完整藏文原文 · 德格版页 当前仅加载第 43 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་གིས། །ཞིང་རྣམས་བྱེ་བ་གཡོ་བར་བྱེད། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་སངས་རྒྱས་ཀྱི་ཞིང་མཐའ་ཡས་མུ་མེད་པ་རྣམས་སུ་འོད་ཟེར་དག་གཏོང་སྟེ། བཞི་གང་ཞེ་ན། མར་མེ་སྦྱིན་པ་དང་། དམ་པའི་ཆོས་ཡོངས་སུ་འཛིན་
D77.043.0254a01.01པ་དང་། སེམས་ཅན་བག་མེད་པར་གྱུར་ཅིང་མི་ཁོམ་པར་གྱུར་པ་རྣམས་ཀྱི་གན་དུ་སོང་སྟེ་ཆོས་སྟོན་པ་དང་། དེ་བཞིན་གཤེགས་པའི་མཆོད་རྟེན་དག་ལ་རིན་པོ་ཆེའི་དྲ་བས་འགེབས་པ་སྟེ། བུ་མོ་བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན་སངས་རྒྱས་ཀྱི་ཞིང་མཐའ་
D77.043.0254a02.01ཡས་མུ་མེད་པ་རྣམས་སུ་འོད་ཟེར་དག་གཏོང་ངོ་། །དེ་ལ་འདི་སྐད་ཅེས་བྱ་སྟེ། མར་མེ་བྱིན་པས་འོད་ནི་རྣམ་པར་དག །ཟད་པའི་དུས་ན་དམ་ཆོས་ཡོངས་སུ་འཛིན། །བག་མེད་གྱུར་པ་རྣམས་ལ་ཆོས་སྦྱིན་བྱེད། །མཆོད་རྟེན་དག་ལ་རིན་ཆེན་དྲ་བ་འབུལ། །དེས་ན་བྱེ་བ་
D77.043.0254a03.01བསམ་ཡས་ཞིང་འགྲོ་ཞིང་། །བྱང་ཆུབ་སེམས་དཔའ་འོད་ཟེར་གཏོང་བར་བྱེད། །རེག་ནས་སེམས་ཅན་བདེ་དང་ལྡན་པར་འགྱུར། །མཁས་པ་བྱང་ཆུབ་བླ་མེད་དོན་དུ་གཉེར། །བུ་མོ་བྱང་ཆུབ་སེམས་དཔའ་ཆོས་བཞི་དང་ལྡན་ན་གཟུངས་འཐོབ་སྟེ། བཞི་གང་ཞེ་ན། རྒྱན་
D77.043.0254a04.01སྣ་ཚོགས་གཙང་ཞིང་དག་པ་སྦྱིན་པ་དང་། བུ་མོ་རྒྱན་ཐམས་ཅད་ཀྱིས་བརྒྱན་ཏེ་འདོད་པ་རྣམས་ལ་སྦྱིན་པ་དང་། རྒྱུན་མི་འཆད་པར་དེ་བཞིན་གཤེགས་པའི་བསྔགས་པ་བརྗོད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མང་དུ་གནས་པ་སྟེ། བུ་མོ་བྱང་ཆུབ་སེམས་དཔའ་
D77.043.0254a05.01ཆོས་བཞི་པོ་དེ་དག་དང་ལྡན་ན་གཟུངས་འཐོབ་བོ། །དེ་ལ་འདི་སྐད་ཅེས་བྱ་སྟེ། སྣ་ཚོགས་བྱིན་པས་གཟུངས་ནི་ཐོབ་པར་འགྱུར། །སློང་བ་རྣམས་ལ་བུ་མོ་བརྒྱན་ཏེ་སྦྱིན། །རྒྱུན་མི་འཆད་པར་སངས་རྒྱས་བསྔགས་པ་བརྗོད། །རྒྱལ་བའི་ཡེ་ཤེས་དོན་དུ་ཤེས་རབ་
D77.043.0254a06.01བསྒོམས། །ཆོས་བཞི་འདི་དག་གིས་ནི་གཟུངས་འཐོབ་འགྱུར། །བསྐལ་པ་བརྒྱར་ཡང་ཐོས་པ་ཆུད་མི་ཟ། །ཕྱོགས་བཅུར་དེ་བཞིན་གཤེགས་པ་གང་འཆད་པ། །དེ་དག་ཐམས་ཅད་དྲན་པའི་སྟོབས་ཀྱིས་འཛིན། །བུ་མོ་བྱང་ཆུབ་སེམས་དཔའ་ཆོས་བཞི་དང་
D77.043.0254a07.01