完整藏文原文 · 德格版页 当前仅加载第 43 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཏེ། དང་པོ་སེམས་བསྐྱེད་པ་ནས་བཟུང་སྟེ་བྱང་ཆུབ་ཀྱི་སྙིང་པོའི་བར་གྱི་བྱང་ཆུབ་སེམས་དཔའ་རྣམས་ནི་ལྷ་དང་བཅས་པའི་འཇིག་རྟེན་གྱི་མཆོད་རྟེན་དང་སྦྱིན་གནས་ཡིན་ཏེ། ཉན་ཐོས་དང་། རང་སངས་རྒྱས་ཐམས་ཅད་ཀྱང་ཟིལ་གྱིས་གནོན་ཏོ། །དེ་ནས་བཅོམ་ལྡན་
D77.043.0258b01.01འདས་ཀྱིས་དེའི་ཚེ་འཛུམ་པ་མཛད་དོ། །འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ། གང་གི་ཚེ་འཛུམ་པ་མཛད་པ་དེའི་ཚེ་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་དོག་དུ་མ་ཁ་དོག་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་།
D77.043.0258b02.01དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་དག་བྱུང་སྟེ། འོད་དེས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་སྣང་བས་ཁྱབ་པར་མཛད་ནས་ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ་སླར་ལོག་ནས་བཅོམ་ལྡན་འདས་ཀྱི་དབུའི་
D77.043.0258b03.01གཙུག་ཏུ་ནུབ་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ཚིགས་སུ་བཅད་དེ་
D77.043.0258b04.01གསོལ་པ། ལྷ་དང་ཚངས་པའི་སྒྲ་དང་མི་མཇེད་བདག་པོའི་སྒྲ་དང་འབྲུག་སྒྲ་དབྱངས་ལྡན་པ། །མགོན་པོ་ལྷ་སྒྲ་ཡིད་འོང་ལྡན་ཞིང་འདོད་ཆགས་ཞེ་སྡང་ཞི་བར་མཛད་པ་པོ། །གཏི་མུག་སྤོང་བ་འཇིག་རྟེན་དག་ན་དགའ་བ་བཟང་པོ་གཞལ་ཡས་སྐྱེད་མཛད་པ། །སྟོབས་
D77.043.0258b05.01བཅུ་ཡོན་ཏན་རྒྱ་མཚོ་མངའ་བ་གང་གི་དོན་དུ་འོད་བཏང་བསྟན་དུ་གསོལ། །རིར་བཅས་ནགས་ཚལ་བཅས་ཤིང་ཆབ་དང་བཅས་པའི་ས་རྣམས་རྣམ་པ་དྲུག་ཏུ་གཡོས། །ལྷ་རྣམས་ནམ་མཁར་གནས་ཤིང་ལྷ་ཡི་མེ་ཏོག་ཡིད་དུ་འོང་བའི་ཆར་པ་འབེབས། །སེང་གེས་ཝ་ཕམ་
D77.043.0258b06.01བགྱིས་པ་བཞིན་དུ་ཁྱོད་ཀྱིས་མུ་སྟེགས་གཞན་ཀུན་ཕམ་པར་མཛད། །དཔའ་བོ་གང་གི་དོན་དུ་འོད་ཀྱི་ལྟས་འདི་བསྟན་པ་མཛད་པ་བཀའ་སྩལ་གསོལ། །ཉི་ཟླ་བྱེ་བ་སྟོང་གིས་འོད་བཀྱེ་བ་དང་གློག་དང་ནོར་བུ་རྣམས་འོད་དང་། །ལྷ་དང་ཀླུ་དང་དྲི་ཟ་གནོད་སྦྱིན་དག་གི་འོད་
D77.043.0258b07.01