完整藏文原文 · 德格版页 当前仅加载第 43 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆོས་བཞི་པོ་དེ་དག་དང་ལྡན་ན་སྤོབས་པ་འཐོབ་བོ། །དེ་ལ་འདི་སྐད་ཅེས་བྱ་སྟེ། བྱང་ཆུབ་སེམས་དཔའི་སྡེ་སྣོད་ནི། །ཉིན་མཚན་རབ་ཏུ་འདོན་པར་བྱེད། །འཇིག་རྟེན་ཀུན་དང་མི་འཐུན་པ། །སྐྱོ་བ་མེད་པར་རབ་ཏུ་སྒྲོགས། །མཆོག་ཏུ་དགའ་བ་
D77.043.0257a01.01རྙེད་གྱུར་ནས། །སངས་རྒྱས་བསྟན་པ་འཛིན་པར་བྱེད། །ལུས་དང་སྲོག་ལ་མི་ལྟ་བར། །དེ་ནི་བྱང་ཆུབ་ལྟ་བར་བྱེད། །བཞི་པོ་འདི་དག་བསྟེན་བྱས་ན། །དེ་ཡི་སྤོབས་པ་འཕེལ་བར་འགྱུར། །ལྷ་དང་བཅས་པའི་འཇིག་རྟེན་ཀུན། །སྣ་ཚོགས་ཕྲེང་འདྲས་ཚིམ་པར་བྱེད། །
D77.043.0257a02.01བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་སངས་རྒྱས་ཀྱི་ཞིང་ཡོངས་སུ་དག་པ་འཐོབ་སྟེ། བཞི་གང་ཞེ་ན། ཕྲག་དོག་མེད་པ་དང་། སེར་སྣ་མེད་པ་དང་། སེམས་ཅན་ཐམས་ཅད་ལ་སེམས་སྙོམས་པ་དང་། འཁོར་དང་འདྲེ་བ་མེད་པ་སྟེ། བུ་མོ་བྱང་ཆུབ་སེམས་དཔའ་
D77.043.0257a03.01ཆོས་བཞི་པོ་དེ་དག་དང་ལྡན་ན་སངས་རྒྱས་ཀྱི་ཞིང་ཡོངས་སུ་དག་པ་འཐོབ་བོ། །དེ་ལ་འདི་སྐད་ཅེས་བྱ་སྟེ། གཞན་གྱི་རྙེད་ལ་ནམ་ཡང་ཕྲག་དོག་མེད། །མཐོང་ནས་དགའ་བར་འགྱུར་ཏེ་སེར་སྣ་མེད། །སེམས་ཅན་ཀུན་ལ་དེ་ཡི་སེམས་ཀྱང་སྙོམས། །འཁོར་དང་འདྲེ་བར་དེ་ནི་ཡོང་
D77.043.0257a04.01མི་བྱེད། །ཆོས་བཞི་འདིས་ནི་ཞིང་གི་བཀོད་འཐོབ་ཅིང་། །མྱུར་དུ་བྱང་ཆུབ་མཆོག་ཀྱང་ཐོབ་པར་འགྱུར། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་དགེ་འདུན་ཕུན་སུམ་ཚོགས་པ་འཐོབ་སྟེ། བཞི་གང་ཞེ་ན། གཞན་གྱི་འཁོར་མི་འབྱེད་པ་དང་། མི་འཐུན་པ་
D77.043.0257a05.01རྣམས་ཀྱི་སྡུམས་བྱེད་པ་དང་། ལུང་ནོད་པ་དང་ཁ་ཏོན་བྱེད་དུ་འཇུག་པས་ཕན་འདོགས་པ་དང་། ཕྲ་མའི་ཚིག་ཡོངས་སུ་སྤོང་བ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་དགེ་འདུན་ཕུན་སུམ་ཚོགས་པ་འཐོབ་བོ། །དེ་ལ་འདི་སྐད་ཅེས་བྱ་སྟེ། གཞན་གྱི་
D77.043.0257a06.01འཁོར་ནི་ནམ་ཡང་ཡོང་མི་འབྱེད། །སྐྱེ་བོ་མི་འཐུན་པ་དག་འདུན་པར་བྱེད། །ལུང་ནོད་ཁ་ཏོན་བྱེད་ལ་ཡང་དག་འཛུད། །ཕ་རོལ་དག་ལ་དབྱེན་གྱི་ཚིག་མི་སྨྲ། །ཆོས་བཞི་འདི་དག་ངེས་པར་བསྟེན་བྱས་ན། །དགེ་འདུན་རྒྱ་ཆེན་རྣམ་དག་ཐོབ་པར་འགྱུར། །དེ་བས་དགེ་འདུན་
D77.043.0257a07.01