完整藏文原文 · 德格版页 当前仅加载第 62 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ལ་ཕྱི་སྒོའི་སྒོ་གང་དུ་དོང་ཆེན་པོ་རྐོས་ཤིག །དོང་ཆེན་པོ་བརྐོས་ནས་མེས་ཁོང་ལ་སྟེང་དུ་ཕྱག་དར་སྲབ་མོས་ཁོབ་ཤིག །ཁྱིམ་གྱི་ནང་དུ་ཟས་དུག་ཅན་སྦྱོར་ལ། ཟས་དུག་ཅན་སྦྱར་ནས་དགེ་སྦྱོང་གཽ་ཏ་མ་དེའི་གན་དུ་སོང་སྟེ་ཟས་ལ་བོས་ཤིག །གལ་ཏེ་དགེ་སྦྱོང་གཽ་ཏ་མ་ཐམས་ཅད་
D217.062.0270a01.01མཁྱེན་ཅིང་ཐམས་ཅད་གཟིགས་པ་ཡིན་ན་ནི་བཏུབ་པར་མི་འགྱུར་རོ། །ཇི་སྟེ་ཐམས་ཅད་མཁྱེན་པ་མ་ཡིན་ཐམས་ཅད་གཟིགས་པ་མ་ཡིན་ན་ནི་བཏུབ་པར་འགྱུར་ཏེ། དེ་ཕྱི་སྒོའི་སྒོ་གང་གི་མེ་དོང་དེར་ལྷུང་ནས་ཉན་ཐོས་ཀྱི་དགེ་འདུན་དང་བཅས་ཏེ་འཆི་བའི་དུས་བྱེད་པར་འགྱུར་རོ། །འོན་ཏང་
D217.062.0270a02.01རྣམ་གྲངས་ཅི་ཞིག་གིས་ཐར་བར་འགྱུར། ཁྱིམ་གྱི་ནང་དུ་ཟས་དུག་ཅན་ཟོས་ན་ཡང་འཆི་བའི་དུས་བྱེད་པར་འགྱུར་རོ། །དེ་བཞིན་དུ་བགྱིའོ་ཞེས་ཏེ་ཁྱིམ་བདག་དཔལ་སྦས་ཀྱིས་གཅེར་བུ་པ་ཉེ་དུའི་བུའི་ལྟར་ཉན་ནས་སྟན་ལས་ལངས་ཏེ། གཅེར་བུ་པ་ཉེ་དུའི་བུའི་རྐང་པ་ལ་ཕྱག་
D217.062.0270a03.01འཚལ་ནས་ལན་གསུམ་བསྐོར་བ་བྱས་ཏེ། གཅེར་བུ་པ་ཉེ་དུའི་བུའི་གན་ནས་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་པ་དང་། རང་གི་ཞོ་ཤས་འཚོ་བ་རྣམས་ལ་བོས་ཏེ་འདི་སྐད་ཅེས་སྨྲས་སོ། །ཞོ་ཤས་འཚོ་བ་དག་དེང་ལ་ཕྱི་སྒོའི་སྒོ་གང་དུ་དོང་ཆེན་པོ་རྐོས་ཤིག །དོང་
D217.062.0270a04.01ཆེན་པོ་བརྐོས་ནས་མེ་འབར་བ་མ་ཡིན་པ་དུ་བ་མི་འཐུལ་བས་ཁོང་ལ་སྟེང་དུ་ཕྱག་དར་སྲབ་མོས་ཁོབ་ཤིག །ཁྱིམ་གྱི་ནང་དུ་ཟས་དུག་ཅན་སྦྱོར་ཅིག །དེ་ནས་ཁྱིམ་བདག་དཔལ་སྦས་ཀྱིས་རང་གི་ཞོ་ཤས་འཚོ་བ་རྣམས་བསགས་ནས་རྒྱལ་པོའི་ཁབ་ནས་བྱུང་སྟེ། བྱ་རྒོད་ཀྱི་ཕུང་
D217.062.0270a05.01པོའི་རིག་ལ་བ་དང་། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་དང་ལྷན་ཅིག་མངོན་སུམ་དུ་དགའ་བར་བྱ་བ་དང་མགུ་བར་བྱ་བའི་གཏམ་རྣམ་པ་མང་པོ་བྱས་ཏེ་ཕྱོགས་གཅིག་ཏུ་འདུག་གོ། །ཁྱིམ་བདག་དཔལ་སྦས་ཕྱོགས་གཅིག་
D217.062.0270a06.01ཏུ་འདུག་པ་དང་། བཅོམ་ལྡན་འདས་ཀྱིས་ཆོས་ཀྱི་གཏམ་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །དེ་ནས་ཁྱིམ་བདག་དཔལ་སྦས་བཅོམ་ལྡན་འདས་ཀྱིས་ཆོས་ཀྱི་གཏམ་
D217.062.0270a07.01