完整藏文原文 · 德格版页 当前仅加载第 62 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཁྱིམ་བདག་དཔལ་སྦས་ཀྱི་ཁྱིམ་དུ་མ་གཤེགས་ཤིག །དེ་ཅིའི་སླད་དུ་ཞེ་ན། བཙུན་
D217.062.0273a01.01པ་བཅོམ་ལྡན་འདས་ཁྱིམ་བདག་དཔལ་སྦས་ཀྱིས་ནི་བཅོམ་ལྡན་འདས་དང་དགེ་སློང་གི་དགེ་འདུན་བཀྲོངས་པའི་སླད་དུ་ཕྱི་སྒོའི་སྒོ་གང་དུ་དོང་ཆེན་པོ་རྐོར་སྩལ་ཏེ། དོང་བརྐོས་ནས་ཞུགས་མི་འབར་ཞིང་དུ་བ་མ་མཆིས་པས་གཏམས་ཏེ། སྟེང་དུ་ཕྱག་དར་སྲབ་མོས་གཡོགས་
D217.062.0273a02.01ཤིང་མཆིས་ན་བཅོམ་ལྡན་འདས་དང་དགེ་སློང་གི་དགེ་འདུན་ལ་{ཆུང་ཟད་,ཅུང་ཟད་}གནོད་པར་ལྟ་མི་འགྱུར་རམ་སྙམ་བགྱིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་ཁྱོད་འདི་སྙམ་དུ་མ་སེམས་ཤིག །དགེ་བསྙེན་ང་དུད་འགྲོའི་སྐྱེ་གནས་སུ་གྱུར་པ་ན་
D217.062.0273a03.01ཡང་ངའི་ལུས་ལ་མེས་མ་ཚུགས་ན། ད་ལྟར་བྱང་ཆུབ་མངོན་པར་རྫོགས་པར་སངས་རྒྱས་པ་ལྟ་ཅི་སྨོས། ངས་ནི་འདོད་ཆགས་ཀྱི་མེ་དང་། ཞེ་སྡང་གི་མེ་དང་། གཏི་མུག་གི་མེ་དང་། མེ་གསུམ་བསད་པས་ངའི་ལུས་ལ་མེས་ཚུགས་པར་འགྱུར་བ་འདི་ནི་གནས་
D217.062.0273a04.01མེད་དོ། །བཙུན་པ་བཅོམ་ལྡན་འདས་དུད་འགྲོའི་སྐྱེ་གནས་སུ་གྱུར་པ་ན། ཇི་ལྟར་སྐུ་ལ་ཞུགས་ཀྱིས་མ་ཚུགས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་སྔོན་བྱུང་བ་འདས་པའི་དུས་ན་ཡུལ་ཀ་ལིང་ཀའི་རྒྱལ་པོ་ཞིག་བྱུང་བ་དེའི་ཚེ། ཡུལ་
D217.062.0273a05.01ཀ་ལིང་ཀའི་རྒྱལ་པོས་གླིང་བེགས་བུར་ཆད་པའི་{རི་དགས་,རི་དྭགས་}རྣམས་གསོད་པའི་ཕྱིར་སྲེག་པའི་མེ་ཆེན་པོ་བཏང་ངོ་། །དེ་ནས་གླིང་བེགས་བུར་ཆད་པ་ནི་{རི་དགས་,རི་དྭགས་}དང་བྱ་གང་དག་གནས་པ། ནམ་མཁའ་ལ་རྒྱུ་བའམ། ཐང་ལ་རྒྱུ་བའམ། ཆུ་ལ་རྒྱུ་བ་དེ་དག་སྲེག་
D217.062.0273a06.01པའི་མེ་དེས་འཁྲུགས་ནས་དེ་ན་གང་དག་ནམ་མཁའ་ལ་རྒྱུ་བ་དེ་དག་ནི་ནམ་མཁའ་ལ་བྱེར་རོ། །གང་དག་ཆུ་ལ་རྒྱུ་བ་དེ་དག་ནི་ཆུར་ཞུགས་སོ། །གང་དག་ཐང་ལ་རྒྱུ་བ་དེ་དག་ནི་ཕན་ཚུན་འབྱེར་ཞིང་རྒྱུག་སྟེ་འབྲོས་སོ། །གླིང་བེགས་བུར་ཆད་པ་དེ་ན་སྲེག་པའི་ཕྲུ་གུ་
D217.062.0273a07.01