完整藏文原文 · 德格版页 当前仅加载第 55 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་རྒྱལ་པོ་དཔལ་གྱི་གཟི་བརྗིད་ཀྱི་གཡས་ཕྱོགས་སུ་བྱུང་བའི་ཁྱེའུ་གང་ཡིན་པ་དེས་རྒྱལ་པོ་དཔལ་གྱི་གཟི་བརྗིད་དེ་ལ་ཚིགས་སུ་བཅད་དེ་སྨྲས་པ། གྲོགས་པོ་ཆོས་ཀུན་སྟོང་པ་ཡི། །མིང་ནི་འདྲི་བར་བྱེད་དམ་ཅི། །ཆོས་རྣམས་ཐམས་ཅད་མིང་མེད་ན། །གང་གི་མིང་ནི་འདྲི་
D130.055.0225a01.01བར་བྱེད། །སྟོང་ཉིད་གང་ལའང་ལྷ་མེད་ཅིང་། །ཀླུ་མེད་སྲིན་པོ་ཡོང་མ་ཡིན། །མིའམ་མི་མ་ཡིན་ཡང་རུང་། །ཐམས་ཅད་དེ་ན་ཡོང་མེད་དོ། །པད་མའི་དཔལ་གྱི་སྙིང་པོ་དེ་ནས་ཁྱེའུ་ཅིག་ཤོས་དེས་རྒྱལ་པོ་དཔལ་གྱི་གཟི་བརྗིད་དེ་ལ་ཚིགས་སུ་བཅད་དེ་སྨྲས་པ། མིང་ནི་མིང་གིས་སྟོང་
D130.055.0225a02.01པ་སྟེ། །མིང་ལ་མིང་ནི་ཡོད་མ་ཡིན། །ཆོས་རྣམས་ཐམས་ཅད་མིང་མེད་དེ། །འོན་ཀྱང་མིང་གིས་ཡོངས་སུ་བརྗོད། །མིང་གི་རང་བཞིན་གང་ཡིན་པ། །དེ་ནི་མ་མཐོང་མ་ཐོས་སོ། །ལས་ཀྱིས་འགགས་པ་མ་ཡིན་ན། །འདི་ན་གང་གི་མིང་ཞིག་འདྲི། །ཐ་སྙད་དུ་ནི་མིང་བྱས་ནས། །
D130.055.0225a03.01མིང་བཏགས་བྱས་ཏེ་བསྟན་པ་ནི། །ཁོ་བོའི་མིང་ནི་རིན་ཆེན་སེམས། །ཅིག་ཤོས་རིན་ཆེན་མཆོག་ཅེས་བྱ། པད་མའི་དཔལ་གྱི་སྙིང་པོ་དེ་ལྟར་ཁྱེའུ་གཉིས་ཀྱིས་ཚིགས་སུ་བཅད་པ་འདི་དག་སྨྲས་ཏེ་མངོན་པར་ཤེས་པ་ལྔ་བསྒྲུབས་ནས། རྒྱལ་པོ་དཔལ་གྱི་གཟི་བརྗིད་དེ་དང་ལྷན་ཅིག་ཏུ་བཅོམ་ལྡན་
D130.055.0225a04.01འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཐལ་མོ་སྦྱར་ཏེ་
D130.055.0225a05.01ཕྱོགས་གཅིག་ཏུ་འཁོད་དོ། །པད་མའི་དཔལ་གྱི་སྙིང་པོ་དེ་ལྟར་ཁྱེའུ་དེ་གཉིས་ཀྱིས་དབྱངས་གཅིག་ཏུ་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། པད་མ་དག་དང་དྲི་བདའ་དང་། །མེ་ཏོག་ཕྲེང་དང་ན་བཟའ་དང་། །འོན་ཏེ་ཟས་དང་སྐོམ་གྱིས་སམ། །རྒྱལ་བ་ཇི་ལྟར་མཆོད་པར་
D130.055.0225a06.01བགྱི། །རྫོགས་པའི་སངས་རྒྱས་རྐང་གཉིས་གཙོ། །ཇི་ལྟར་མཆོད་པར་འགྱུར་བ་ལགས། །དོན་འདི་ལེགས་པར་བསྟན་དུ་གསོལ། །འདྲེན་པ་ཐོས་ནས་འཚལ་བར་བགྱི། །པད་མའི་དཔལ་གྱི་སྙིང་པོ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D130.055.0225a07.01