完整藏文原文 · 德格版页 当前仅加载第 55 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེའི་ཚེ་དེའི་དུས་ན་བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་གསུང་རབ་ལ་འཇིག་རྟེན་གྱི་ཁམས་སྟོང་གི་དབང་ཕྱུག་ཆོས་དང་ལྡན་པ་ཆོས་ཀྱི་རྒྱལ་པོ་དཔལ་གྱི་གཟི་བརྗིད་ཅེས་བྱ་བའི་རྒྱལ་པོ་ཞིག་བྱུང་སྟེ། པད་མའི་དཔལ་
D130.055.0223a01.01གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་དེ་ལ་བུ་བྱེ་བ་ཕྲག་བརྒྱ་ཡོད་དེ། རྒྱལ་བུ་གཞོན་ནུ་དེ་དག་ཐམས་ཅད་ཀྱང་སྐྱེས་བུ་ཆེན་པོའི་མཚན་ཉི་ཤུ་རྩ་བརྒྱད་དང་ལྡན་པར་གྱུར་ཏོ། །དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པར་གྱུར་ཏོ། །
D130.055.0223a02.01པད་མའི་དཔལ་གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་ཀྱི་ཡོངས་སུ་ལོངས་སྤྱོད་པའི་སྐྱེད་མོས་ཚལ་ནི་བདུན་ཁྲི་དྲུག་སྟོང་ཡོད་དོ། །རྒྱལ་བུ་རེ་རེ་ལ་ཡང་ལོངས་སྤྱོད་ཀྱི་སྐྱེད་མོས་ཚལ་ཁྲི་ཁྲི་ཡོད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་པད་མའི་དཔལ་གྱི་སྙིང་པོས་འདི་སྐད་
D130.055.0223a03.01ཅེས་གསོལ་ཏོ། །བཅོམ་ལྡན་འདས་སངས་རྒྱས་ཀྱི་ཞིང་དེ་ན་བུད་མེད་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། པད་མའི་དཔལ་གྱི་སྙིང་པོ་དེ་ནི་མེད་དོ། །སངས་རྒྱས་ཀྱི་ཞིང་དེ་ན་བུད་མེད་མིང་ཡང་མི་གྲག་སྟེ། རྒྱལ་བུ་གཞོན་ནུ་དེ་དག་ཐམས་ཅད་ཀྱང་ཚངས་
D130.055.0223a04.01པར་སྤྱོད་པ་ལས་གྱུར་པ། བརྫུས་ཏེ་བྱུང་བ་ཤ་སྟག་གོ། །སེམས་ཅན་དེ་དག་ཐམས་ཅད་ཀྱང་བསམ་གཏན་གྱི་དགའ་བ་དང་། ཆོས་ཀྱི་དགའ་བའི་ཟས་ཅན་ཡིན་ཏེ། སངས་རྒྱས་ཀྱི་ཞིང་དེ་ན་ཁ་ཟས་རགས་པ་མེད་པར་གྱུར་ཏོ། །པད་མའི་དཔལ་གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་དེ་ནི་ལས་
D130.055.0223a05.01གཞན་མེད་དེ་བུ་དེ་རྣམས་དང་ལྷན་ཅིག་བཅོམ་ལྡན་འདས་དེ་ལ་ལོ་བྱེ་བ་སྟོང་ཕྲག་བརྒྱད་ཁྲི་བཞི་སྟོང་གི་བར་དུ་བསྙེན་བཀུར་བྱས་སོ། །བཅོམ་ལྡན་འདས་དེ་བཞིན་གཤེགས་པ་དེས་དེའི་ལྷག་པའི་བསམ་པ་མཁྱེན་ནས་ཚད་མེད་པའི་ཕྱག་རྒྱ་ཞེས་བྱ་བའི་ཆོས་ཀྱི་ཚུལ་ལ་མཁས་པ་ཡང་
D130.055.0223a06.01དག་པར་རབ་ཏུ་བསྟན་ཏོ། །པད་མའི་དཔལ་གྱི་སྙིང་པོ་ཚད་མེད་པའི་ཕྱག་རྒྱ་ཞེས་བྱ་བའི་ཆོས་ཀྱི་ཚུལ་ལ་མཁས་པ་གང་ཞེ་ན། པད་མའི་དཔལ་གྱི་སྙིང་པོ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་སྤྱོད་པ་ཚད་མེད་པ་དག་དོན་ཏུ་གཉེར་བར་མི་བྱ་བ་དེ་གང་ཡང་མེད་དོ། །
D130.055.0223a07.01