完整藏文原文 · 德格版页 当前仅加载第 55 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱིས་ཡོངས་སུ་བསྐོར་ཅིང་ཉན་ཐོས་ཀྱི་དགེ་འདུན་གྱིས་མདུན་གྱིས་བལྟས་ཏེ། རིའི་རྒྱལ་པོ་བཞིན་དུ་འབར་བ་དེ་དང་ཐམས་ཅད་དང་ལྡན་པའི་སངས་རྒྱས་ཀྱི་ཞིང་དེ་ཡང་ས་ལེར་མཐོང་སྟེ། འདི་ལྟ་སྟེ་དཔེར་ན། སྐྱེས་བུ་མིག་དང་ལྡན་པས། འདོམ་གང་ཙམ་
D130.055.0214a01.01གྱི་ཕྱོགས་ན་སྐྱེས་བུ་ཅིག་ཤོས་ཀྱི་བཞིན་གྱི་དཀྱིལ་འཁོར་སྒྲིམ་མི་དགོས་པར་མཐོང་བ་དེ་བཞིན་དུ། འཇིག་རྟེན་གྱི་ཁམས་འདི་དང་སངས་རྒྱས་ཀྱི་ཞིང་འདི་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་མཐོང་ངོ་། །འཇིག་རྟེན་གྱི་
D130.055.0214a02.01ཁམས་བདེ་བ་ཅན་ཡོན་ཏན་བྱེ་བ་ཁྲག་ཁྲིག་བརྒྱ་སྟོང་དུ་མས་གང་བ་ཡོན་ཏན་གྱི་བཀོད་པ་ཆེན་པོ་དང་ལྡན་པ་དེ་ཡང་སྣང་ངོ་། །མཐོང་ནས་ཀྱང་དགའ་བ་དང་མཆོག་ཏུ་དགའ་བ་རྒྱ་ཆེན་པོ་སྐྱེས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D130.055.0214a03.01རྒྱས་འོད་དཔག་མེད་ལ་ཕྱག་འཚལ་ལོ་ཞེས་ཚིག་དེ་སྐད་ཀྱང་བརྗོད་དོ། །སངས་རྒྱས་ཀྱི་ཞིང་ཡང་དག་པར་བསྟན་པར་མཛད་པ་ན་སངས་རྒྱས་ཀྱི་ཞིང་འདི་ན་སྔོན་སེམས་མ་བསྐྱེད་པའི་སྲོག་ཆགས་བརྒྱད་ཁྲི་བཞི་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །
D130.055.0214a04.01འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དགེ་བའི་རྩ་བ་ཡོངས་སུ་བསྔོའོ། །འཇིག་རྟེན་གྱི་ཁམས་བདེ་བ་ཅན་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དང་ཉན་ཐོས་ཆེན་པོ་གང་དག་འཁོད་པ་དེ་དག་གིས།
D130.055.0214a05.01འཇིག་རྟེན་གྱི་ཁམས་མི་མཇེད་འདི་མཐོང་ནས། ངོ་མཚར་དུ་གྱུར་ཏེ། ཐལ་མོ་སྦྱར་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ཞིང་ཚིག་འདི་སྐད་ཅེས་བཅོམ་ལྡན་འདས་དེ་བཞིན་གཤེགས་པ་དགྲ་
D130.055.0214a06.01བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་ཀྱང་བརྗོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དང་ཉན་ཐོས་ཆེན་པོ་དེ་དག་གིས་ཚིག་དེ་བརྗོད་མ་ཐག་ཏུ་དེའི་ཚེ། ཐམས་ཅད་དང་ལྡན་པའི་འཇིག་རྟེན་གྱི་ཁམས་དེ་རྣམ་པ་དྲུག་ཏུ་
D130.055.0214a07.01