完整藏文原文 · 德格版页 当前仅加载第 55 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡོག་པར་འགྱུར་རོ། །པད་མའི་དཔལ་གྱི་སྙིང་པོ་བུད་མེད་གང་ལ་ལས་བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཡོངས་སུ་མྱ་ངན་ལས་འདས་པ་དེ་དང་། མ་འོངས་པ་དེ་གཉིས་ཀྱི་མཚན་ཐོས་ན་དེ་བུད་མེད་ཀྱི་རང་བཞིན་དུ་མི་འགྱུར་རོ། །བསྐལ་པ་
D130.055.0228b01.01བྱེ་བ་ཕྲག་བཞི་བཅུར་འཁོར་བ་བསྙིལ་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། སངས་རྒྱས་མཐོང་བ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་མི་འབྲལ་བར་འགྱུར། ཚེ་རྗེས་ནས་ཀྱང་རབ་ཏུ་འབྱུང་བ་འཐོབ་པར་
D130.055.0228b02.01འགྱུར། ཚེ་རབས་དྲན་པ་དང་། སྤོབས་པ་ཐོགས་པ་མེད་པར་འགྱུར་རོ། །གཟུངས་ཀྱང་འཐོབ་པར་འགྱུར་རོ། །དེ་ནས་འཁོར་དེའི་ནང་ནས་ལྷ་དང་མི་དང་སྐྱེ་དགུའི་སྲོག་ཆགས་བྱེ་བ་ཕྲག་དགུ་བཅུ་རྩ་དྲུག་གིས་མགྲིན་གཅིག་ཏུ་ཚིག་སྨྲས་པ། གང་དག་མ་བྱོན་པ་དེ་དག་དང་། གང་དག་ད་
D130.055.0228b03.01ལྟར་བཞུགས་པ་འཚོ་ཞིང་གཞེས་པ་དེ་དག་དང་། ཕྱོགས་བཅུ་ན་གང་དག་ཡོངས་སུ་མྱ་ངན་ལས་འདས་པའི་དེ་བཞིན་གཤེགས་པ་དེ་དག་ལ་ཕྱག་འཚལ་ལོ། །དེ་དག་གི་མཚན་གང་ལགས་པ་དེ་དག་ལ་ཡང་རྗེས་སུ་ཡི་རང་ངོ་། །ཚིག་འདི་སྐད་ཅེས་ཀྱང་སྨྲ་སྟེ། བཅོམ་ལྡན་འདས་བདག་
D130.055.0228b04.01ཅག་ལྷན་ཅིག་ཚོགས་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ། །ཞེས་སྨྲས་སོ། །དེ་དག་ཀྱང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །སྲོག་ཆགས་ཁྲག་ཁྲིག་བརྒྱ་ཕྲག་བརྒྱད་ཅུ་རྩ་བཞི་ནི་
D130.055.0228b05.01ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དགེ་སློང་བདུན་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་
D130.055.0228b06.01དཔའ་ཆེན་པོ་མཐུ་ཆེན་ཐོབ་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་པས་ཐམས་ཅད་དང་ལྡན་པའི་འཁོར་གྱིས་ཕྱོགས་བཅུ་ན་བཅོམ་ལྡན་འདས་དཔག་ཏུ་མེད་གྲངས་མེད་པ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པ་མཐོང་བ་དེ་ལྟ་བུའི་
D130.055.0228b07.01