完整藏文原文 · 德格版页 当前仅加载第 43 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་ཤིག །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྨྲས་པ། བུ་མོ་ནི་སྐྱེ་བ་དང་འགག་པ་མི་འདྲི་སྟེ། དེ་ནི་ལན་གདབ་པར་མི་ནུས་སོ། །བུ་མོ་དྲི་མ་མེད་ཀྱིས་བྱིན་པས་སྨྲས་པ། སྤྱན་རས་གཟིགས་དབང་ཕྱུག་གང་ན་སྐྱེ་བ་མ་མཆིས་
D77.043.0251a01.01པ་དང་འགག་པ་མ་མཆིས་པ་དེ་ནི་དྲི་བ་མ་མཆིས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་སྨྲས་པ། བུ་མོ་གང་ན་སྐྱེ་བ་མེད་ཅིང་འགག་པ་མེད་པ་དེ་ནི་ཡི་གེ་འཇུག་པ་མེད་དོ། །བུ་མོས་སྨྲས་པ། འཇུག་པ་མ་མཆིས་པ་དང་། ཡི་གེ་མ་མཆིས་
D77.043.0251a02.01པའི་ཆོས་ཐམས་ཅད་ལ་ནི་མཁས་པ་དག་ཡི་གེ་དང་འཇུག་པ་མི་སྟོན་ཏེ། ཡི་གེ་རྣམས་ལ་མི་ཆགས་སོ། །ཆགས་པ་མ་མཆིས་པ་ནི་ཆོས་ཀྱི་དབྱིངས་ཏེ། དེ་ལ་ནི་རྟོགས་པར་བགྱི་བའི་སླད་དུ་ཆགས་པ་མ་མཆིས་སོ། །བྱང་ཆུབ་སེམས་དཔའ་སྤྱན་རས་གཟིགས་དབང་
D77.043.0251a03.01ཕྱུག་ཀྱང་ཅང་མི་སྨྲ་བར་གྱུར་ཏོ། །དེ་ནས་བུ་མོ་དྲི་མ་མེད་ཀྱིས་བྱིན་པས་བྱང་ཆུབ་སེམས་དཔའ་སྤོབས་པ་བརྩེགས་ལ་འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱིས་འདི་སྐད་དུ་གང་གིས་གྲོང་ཁྱེར་ན་སྐྱེ་བོའི་ཚོགས་ཐམས་ཅད་ཕན་ཚུན་ཚིགས་སུ་བཅད་པའི་དབྱངས་དང་།
D77.043.0251a04.01བྱམས་པའི་སེམས་ཀྱིས་སྨྲ་བར་འགྱུར་བ་དང་། སྤོབས་པ་ཡང་ཐོབ་པར་འགྱུར་བ་རྣམ་པ་དེ་ལྟ་བུའི་བསམ་པ་ཁོ་བོས་བསམ་པར་བྱའོ། །ཞེས་གསུངས་པའི་ཁྱོད་ཀྱི་སྤོབས་པ་ཉེ་བར་སྒྲུབ་པ་གང་ལགས་པ་དེ་ཅི་རྣམ་པར་རྟོག་པས་བསྐྱེད་པ་ལགས་སམ། འོན་ཏེ་རྒྱུ་མ་མཆིས་
D77.043.0251a05.01པ་ལས་བྱུང་བ་ལགས། གལ་ཏེ་རྣམ་པར་རྟོག་པས་བསྐྱེད་པ་ལགས་ན་ནི་འདུས་བྱས་ཐམས་ཅད་ཀྱང་རྣམ་པར་རྟོག་པས་བསྐྱེད་པ་ལགས་ཏེ། དེ་ལྟ་བས་ན་རྣམ་པར་ཞི་བར་མི་འགྱུར་རོ། །ཅི་སྟེ་རྒྱུ་མ་མཆིས་པ་ལས་བྱུང་བ་ལགས་ན་ནི་མ་བྱུང་བ་ལ་སྒྲོ་འདོགས་པར་འགྱུར་
D77.043.0251a06.01རོ། །བྱང་ཆུབ་སེམས་དཔའ་སྤོབས་པ་བརྩེགས་ཀྱིས་སྨྲས་པ། བུ་མོ་སེམས་ཅན་གང་དག་ཁོ་བོའི་མིག་ལམ་ན་སྣང་བར་འགྱུར་བ་དེ་དག་ཐམས་ཅད་སྤོབས་པ་ཐོབ་པར་གྱུར་ཅིག་ཅེས་བྱ་བའི་ཁོ་བོའི་སྨོན་ལམ་འདི་ནི་དང་པོ་སེམས་བསྐྱེད་པ་ནས་བཟུང་སྟེ་བཏབ་བོ། །བུ་མོ་དྲི་མ་
D77.043.0251a07.01