完整藏文原文 · 德格版页 当前仅加载第 43 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུལ་འབྲས་བུ་འཆི་མེད་འཐོབ། །བྱིན་ནས་སེམས་ཅན་ངན་འགྲོར་འགྲོ་མི་འགྱུར། །ཚུལ་ཁྲིམས་དང་ནི་དུལ་བར་ལྡན་པ་ཡིན། །འདོད་ལས་རྒལ་ཅིང་སྡིག་མེད་རེ་བ་མེད། །འདི་དག་སྨན་པ་མཆོག་སྟེ་འཇིག་རྟེན་རྒྱུ། །སྡུག་བསྔལ་གཟིར་བའི་སྲོག་ཆགས་ཐར་བར་བྱེད། །
D77.043.0243b01.01སངས་རྒྱས་འཇིག་རྟེན་དག་ན་ཆོས་ཀྱི་རྗེ། །དེ་སྲས་འདི་དག་རྡུལ་མེད་ཉོན་མོངས་མེད། །འདི་དག་བྱང་ཆུབ་སེམས་དཔའ་གཞན་ཡང་མང་། །ཤེས་རབ་ལྡན་མིས་འདི་དག་ཇི་ལྟར་སྤང་། །འདི་དག་བརྟུལ་ཞུགས་སྤྱད་ཅིང་འདོད་ཆགས་ཞི། །བཀྲ་ཤིས་གྱུར་ཅིང་
D77.043.0243b02.01མཁས་པ་སྦྱིན་ཆར་ཕབ། །འདི་དག་རྣམས་ལ་བཀུར་སྟི་ཆུང་བྱས་ཀྱང་། །མི་རྣམས་ཆོས་དང་དེ་བཞིན་ནོར་ཡང་འགྲུབ། །འདི་དག་མཚན་རྣམས་ཡོངས་རྫོགས་དགེ་ཤིས་ལྡན། །འདི་དག་ཞིང་མཆོག་རྣམ་དག་སེམས་དང་ལྡན། །བྲམ་ཟེ་འདི་ལ་སུ་ཞིག་དད་བྱེད་པ། །དེ་ནི་
D77.043.0243b03.01བསོད་ནམས་མང་པོ་སྐྱེད་པར་འགྱུར། །དེ་ནས་བྲམ་ཟེ་ཚངས་པའི་ལྷས་བུ་མོ་དྲི་མ་མེད་ཀྱིས་བྱིན་པ་ལ་ཚིགས་སུ་བཅད་དེ་སླར་སྨྲས་པ། བྱིས་པའི་སེམས་ཀྱིས་དབང་དུ་མ་བཞུད་ཅིག །མཆོད་སྦྱིན་དུས་འདིར་དགེ་སློང་མ་གཟིགས་ཤིག །ངུར་སྨྲིག་གོས་ཅན་དེ་བཞིན་མགོ་བྲེགས་
D77.043.0243b04.01པ། །དེ་དག་དོན་འདོད་པས་ནི་བལྟ་མི་བགྱི། །ཡབ་དང་ཡུམ་ཡང་དགྱེས་པར་མི་འགྱུར་ཞིང་། །བདག་ཀྱང་མཁས་པ་རྣམས་ཀྱིས་སྨད་པར་འགྱུར། །ཁྱོད་ཀྱང་མཆོད་སྦྱིན་འགྲུབ་པར་མི་འགྱུར་གྱིས། །དེ་བས་དགེ་སློང་རྣམས་ནི་ཤིན་ཏུ་སྤོངས། །དེ་ནས་བུ་མོ་དྲི་མ་མེད་ཀྱིས་
D77.043.0243b05.01བྱིན་པས་བྲམ་ཟེ་ཚངས་པའི་ལྷ་དེ་ལ་ཚིགས་སུ་བཅད་དེ་སླར་སྨྲས་པ། ཡོན་ཏན་ལྡན་པ་འདི་དག་མ་གཏོགས་པར། །ཕ་དང་མ་ཡང་ཁོ་མོའི་སྐྱབས་མ་ཡིན། །གཉེན་གྱི་ཚོགས་དང་ནོར་དང་ལང་ཚོ་མིན། །འདི་དག་འཁོར་བར་བྱིང་བ་རྣམས་ཀྱི་སྐྱབས། །བདག་ནི་སངས་རྒྱས་དགའ་
D77.043.0243b06.01བས་ལུས་བཏང་ཞིང་། །དེ་བཞིན་སྲོག་དང་ལོངས་སྤྱོད་རྣམས་ཀྱང་བཏང་། །དཀོན་མཆོག་གསུམ་ཉིད་སྐྱབས་ཡིན་མ་གཏོགས་པར། །ཁོ་མོའི་སྐྱབས་རྟེན་སེམས་ཅན་འདི་ན་མེད། །དེ་ནས་བྲམ་ཟེ་ཚངས་པའི་ལྷས་བུ་མོ་དྲི་མ་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ། །བུ་
D77.043.0243b07.01