完整藏文原文 · 德格版页 当前仅加载第 43 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
མི་མངའ། །ཐུབ་ཆེན་ཁྱོད་ནི་ཐམས་ཅད་མཁྱེན། །བྱང་ཆུབ་སེམས་དཔའི་སྤྱོད་གང་ལགས། །{གོ་རིམས་,གོ་རིམ་}བཞིན་དུ་བསྟན་དུ་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བུ་མོ་དྲི་མ་མེད་ཀྱིས་བྱིན་པ་ལ་འདི་སྐད་ཅེས་བཀའ་སྩལ་ཏོ། །བུ་མོ་ལེགས་
D77.043.0253b01.01སོ་ལེགས་སོ། །བུ་མོ་དེ་བཞིན་གཤེགས་པ་ལ་དོན་འདི་ལྟ་བུ་འདི་འདྲི་བར་སེམས་པ་ནི་ཁྱོད་ཡང་ལེགས་སོ། །བུ་མོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །བུ་མོ་དྲི་མ་མེད་ཀྱིས་བྱིན་པས་བཅོམ་ལྡན་འདས་ལ་ལེགས་སོ་ཞེས་གསོལ་ཏེ་བཅོམ་
D77.043.0253b02.01ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་བདུད་འདུལ་བར་བྱེད་དེ། བཞི་གང་ཞེ་ན། གཞན་གྱི་རྙེད་པ་ལ་ཕྲག་དོག་མེད་པ་དང་། །ཕྲ་མའི་ཚིག་ཡོངས་སུ་སྤོང་བ་དང་།
D77.043.0253b03.01སྐྱེ་བོ་མང་པོ་དགེ་བའི་རྩ་བ་འཛིན་དུ་འཇུག་པ་དང་། སྒྲིབ་པ་མེད་པའི་བྱམས་པ་སྒོམ་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་བདུད་འདུལ་བར་བྱེད་དོ། །དེ་ལ་འདི་སྐད་ཅེས་བྱ་སྟེ། ཕྲག་དོག་མི་བྱ་ཕྲ་མ་སྨྲ་མི་བྱ། །སྐྱེ་བོ་མང་པོ་དགེ་བ་རྣམས་
D77.043.0253b04.01ལ་སྦྱར། །ཕྱོགས་བཅུ་རྣམས་སུ་བྱམས་པ་བསྒོམས་བྱས་ན། །བདུད་འདིར་བཏུལ་ནས་བྱང་ཆུབ་རེག་པར་འགྱུར། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་སངས་རྒྱས་ཀྱི་ཞིང་མཐའ་ཡས་པ་དག་གཡོ་བར་བྱེད་དེ། བཞི་གང་ཞེ་ན། ཇི་སྐད་སྨྲས་པ་
D77.043.0253b05.01དེ་བཞིན་བྱེད་པ་དང་། ཆོས་ཟབ་མོ་ལ་མོས་པ་དང་། ཡི་དམ་ལ་བརྟན་པ་དང་། སྐྱེ་བོ་མང་པོ་བྱང་ཆུབ་ཡང་དག་པར་འཛིན་དུ་འཇུག་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སངས་རྒྱས་ཀྱི་ཞིང་མཐའ་ཡས་པ་དག་གཡོ་བར་བྱེད་དོ། །
D77.043.0253b06.01དེ་ལ་འདི་སྐད་ཅེས་བྱ་སྟེ། ཇི་སྐད་སྨྲས་པ་དེ་བཞིན་བྱེད། །མཁས་པ་ཟབ་མོའི་ཆོས་ལ་བཟོད། །ཡི་དམ་ལ་ཡང་ཤིན་ཏུ་བརྟན། །དཀར་པོའི་ཆོས་ལ་འཛུད་པར་བྱེད། །རྫོགས་པའི་བྱང་ཆུབ་བླ་མེད་ལ། །སྐྱེ་བོ་མང་པོ་དགའ་བར་བྱེད། །དེ་ལྟར་ཆོས་བཞི་
D77.043.0253b07.01