་ཚོར་བ། ཚོར་བ་ཉིད་
D8.015.0166a02.01ཀྱང་སྟོང་པ་ཉིད་དོ། །འདུ་ཤེས་ཀྱི་སྟོང་པ་ཉིད་གང་ཡིན་པ་དེ་ཡང་འདུ་ཤེས་མ་ཡིན། སྟོང་པ་ཉིད་ལས་གུད་ན་ཡང་འདུ་ཤེས་མེད། འདུ་ཤེས་ལས་གུང་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་འདུ་ཤེས། འདུ་ཤེས་ཉིད་ཀྱང་སྟོང་པ་
D8.015.0166a03.01ཉིད་དོ། །འདུ་བྱེད་ཀྱི་སྟོང་པ་ཉིད་གང་ཡིན་པ་དེ་ཡང་འདུ་བྱེད་མ་ཡིན། སྟོང་པ་ཉིད་ལས་གུད་ན་ཡང་འདུ་བྱེད་མེད། འདུ་བྱེད་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་འདུ་བྱེད། འདུ་བྱེད་ཉིད་ཀྱང་སྟོང་པ་ཉིད་དོ། །རྣམ་
D8.015.0166a04.01པར་ཤེས་པའི་སྟོང་པ་ཉིད་གང་ཡིན་པ་དེ་ཡང་རྣམ་པར་ཤེས་པ་མ་ཡིན། སྟོང་པ་ཉིད་ལས་གུད་ན་ཡང་རྣམ་པར་ཤེས་པ་མེད། རྣམ་པར་ཤེས་པ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་རྣམ་པར་ཤེས་པ། རྣམ་པར་ཤེས་པ་ཉིད་ཀྱང་སྟོང་པ་ཉིད་
D8.015.0166a05.01དོ། །མིག་གི་སྟོང་པ་ཉིད་གང་ཡིན་པ་དེ་ཡང་མིག་མ་ཡིན། སྟོང་པ་ཉིད་ལས་གུད་ན་ཡང་མིག་མེད། མིག་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་མིག། མིག་ཉིད་ཀྱང་སྟོང་པ་ཉིད་དོ། །རྣ་བའི་སྟོང་པ་ཉིད་གང་ཡིན་པ་དེ་ཡང་རྣ་བ་མ་ཡིན།
D8.015.0166a06.01སྟོང་པ་ཉིད་ལས་གུད་ན་ཡང་རྣ་བ་མེད། རྣ་བ་ལས་གུད་ན་ཡང་སྟོང་པ་ཉིད་མེད་དེ། སྟོང་པ་ཉིད་ཀྱང་རྣ་བ། རྣ་བ་ཉིད་ཀྱང་སྟོང་པ་ཉིད་དོ། །སྣའི་སྟོང་པ་ཉིད་གང་ཡིན་པ་དེ་ཡང་སྣ་མ་ཡིན། སྟོང་པ་ཉིད་ལས་གུད་ན་ཡང་སྣ་མེད། སྣ་ལས་གུད་ན་ཡང་སྟོང་
D8.015.0166a07.01