完整藏文原文 · 德格版页 当前仅加载第 55 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
པད་མའི་དཔལ་གྱི་སྙིང་པོ་ངོ་མཚར་དུ་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟར་སྐྱེས་བུ་དམ་པ་འདི་གཉིས་ཀྱིས་སྒྱུ་མ་ལྟ་བུའི་ཏིང་ངེ་འཛིན་མངོན་པར་བསྒྲུབས་པ་ནི་བསམ་གྱིས་མི་ཁྱབ་སྟེ། བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་མཆོག་ཏུ་ངོ་
D130.055.0221b01.01མཚར་ཏོ། །དེ་ཅིའི་སླད་དུ་ཞེ་ན། འདི་ལྟར་སྐྱེས་བུ་དམ་པ་འདི་གཉིས་ཏིང་ངེ་འཛིན་འདི་ལ་གནས་ཏེ། སངས་རྒྱས་ཀྱི་ཞིང་ཐམས་ཅད་ན་གདའ་བའི་སླད་དུའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་པས། བྱང་ཆུབ་
D130.055.0221b02.01སེམས་དཔའ་པད་མའི་དཔལ་གྱི་སྙིང་པོས་ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་དག་མཐོང་བ་དང་། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་དག་དང་སྐྱེས་བུ་དམ་པ་དེ་གཉིས་སངས་རྒྱས་བཅོམ་ལྡན་འདས་ཀྱི་ཞབས་ལ་ཕྱག་འཚལ་བ་མཐོང་བ་དང་། དེ་བཞིན་དུ་
D130.055.0221b03.01ཐམས་ཅད་དང་ལྡན་པའི་འཁོར་དེས་ཀྱང་ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་དག་མཐོང་བ་དང་། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་དག་དང་། སྐྱེས་བུ་དམ་པ་དེ་གཉིས་སངས་རྒྱས་བཅོམ་ལྡན་འདས་དག་གི་ཞབས་ལ་ཕྱག་འཚལ་བ་མཐོང་བ་དང་། མཐོང་
D130.055.0221b04.01ནས་ཀྱང་བཅོམ་ལྡན་འདས་ཀྱི་འཁོར་སྲོག་ཆགས་སུམ་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་པད་མའི་དཔལ་གྱི་སྙིང་
D130.055.0221b05.01པོས་འདི་སྐད་ཅེས་གསོལ་ཏོ། །བཅོམ་ལྡན་འདས་སྐྱེས་བུ་དམ་པ་འདི་གཉིས་དེ་བཞིན་གཤེགས་པ་གང་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་ཇི་སྲིད་ཅིག་ལགས། དེའི་མཚན་ནི་ཅི་ཞེས་བགྱི། བཅོམ་ལྡན་འདས་དེ་བཞིན་གཤེགས་པ་
D130.055.0221b06.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ལེགས་པར་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་བྱང་ཆུབ་སེམས་དཔའ་གཞན་དག་ཀྱང་དེའི་བྱ་བ་དང་། དེའི་སྤྱོད་པ་དང་། དེའི་སྨོན་ལམ་ཡོངས་སུ་རྫོགས་པར་བྱེད་པར་
D130.055.0221b07.01