完整藏文原文 · 德格版页 当前仅加载第 55 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་ཇི་སྐད་སྨྲས་པ་དེ་དེ་བཞིན་ཏེ། སྐྱེས་བུ་དམ་པ་འདི་གཉིས་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ནས་དགེ་བའི་རྩ་བ་དག་ཡོངས་སུ་སྦྱངས་པ་ཡིན་ནོ། །པད་མའི་དཔལ་གྱི་སྙིང་པོ་སྐྱེས་བུ་དམ་པ་འདི་གཉིས་ནི་སྒྱུ་མ་ལྟ་བུའི་ཏིང་ངེ་འཛིན་ཐོབ་པ་ཡིན་ཏེ།
D130.055.0221a01.01འདི་གཉིས་སྒྱུ་མ་ལྟ་བུའི་ཏིང་ངེ་འཛིན་ལ་གནས་ནས། རྫུ་འཕྲུལ་གྱི་རྣམ་པར་སྤྲུལ་པ་འདི་ལྟ་བུ་འདི་དག་སྟོན་ཏོ། །པད་མའི་དཔལ་གྱི་སྙིང་པོ་ཁྱོད་ཤར་གྱི་ཕྱོགས་ཆ་ལོགས་སུ་དེ་ན་ཅི་སྣང་ལྟོས་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་དཔལ་གྱི་སྙིང་པོས་བྱང་
D130.055.0221a02.01ཆུབ་སེམས་དཔའི་ལྷའི་མིག་སྒྲིབ་པ་མེད་པས་བལྟས་ན་ཤར་ཕྱོགས་སུ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་ན། སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་མཐོང་ངོ་། །སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་ཞབས་ལ་བྱང་ཆུབ་སེམས་དཔའ་
D130.055.0221a03.01སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་གཉིས་ཕྱག་འཚལ་ནས་ཚིག་འདི་སྐད་ཅེས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད། བཅོམ་ལྡན་འདས་
D130.055.0221a04.01ལ་གནོད་པ་ཆུང་ངམ་ཞེས་སྙུན་གསོལ་ལོ། །ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་ཀྱང་སྙུན་གསོལ་ལོ་ཞེས་སྨྲའོ། །དེ་བཞིན་དུ་ལྷོའི་ཕྱོགས་ཆ་དང་། དེ་བཞིན་དུ་ནུབ་དང་། དེ་བཞིན་དུ་བྱང་དང་། དེ་བཞིན་དུ་འོག་དང་།
D130.055.0221a05.01དེ་བཞིན་དུ་སྟེང་དང་། དེ་བཞིན་དུ་ཕྱོགས་བཅུ་ཀུན་ཏུ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་ན་རིན་པོ་ཆེ་སྣ་ཚོགས་ཀྱི་ཁང་པ་བརྩེགས་པའི་བཀོད་པ་ཆེན་པོ་དུ་མས་བརྒྱན་ཅིང་ཡོངས་སུ་ཁྱབ་པར་མཐོང་ངོ་། །སངས་རྒྱས་ཀྱི་ཞིང་དེ་དག་ཐམས་ཅད་ན་སངས་རྒྱས་བཅོམ་ལྡན་
D130.055.0221a06.01འདས་དག་ཀྱང་མཐོང་ངོ་། །སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་སྤྱན་སྔ་ན་སྐྱེས་བུ་དམ་པ་དེ་གཉིས་ཞབས་ལ་ཕྱག་འཚལ་བར་ཡང་མཐོང་ངོ་། །མཐོང་ནས་ཀྱང་དེ་ཤིན་ཏུ་ངོ་མཚར་ཆེར་འཛིན་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
D130.055.0221a07.01